മരണം ഉറപ്പിച്ചെന്ന പോലെ സുബി; ഓരോ പുതിയ തുടക്കവും ആരംഭിക്കുന്നത്,മറ്റേതെങ്കിലും തുടക്കത്തിന്റെ അന്ത്യത്തിൽനിന്നുമാണ്!

ഓരോ പുതിയ തുടക്കവും ആരംഭിക്കുന്നത് ,മറ്റേതെങ്കിലും തുടക്കത്തിന്റെ അന്ത്യത്തിൽ നിന്നുമാണ്, വീണ്ടും കാണാം എന്നാണ് അഡ്മിൻ എന്ന രീതിയിൽ സുബിയുടെ അകൗണ്ടിൽ നിന്നും ഒരുപോസ്റ്റ് പ്രത്യക്ഷപെട്ടത്.

അടുത്തിടെ താരം നടത്തിയ കുഞ്ഞു യാത്രകളും റാഞ്ചി മാർക്കെറ്റിൽ നിന്നുള്ള ദൃശ്യങ്ങളും എല്ലാം കണ്ടിരിക്കുന്ന ആരാധകർക്ക് വേദന നൽകുന്ന കാഴ്ചയാണ്. സുബിയുടെ മരണം വിശ്വസിക്കാൻ ആകാത്ത പോലെയാണ് ആരാധകരും പ്രിയപ്പെട്ടവരും പോസ്റ്റുകൾ പങ്കിടുന്നത്.

ദിലീപും നാദിര്ഷയും ഒക്കെയായി അടുത്ത ബന്ധം ആയിരുന്നു സുബിക്ക്. ഇവർ ഒരുമിച്ചു മിമിക്രി വേദികളിൽ എല്ലാം സജീവം ആയിരുന്നു. മറക്കാത്ത ഓർമ്മയായി സുബി ആദരാഞ്ജലികൾ എന്നാണ് മരണവർത്ത വന്ന പിന്നാലെ ദിലീപ് സോഷ്യൽ മീഡിയയിൽ കുറിച്ചത്. സിനിമ, സാമൂഹിക രംഗത്തെ പ്രമുഖർ എല്ലാം സുബിക്ക് ആദരാജ്ഞലികൾ നേർന്നുകൊണ്ട് പോസ്റ്റുകൾ പങ്കിടുന്നുണ്ട്.

പ്രിയപ്പെട്ട സുബി ഒരിക്കലും ജീവിതത്തിൽ മറക്കാൻ പറ്റുന്ന ഒരാളല്ല നിങ്ങൾ... സ്ത്രീ കോമഡി കഥാപാത്രങ്ങൾ നിങ്ങളിൽ മാത്രം നിന്നിരുന്ന ഒരു കാലഘട്ടത്തിൽ നിങ്ങളെ ഞാൻ വെളിയിൽ നിന്നും അതിശയത്തോടെ നോക്കിയിരുന്നു... എനിക്ക് ഒന്നും എഴുതാൻ പറ്റുന്നില്ല... ആദരാഞ്ജലികൾ, എന്നാണ് ദിയ കുറിച്ചത്.

മിമിക്രിയിൽ വന്ന കാലഘട്ടം മുതൽ കൂടെയുണ്ടായ സഹപ്രവർത്തക ,വിട കൂട്ടുകാരി എന്നാണ് ടിനി ടോം പറയുന്നത്. അനായാസമായി കോമഡി കൈകാര്യം ചെയ്യുന്ന സ്ത്രീകളിൽ അഗ്ര ഗണ്യയായിരുന്നു സുബി .... പ്രേക്ഷകനെ എന്റർടെയ്ൻ ചെയ്ത പ്രതിഭ .... ആദരാഞ്ജലികൾ എന്നിങ്ങനെയുള്ള പോസ്റ്റുകൾ കൊണ്ട് സോഷ്യൽ മീഡിയ സുബിയോടുള്ള സ്നേഹംപ്രകടിപ്പിക്കുന്നു.

രാജസേനന്‍ സംവിധാനം ചെയ്ത കനക സിംഹാസനം എന്ന സിനിമയിലൂടെ 2006ലാണ് സുബി സുരേഷ് ചലച്ചിത്രലോകത്തേയ്ക്ക് കടക്കുന്നത്. എല്‍സമ്മ എന്ന ആണ്‍കുട്ടി, പഞ്ചവര്‍ണ്ണ തത്ത, ഡ്രാമ എന്നിവയുള്‍പ്പെടെ ഇരുപതിലധികം സിനിമകളില്‍ അഭിനയിച്ചു. പരേതനായ സുരേഷ് ആണ് സുബിയുടെ അച്ഛൻ , അമ്മ: അംബിക, സഹോദരന്‍ : എബി സുരേഷ്.