രേഖ രതീഷ്
1999 മുതല്‍ ടെലിവിഷന്‍ ലോകത്ത് സജീവമായിരുന്ന നടിയാണ് രേഖ രതീഷ്. എന്നാല്‍ ശ്രദ്ധിയ്ക്കപ്പെട്ടത് പരസ്പരം എന്ന സീരിയലിന് ശേഷമാണ്. നിലവില്‍ സസ്‌നേഹം എന്ന സീരിയലിലാണ് നടി അഭിനയിച്ചുകൊണ്ടിരിയ്ക്കുന്നത്. സീരിയലിനെ വെല്ലുന്ന ദാമ്പത്യ ജീവിതമാണ് രേഖ രതീഷിന്റേത്. മൂന്നിലധികം വിവാഹങ്ങള്‍ ചെയ്ത രേഖ ഇപ്പോള്‍ ജീവിതത്തില്‍ ഒറ്റയ്ക്കാണ്. മകനൊപ്പം തിരുവനന്തപുരത്താണ് താമസം.
അമ്പിളി ദേവി
സിനിമാ - സീരിയലുകളില്‍ സജീവമായ നടിയാണ് അമ്പിളി ദേവി. സീരിയലുകളില്‍ സജീവമായി നില്‍ക്കുന്ന സമയത്തായിരുന്നു അമ്പിളി ദേവിയുടെ വിവാഹം. എന്നാല്‍ ആ ദാമ്പത്യ ജീവിതം അത്ര സുഖകരമായിരുന്നില്ല. പിന്നീട് അമ്പിളി സീരിയല്‍ നടന്‍ ആദ്യത്യന്‍ ജയനെ വിവാഹം ചെയ്തു. എന്നാല്‍ അതും വളരെ മോശം അവസ്ഥയില്‍ അവസാനിക്കുകയായിരുന്നു.
ഐശ്വര്യ
നരസിംഹം, പ്രജ തുടങ്ങിയ സിനിമകളില്‍ മോഹന്‍ലാലിന്റെ നായികയായി എത്തിയ നടിയാണ് ഐശ്വര്യ. ആദ്യ കാലനടി ലക്ഷ്മിയുടെ മകള്‍. സിനിമയ്ക്ക് പുറമെ പാരിജാതം എന്ന സീരിയലിലൂടെയും പ്രേക്ഷകര്‍ക്ക് ഏറെ പ്രിയപ്പെട്ട ഐശ്വര്യ വിവാഹിതയാകുകയും രണ്ട് വര്‍ഷം കൊണ്ട് വേര്‍പിരിയുകയും ചെയ്തു. എന്നാല്‍ രണ്ടാം വിവാഹത്തിന് ശേഷം പൂര്‍ണമായും ലൈംലൈറ്റില്‍ നിന്നും മാറി നില്‍ക്കുകയാണ് താരം.
രശ്മി സോമന്‍
സിനിമയിലും - സീരിയലുകളിലും ഒരേ സമയം പരിചിതയാണ് രശ്മി സോമന്‍. സീരിയലുകളില്‍ സജീവമായിരുന്ന സമയത്താണ് രശ്മിയും മിനിസ്‌ക്രീന്‍ സംവിധായകന്‍ എം എം നസീറും തമ്മില്‍ പ്രണയിച്ച് വിവാഹിതരായത്. എന്നാല്‍ ആ ദാമ്പത്യത്തിന് അധികം ആയുസ് ഉണ്ടായിരുന്നില്ല. പിന്നീട് രശ്മി സോമല്‍ ഗോപിനാഥിനെ വിവാഹം ചെയ്യുകയായിരുന്നു.
സ്‌നേഹ
മറിമായം എന്ന ടെലിവിഷന്‍ ഹാസ്യ പരമ്പരയിലൂടെയാണ് സ്‌നേഹയെ പ്രേക്ഷകര്‍ക്ക് പരിചയം. സ്‌നേഹയുടെ ആദ്യ വിവാഹത്തെ കുറിച്ചൊന്നും അധികമാര്‍ക്കും അറിയില്ല. രണ്ടാമത് വിവാഹം ചെയ്തതാണ് ശ്രീകുമാറിനെ. മറിമായം എന്ന സീരിയല്‍ ലൊക്കേഷനില്‍ വച്ചാണ് ഇരുവരും ഇഷ്ടത്തിലായത്.