ആത്മജന്റെ പേരിലൊരു പുതിയ തുടക്കം! സന്തോഷവാര്‍ത്തയുമായി വിജയ് മാധവും ദേവിക നമ്പ്യാരും

ആത്മജ സ്‌കൂള്‍ ഓഫ് യോഗ & മ്യൂസിക്ക് തുടങ്ങുകയാണ് ഞങ്ങള്‍. ഇത് തുടങ്ങാനുള്ള കാരണം നിങ്ങളാണ്. കുട്ടി സ്‌കൂളില്‍ പോവുമ്പോള്‍ കളിയാക്കുമെന്ന് കുറേ പേര്‍ പറഞ്ഞിരുന്നു. അങ്ങനെയാണ് ഈ ആലോചനയിലേക്ക് എത്തിയത്. ആദ്യം പ്ലേ സ്‌കൂള്‍ തുടങ്ങാനായിരുന്നു തീരുമാനിച്ചത്. പിന്നെയാണ് ആ പ്ലാന്‍ മാറ്റിയത്. ദേവിക യോഗ ക്ലാസെടുക്കും. കുറച്ച് പാട്ടൊക്കെ എനിക്കും അറിയാം. അറിയാവുന്ന പണി തന്നെ തുടങ്ങാമല്ലോ എന്ന് കരുതി. പിന്നെ ആത്മജ വളര്‍ന്നുവന്ന് പുള്ളിക്ക് ഇതൊക്കെ താല്‍പര്യമുണ്ടെങ്കില്‍ പുള്ളി നടത്തട്ടെയെന്നായിരുന്നു വിജയ് പറഞ്ഞത്.
സ്‌കൂളില്‍ കളിയാക്കും എന്ന് എല്ലാവരും പറഞ്ഞപ്പോഴാണ് ഇങ്ങനെയൊരു ഐഡിയ മനസിലേക്ക് വന്നത്. ആത്മജ സ്‌കൂള്‍ ഓഫ് യോഗ ആന്‍ഡ് മ്യൂസിക്കില്‍ വന്ന് ആരും ആത്മജയെ കളിയാക്കില്ലല്ലോ എന്ന സ്വാര്‍ത്ഥമായ അഹങ്കാരം. അതിന് വേണ്ടി ഞങ്ങളൊരു ബില്‍ഡിംഗ് കണ്ടെത്തിയത്. ഇവിടെ കുറേ ജോലികളുണ്ട്. എല്ലാം സെറ്റാക്കി എടുക്കണം. നമുക്ക് എന്തും ചെയ്യാനുള്ള പെര്‍മിഷന്‍ തന്നിട്ടുണ്ട്. നമ്മുടെ വ്‌ളോഗൊക്കെ കാണുന്ന ആളാണ് ഈ സ്ഥലത്തിന്റെ ഉടമ.
Also Watch:
ഇതിന്റെ നവീകരണത്തിന് ദേവികയും കൂടുമെന്ന് എനിക്കറിയാം. അങ്ങനെയാണ് ഈ ബില്‍ഡിംഗ് എടുത്തത്. ഇവിടെ കുറേ സ്‌പേസുണ്ട്. നന്നായി പ്ലാന്‍ ചെയ്താല്‍ എല്ലാം വിനിയോഗിക്കാന്‍ പറ്റും. ജൂണാവുമ്പോഴേക്കും ഇത് തുടങ്ങാനുള്ള പ്ലാനിലാണ് ഞങ്ങള്‍. ഭയങ്കര വലിയ സംഭവമായൊന്നുമല്ല ഞങ്ങള്‍ ഇത് തുടങ്ങുന്നതെന്നും വിജയും ദേവികയും വ്യക്തമാക്കിയിരുന്നു. പുതിയ സംരംഭത്തിന് ആശംസകള്‍ നേര്‍ന്ന് ആരാധകരും എത്തിയിരുന്നു. പുതിയ ചുവടുവെപ്പിന് ഞങ്ങളുണ്ട് കൂടെ. എല്ലാം നന്നായി വരട്ടെ. ആത്മജന്റെ പേരില്‍ ഒരു സ്ഥാപനം, ഇത് മികച്ചത് തന്നെയാവുമെന്നായിരുന്നു ആരാധകര്‍ പറഞ്ഞത്.