ഈ യാത്ര പ്രയാസമായിരുന്നു
തന്റെ പഴയ ഒരു ഫോട്ടോയും പുതിയ ഒരു ഫോട്ടോയും ചേര്‍ത്ത് വച്ചുകൊണ്ട് ആണ് രഞ്ജു തന്റെ മാറ്റത്തെ കുറിച്ച് പറയുന്നത്. ഈ യാത്ര വളരെ പ്രയാസം നിറഞ്ഞതായിരുന്നു. അടങ്ങാത്ത മോഹവും കഠിന പരിശ്രമവും ഏതൊരു സ്വപ്‌നത്തിനും ആവശ്യമാണ്. എന്റെ ചര്‍മ ഡോക്ടര്‍ക്ക് നന്ദി എന്ന് പറഞ്ഞു കൊണ്ടാണ് രഞ്ജു ഫോട്ടോ പങ്കുവച്ചത്.
പ്രതീക്ഷകള്‍ക്ക് അപ്പുറമാണ് ജീവികം
ജീവിതം എപ്പോഴും പ്രതീക്ഷകള്‍ക്ക് അപ്പുറത്തായിരിയ്ക്കും. പഴയതൊന്നും മറക്കാതെ ജീവിക്കാന്‍ പ്രേരിപ്പിയ്ക്കുന്നത് മുന്നോട്ടുള്ള ജീവിത ലക്ഷ്യത്തിന് പ്രചോദനമാവും. ആരുടെയും സ്ഥാനങ്ങള്‍ തട്ടിയെടുക്കാന്‍ ശ്രമിക്കാതിരിയ്ക്കുക. മറ്റുള്ളവരുടെ അവസരങ്ങള്‍ നഷ്ടപ്പെടുത്താതിരിയ്ക്കുക. നമുക്കുള്ളത് നമ്മെ തേടിവരും.
എന്റെ വഴി, നേരിന്റെ വഴി
കാലം എന്നില്‍ തെളിയിച്ചത് എല്ലാം എന്റെ കഠിനാധ്വാനം ആയിരുന്നു. ഈ യാത്ര കുറേയേറെ ക്ലേശങ്ങള്‍ നിറഞ്ഞതായിരുന്നു. പലതില്‍ നിന്നും മാറ്റി നിര്‍ത്തിയപ്പോള്‍ മറ്റ് പലതും എന്നെ തേടിയെത്തി. എന്റെ വഴികള്‍ നേരിന്റെ വഴികളാണ് - രഞ്ജു രഞ്ജിമാര്‍ പറഞ്ഞു.
രഞ്ജു രഞ്ജിമാര്‍
കേരളത്തിലെ ഏറ്റവും ആദ്യത്തെ ട്രാന്‍സ്‌ജെന്റര്‍ സെലിബ്രിറ്റി - ബ്രൈഡല്‍ മേക്കപ്പ് ആര്‍ട്ടിസ്റ്റ് ആണ് രഞ്ജു രഞ്ജിമാര്‍. ഇന്ത്യയിലുള്ള സിനിമ - സീരിയല്‍ - മോഡല്‍ സെലിബ്രിറ്റികള്‍ക്ക് പുറമെ ഇന്ത്യയ്ക്ക് പുറത്തും തന്റെ കഴിവ് വളര്‍ത്തിയ രഞ്ജു രഞ്ജിമാറിന്റെ ഏറ്റവംു വലിയ ആഗ്രഹം ദീപിക പദുക്കോണിനെ മേക്കപ്പ് ചെയ്യണം എന്നതാണ്.