ഇത് ലക്ഷ്മിയുടെ മകനാണോ? ഈ കുഞ്ഞുവാവ ഏതാണെന്ന് കുറേപേര്‍ ചോദിച്ചിരുന്നു, ഇതാണെന്റെ മറുപടിയെന്ന് ലക്ഷ്മി പ്രമോദ്! വീഡിയോ വൈറൽ

ഹാപ്പി ബർത്ത് ഡേ റ്റു ഔവര്‍ കൺമണി. ഈ കുഞ്ഞാവ ആരാ ചേച്ചി, ഇത് ലക്ഷ്മിയുടെ മോനാണോ എന്ന് കുറേപേർ എന്നോട് ചോദിച്ചിരുന്നു. ഇതാണ് അതിനുള്ള മറുപടി. ഇതാണെന്റെ മറുപടി. ഇവനെന്റെ കസിനാണെങ്കിലും ഇപ്പോ എന്റെ മോനാണെന്നായിരുന്നു ലക്ഷ്മി കുറിച്ചത്. ഹാപ്പി ബർത്ത് ഡേ കണ്ണായെന്നുമായിരുന്നു ലക്ഷ്മി കുറിച്ചത്. ഹാപ്പി ബർത്ത് ഡേ വാവെയെന്നായിരുന്നു വീഡിയോയ്ക്ക് താഴെ വന്ന കമന്റുകൾ. നിമിഷനേരം കൊണ്ട് തന്നെ ലക്ഷ്മിയുടെ പുതിയ വീഡിയോ വൈറലായി മാറിക്കഴിഞ്ഞിട്ടുണ്ട്.

പ്രണയവിവാഹത്തെക്കുറിച്ചും ജീവിതത്തെക്കുറിച്ചുമെല്ലാമുള്ള ലക്ഷ്മിയുടെ തുറന്നുപറച്ചില്‍ നേരത്തെ വൈറലായിരുന്നു. ഒരേ സ്‌കൂളില്‍ പഠിച്ചവരായിരുന്നു ലക്ഷ്മിയും ഭര്‍ത്താവും. ആനുവല്‍ ഡേയുടെ സമയത്താണ് പ്രൊപ്പോസ് ചെയ്തതെന്ന് താരം പറഞ്ഞിരുന്നു. തന്നെയായിരുന്നില്ല വേറൊരാളൊയിരുന്നു പ്രൊപ്പോസ് ചെയ്തതെന്നും താന്‍ അതിനിടയില്‍ കയറിയതാണെന്നുമായിരുന്നു ലക്ഷ്മി പറഞ്ഞത്.

സ്‌കൂളിലെ ഏറ്റവും വലിയ തല്ലുകൊള്ളിയെ ആയിരുന്നു അന്ന് താന്‍ പ്രണയിച്ചതെന്നും ലക്ഷ്മി തുറന്നുപറഞ്ഞിരുന്നു. സ്‌കൂള്‍ ലീഡറായിരുന്നതിനാല്‍ അതൊരു ടെന്‍ഷനായിരുന്നു അന്ന് എന്നും താരം പറഞ്ഞിരുന്നു. സ്‌കൂളില്‍ എല്ലാവരും ഈ വിവരം അറിഞ്ഞതോടെയാണ് അവനെ പുറത്താക്കിയതെന്നും പിന്നീട് കോണ്ടാക്റ്റില്ലായിരുന്നുവെന്നും ലക്ഷ്മി അന്ന് വ്യക്തമാക്കിയിരുന്നു.

സോഷ്യല്‍മീഡിയയിലൂടെയായാണ് ലക്ഷ്മിയും അസറും വീണ്ടും അടുത്തത്. ഒരു ഫോട്ടോയ്ക്ക് കമന്റിട്ടതോടെയായിരുന്നു ഇരുവരുടെയും സൗഹൃദം വീണ്ടും തുടങ്ങിയത്. ഇടയില്‍ ചില പ്രണയമൊക്കെ വന്നിരുന്നുവെങ്കിലും അതെല്ലാം പാതിവഴിയില്‍ അവസാനിക്കുകയായിരുന്നുവെന്നും അന്ന് ഇരുവരും പറഞ്ഞിരുന്നു.