ഞാനൊരുപാട് മാറിയെന്നാണ് അവര്‍ പറയുന്നത്! ഗ്ലാമറസായുള്ള ചിത്രങ്ങള്‍ക്കൊപ്പമായി ലക്ഷ്മി പ്രമോദ് കുറിച്ചത്?

മിനിസ്‌ക്രീന്‍ പ്രേക്ഷകര്‍ക്ക് സുപരിചിതയായി മാറിയ താരമാണ് ലക്ഷ്മി പ്രമോദ്. അഭിനയത്തില്‍ സജീവമല്ലെങ്കിലും സോഷ്യല്‍മീഡിയയിലൂടെയായി തന്റെ വിശേഷങ്ങളെല്ലാം താരം പങ്കിടാറുണ്ട്. നിമിഷനേരം കൊണ്ടാണ് ലക്ഷ്മിയുടെ പോസ്റ്റുകള്‍ വൈറലായി മാറാറുള്ളത്. പോസിറ്റീവായി മാത്രമല്ല വില്ലത്തരവും തനിക്ക് വഴങ്ങുമെന്ന് തെളിയിച്ച താരമാണ് ലക്ഷ്മി. ജീവിതത്തിലും വില്ലത്തിയാണ് ലക്ഷ്മിയെന്ന തരത്തിലുള്ള കുപ്രചാരണങ്ങള്‍ ഒരുകാലത്ത് ശക്തമായിരുന്നു. വിവാദങ്ങള്‍ ശക്തമായപ്പോഴും നിശബ്ദത പാലിക്കുകയായിരുന്നു താരം.
കരിയറിലൊരു ബ്രേക്ക് ആവശ്യമായിരുന്നുവെന്നും അങ്ങനെയാണ് താന്‍ മാറി നില്‍ക്കുന്നതെന്നും താരം വ്യക്തമാക്കിയിരുന്നു. ഒരുരീതിയിലും എന്നെ അറിയാത്തവരാണ് എന്നെക്കുറിച്ച് മോശം പ്രചരിച്ചത്. കുഞ്ഞിനെക്കുറിച്ചുള്ള പരാമര്‍ശങ്ങള്‍ മാനസികമായി വല്ലാതെ വേദനിപ്പിച്ചിരുന്നു. സൈബര്‍ ആക്രമണങ്ങളില്‍ മാനസികമായി തകര്‍ന്നത് കുഞ്ഞിനെ ചേര്‍ത്തുള്ള കമന്റുകള്‍ കണ്ടപ്പോഴാണെന്നും ലക്ഷ്മി മുന്‍പ് സമയം മലയാളത്തിന് നല്‍കിയ അഭിമുഖത്തില്‍ വ്യക്തമാക്കിയിരുന്നു.
പ്രതിസന്ധി ഘട്ടങ്ങളെയെല്ലാം ശക്തമായി നേരിട്ട് മുന്നേറുകയാണ് ലക്ഷ്മി. കുടുംബസമേതവും അല്ലാതെയുമൊക്കെയായുള്ള ചിത്രങ്ങളും വീഡിയോയുമെല്ലാം ഇന്‍സ്റ്റഗ്രാമിലൂടെയായി പങ്കിടാറുണ്ട്. ഗ്ലാമറസ് ലുക്കിലുള്ള ചിത്രങ്ങളായിരുന്നു കഴിഞ്ഞ ദിവസം താരം പോസ്റ്റ് ചെയ്തത്. ചിത്രങ്ങള്‍ പകര്‍ത്തിയത് ഭര്‍ത്താവാണെന്നും ലക്ഷ്മി വ്യക്തമാക്കിയിരുന്നു. ഞാനൊരുപാട് മാറിയെന്നാണ് അവര്‍ പറഞ്ഞത്, എന്നെ ഒരുപാട് മാറ്റിയെന്നായിരുന്നു ഞാനവരോട് പറഞ്ഞതെന്ന ക്യാപ്ഷനോടെയായിരുന്നു ചിത്രങ്ങള്‍ പങ്കിട്ടത്.
നാളുകള്‍ നീണ്ട പ്രണയത്തിനൊടുവിലായാണ് ലക്ഷ്മിയുടെ ജീവിതത്തിലേക്ക് അസറെത്തിയത്. പ്രണയത്തെക്കുറിച്ചും വിവാഹത്തെക്കുറിച്ചും വിവാഹ ശേഷമുള്ള വിശേഷങ്ങളെക്കുറിച്ചുമൊക്കെ പറഞ്ഞുള്ള ലക്ഷ്മിയുടെ അഭിമുഖം മുന്‍പ് വൈറലായിരുന്നു. സ്‌കൂളില്‍ പഠിച്ചിരുന്ന സമയത്ത് അസര്‍ ഒരു പെണ്‍കുട്ടിക്ക് ലൗ ലെറ്റര്‍ കൊടുത്തിരുന്നു, വേറൊരു പെണ്‍കുട്ടിക്ക് കൊടുക്കാനിരുന്നത് ഞാനായിരുന്നു മേടിച്ചത്. സ്‌കൂളിലെ ഏറ്റവും വലിയ തല്ലുകൊള്ളിയെയാണ് ലക്ഷ്മി പ്രണയിച്ചത്. ആ സമയത്ത് ലക്ഷ്മി സ്‌കൂള്‍ ലീഡറായിരുന്നു. അതിനിടയില്‍ അസറിനെ സ്‌കൂളില്‍ നിന്നും പുറത്താക്കിയെന്നും വര്‍ഷങ്ങള്‍ക്ക് ശേഷമായി ഫേസ്ബുക്കിലൂടെയായാണ് വീണ്ടും കണ്ടതെന്നും അതാണ് വിവാഹത്തിലേക്കെത്തിച്ചതെന്നും ലക്ഷ്മി അന്ന് പറഞ്ഞിരുന്നു.