Also Read: വളകാപ്പ് ചടങ്ങ് കഴിഞ്ഞു, പൊന്നോമനയുടെ വരവിനായി ഇനി കുറച്ച് നാളുകൾ കൂടി, ചിത്രങ്ങൾ പങ്കിട്ട് അനുശ്രീയും വിഷ്ണുവും!undefined
സജീവം
വിവാഹ ശേഷവും അഭിനയിക്കുന്നതില് രാജീവിന് എതിര്പ്പില്ലാത്തത് കൊണ്ട് ആതിര കുടുംബ വിളക്കില് എത്തിയിരുന്നു. ഗര്ഭിണിയായപ്പോഴും പിന്മാറിയിരുന്നില്ല. ഡോക്ടര് റസ്റ്റ് ആവശ്യപ്പെട്ട സാഹചര്യത്തിലാണ് ആതിര അനന്യയുടെ വേഷം അഴിച്ചുവച്ചത്.
വളകാപ്പ് കഴിഞ്ഞ ദിവസമായിരുന്നു
അടുത്തിടെയായിരുന്നു നടിയുടെ വളകാപ്പ് ചടങ്ങ് നടന്നത്. ഇപ്പോള് ഒന്പത് മാസം തികഞ്ഞ് നില്ക്കുകയാണ് ആതിര മാധവ്. അപ്പോഴും സോഷ്യല് മീഡിയയില് വളരെ അധികം സജീവമാണ് താരം. ഭര്ത്താവിനൊപ്പം തന്റെ കുടുംബ വിശേഷം എല്ലാം ആതിര ആരാധകരുമായി പങ്കുവയ്ക്കാറുണ്ട്.
നിറ വയറുമായി ആതിര
കഴിഞ്ഞ ആഴ്ച ആതിര നിറ വയറുമായി ഡാന്സ് ചെയ്യുന്ന വീഡിയോ പങ്കുവച്ചിരുന്നു. നിമിഷ നേരം കൊണ്ടാണ് അത് സോഷ്യല് മീഡിയ ഏറ്റെടുത്തത്. ഇപ്പോഴിതാ വളകാപ്പ് സ്പെഷ്യൽ ഫോട്ടോഷൂട്ട് നടക്കുന്നതിനിടെ നടന്നൊരു സർപ്രൈസിനെ കുറിച്ച് പറഞ്ഞു കൊണ്ട് ആതിര പങ്കുവെച്ച വ്ളോഗാണ് ശ്രദ്ധ നേടുന്നത്.
പുതിയ വ്ളോഗ്
വളകാപ്പ് ഫോട്ടോഷൂട്ടിനായി മേക്കപ്പ് ഇടുന്നതും ഡ്രസ് എടുക്കാനായി പോകുന്നതും ഒക്കെ ആതിര വ്ളോഗിൽ കാണിക്കുന്നുണ്ട്. ഫോട്ടോഷൂട്ട് നടന്നുകൊണ്ടിരിക്കെയാണ് ആതിരയെയും കൂട്ടരെയും ഞെട്ടിച്ചുകൊണ്ട് ഡയാന ഹമീദ് എത്തിയത്. എൻ്റെ കൊച്ചിൻ്റെ ഉമ്മ എന്നാണ് ഡയാനയെ ആതിര വിശേഷിപ്പിച്ചത്.
വയറിൽ തൊട്ട്
ആതിരയുടെ വയറിൽ തൊട്ട് കുഞ്ഞിനോടെന്ന വണ്ണം സോറി കേട്ടോ വളകാപ്പിന് വരാൻ പറ്റിയില്ല, ക്ഷമിക്കണം എന്ന് ഡയാന പറയുന്നതും വീഡിയോയിൽ കാണാം. ഇരുവരും സംസാരിച്ചിരിക്കുന്നതിനിടെയാണ് എല്ലാവരെയും ഞെട്ടിച്ചുകൊണ്ട് അവിടേയ്ക്ക് പാർവതി എത്തുന്നത്.
എന്തൊരു സർപ്രൈസാണ് ഇത്?
എന്തൊരു സർപ്രൈസാണ് ഇതെന്നായിരുന്നു ആതിര പറഞ്ഞത്. ആതിരയ്ക്ക് കൈ നിറയെ സമ്മാനവുമായാണ് പാർവതി കൃഷ്ണ ആതിരയെ കാണാനെത്തിയത്. വളരെ ഹെൽത്തി ആയിട്ടുള്ള ആഹാര സാധനങ്ങളൊക്കെയാണ് നിനക്ക് വേണ്ടി ഞാൻ വാങ്ങിയിരിക്കുന്നതെന്നായിരുന്നു പാർവതി പറഞ്ഞത്.
പാർവതി ഇൻസ്പിരേഷൻ ആണ്
പാർവതി ഇൻസ്പിരേഷൻ ആണെന്നും പ്രസവശേഷമുള്ള തടി കുറയ്ക്കുന്നതെങ്ങനെ ആണ് എന്ന് ചോദിക്കാൻ താൻ പാർവതിയെ വിളിക്കാനിരിക്കുകയായിരുന്നുവെന്നും ആതിര പറയുന്നു. കഠിനാധ്വാനം കൊണ്ടാണ് താൻ തടി കുറച്ചതെന്നായിരുന്നു പാർവതിയുടെ മറുപടി. ഇൻഡസ്ട്രിയിൽ അധികമാരുമായും വലിയ കമ്പനി ഇല്ല, അതിൽ വൈബ് തോന്നുന്ന രണ്ട് പേർ ഡയാനയും ആതിരയുമാണെന്നും പാർവതിയും പറയുന്നു.