ഹാർട്ടിലെ പ്രെഷർ കാരണം ഓപ്പറേഷന് കഴിഞ്ഞില്ല
സാധാരണ 15 ദിവസം കൊണ്ട് എടുക്കുന്ന പേപ്പർ വർക്ക് രണ്ടു ദിവസം കൊണ്ട് തീർത്തിരുന്നു. ഏതാണ്ട് 72 ഓളം പേപ്പറുകൾ ഉണ്ടായിരുന്നു. ആ പേപ്പർ വർക്കെല്ലാം നമ്മൾ തീർത്തു, സബ്മിറ്റ് ചെയ്തു. ഓപ്പറേഷന് വേണ്ടുന്ന കാര്യങ്ങൾ ഒക്കെയും സജ്ജമാക്കി. പക്ഷെ അത് ചെയ്യാൻ ആയില്ല. കാരണം ഹാർട്ടിലെ പ്രെഷർ കാരണം അത് ചെയ്യാൻ കഴിഞ്ഞില്ല. സുബിയുടെ ഈ ഒരു അവസ്ഥയിൽ നമ്മളെ ഒരുപാട് ആളുകൾ സഹായിച്ചു.
പ്രഷർ നിൽക്കുന്നുണ്ടായിരുന്നില്ല
25 ദിവസത്തോളമായി ആശുപത്രിയിലാണ്. രണ്ട് പ്രോഗ്രാം കഴിഞ്ഞ് വന്നതിനു ശേഷം അഡ്മിറ്റാവുകയായിരുന്നു. ഒരു കല്ല് ഉണ്ടെന്ന് കണ്ടെത്തിയിരുന്നു. പ്രഷർ നിൽക്കുന്നുണ്ടായിരുന്നില്ല. അപ്പോ മറ്റ് ട്രീറ്റ്മെൻ്റുകളൊന്നും ഏറ്റില്ല-അങ്ങനെ ഓപ്പറേഷൻ മുടങ്ങി. എല്ലാം സജ്ജമായിരുന്നു എങ്കിലും ആരോഗ്യസ്ഥിതി മോശം ആയി- രാഹുൽ പറയുന്നു.
എല്ലാം സുസജ്ജം ആയിരുന്നു.
രാഷ്ട്രീയക്കാർ ആണെങ്കിലും, പോലീസ് ഉദ്യോഗസ്ഥർ ആണെങ്കിലും എല്ലാവരും നമ്മളെ സഹായിച്ചു. കാര്യങ്ങൾ എല്ലാം ഫാസ്റ്റാക്കി തന്നു. അങ്ങനെ ആരും ഒരു തടസ്സവും പറഞ്ഞില്ല. എല്ലാം സുസജ്ജം ആയിരുന്നു. ഡോൻറിന്റെ ടെസ്റ്റും കാര്യങ്ങളും എല്ലാം തീർത്തിരുന്നു എന്നാൽ ഓപ്പറേഷന് വേണ്ടുന്ന ദിവസം ഫിക്സ് ചെയ്തിരുന്നില്ല. അതിൽ ഈ പറഞ്ഞപ്പോലെ ഹൃദയത്തിനുണ്ടായ പ്രശ്നം, പ്രെഷറിൽ ഉള്ള വേരിയേഷൻ ഒക്കെ കൊണ്ടാണ് സർജറി നടക്കാതെ പോയത്- രാഹുൽ പറയുന്നു.
പ്രെഷർ കൂടി ഹാർട്ട് നിന്നുപോയി.
പ്രെഷർ കൂടി ഹാർട്ട് നിന്നുപോയി. ആശുപത്രിയിൽ എല്ലാ ദിവസവും ഞങ്ങൾ ഒപ്പം തന്നെ ഉണ്ടായിരുന്നു. ഞങ്ങൾ ഒരുമിച്ചാണല്ലോ ഇപ്പോൾ കുറെ നാളായി ഷൊസുകൾ ചെയ്യുന്നത്.
സഹായിക്കാൻ പറ്റുന്ന രീതിയിൽ നമ്മൾ ആശുപത്രിയിലും ഉണ്ടായിരുന്നു
ഞാൻ മാത്രം അല്ല ടിനിയും, പിഷാരടിയും ഒക്കെ ഉണ്ടായിരുന്നു സഹായത്തിനു വേണ്ടി. ആശുപത്രിയിൽ കൊണ്ടുവരുന്ന സമയത്തൊക്കെ ആള് ഓക്കേ ആയിരുന്നു. പ്രേഷറിൽ വേരിയേഷൻ വന്നതൊക്കെ അതിന് ശേഷം ആണ്.
ഇങ്ങനെ ഒരു രോഗം അറിയുന്നത് ആശുപത്രിയിൽ എത്തിയപ്പോൾ
ആശുപത്രിയിൽ ചെന്നപ്പോൾ ആണ് ഇങ്ങനെ ഒരു രോഗം ഉണ്ടെന്നു അറിയുന്നത്. ഇടക്കിടെ ചെക്കപ്പ് ചെയ്യുന്ന ആളാണ്. അസുഖങ്ങൾ ഉണ്ടെങ്കിൽ തന്നെ പുള്ളിക്കാരി അത് കാണിക്കാറില്ലായിരുന്നു. കൈയ്യിലെ ഡ്രിപ്പ് അഴിച്ചാണ് പുള്ളിക്കാരത്തി പരിപാടിക് വേണ്ടി വന്നത്. പാലക്കാട് ആണെങ്കിലും ജാർഖണ്ഡിൽ ആണെങ്കിലും ഒക്കെ ഡ്രിപ്പ് ഇട്ട ഇടത്തുനിന്നാണ് എണീറ്റ് വന്നത് ഷൊസിനു വേണ്ടി. കലക്ക് വേണ്ടി അത്രയും പ്രാധാന്യം കൊടുക്കുന്ന ആളാണ്.
ആരോഗ്യം നോക്കണം എന്ന് പറയുമായിരുന്നു ഞാൻ
ആരോഗ്യം നോക്കണം എന്ന് പറയുമായിരുന്നു ഞാൻ. സ്റ്റേജിനോട് വല്ലാത്ത ഒരു ബന്ധം ആയിരുന്നു സുബിക്ക്. യാത്രകളെ ഭയങ്കര ഇഷ്ടമായിരുന്നു . എനിക്ക് അത്ര ഇഷ്ടം ഉണ്ടായിരുന്നില്ല.
ഒരു സിനിമ കിട്ടിയാൽ സിനിമ വേണോ, സ്റ്റേജ് വേണോ എന്ന് ചോദിച്ചാൽ സ്റ്റേജ് മതി എന്ന് പറയും. ജാർഖണ്ഡിൽ നിന്നും വന്നിട്ടാണ് പാലക്കാടേക്ക് പോകുന്നത്. അത് റോഡ് മാർഗ്ഗം ആയിരുന്നു. അപ്പോൾ കുറച്ചു ക്ഷീണം ഉണ്ടായിരുന്നു- രാഹുൽ പറയുന്നു.