കേരളത്തിലെ ആദ്യ ട്രാന്സ്ജെന്ഡര് ദമ്പതികളാണ് സൂര്യയും ഇഷാന് കെ.ഷാനും.ലോകത്തിന് മുന്നിൽ കേരളം മാതൃകയായ സംഭവം ആയിരുന്നു ലിംഗമാറ്റ ശസ്ത്രക്രിയയിലൂടെ സ്ത്രീയായി മാറിയ സൂര്യയും പുരുഷനായി മാറിയ ഇഷാനും സ്പെഷ്യല് മാര്യേജ് ആക്ട് പ്രകാരം വിവാഹിതരായത്.
ഇപ്പോഴിതാ സന്തുഷ്ടകരമായ ഇവരുടെ ദാമ്പത്യം അഞ്ചാം വർഷത്തിലേക്ക് എത്തിയിരിക്കുകയാണ്. രാവിലെ തന്നെ സെലിബ്രിറ്റി മേക്ക്അപ് ആർട്ടിസ്റ്റും സൂര്യയുടെയും ഇഷാന്റെയും അമ്മ സ്ഥാനത്തുള്ള രഞ്ജുവും പോസ്റ്റുമായി എത്തിയിരുന്നു.
രഞ്ജുവിന്റെ വാക്കുകൾ!
5 വർഷങ്ങൾക്കു മുമ്പ് രണ്ടുപേരുടെയും കൈപിടിച്ച് കൊടുത്തപ്പോൾ ഉണ്ടായിരുന്നു സന്തോഷം ഇന്നും നിലനിൽക്കുന്നു, love you to my kid's എന്നും സന്തോഷമായിരിക്കാൻ പ്രാർത്ഥിക്കുന്നു, Happy wedding anniversary എന്നാണ് രെഞ്ചു കുറിച്ചത്. തങ്ങളുടെ പ്രിയപ്പെട്ട ദിനം സൂര്യയും മനോഹര കുറിപ്പുമായി പങ്കിട്ടെത്തി.
സൂര്യ പങ്കിട്ട കുറിപ്പ്
ഇന്ന് ഞങ്ങളുടെ അഞ്ചാമത് വിവാഹ വാർഷികമാണ്, ആദ്യം ദൈവതോട് നന്ദിയും സ്നേഹവും ഞങ്ങളോടൊപ്പം ചേർന്ന് നിന്ന കുടുംബത്തിനും, നേരിട്ട് കണ്ടും കാണാതെയും സ്നേഹത്താലും, പ്രാർത്ഥനയാലും ചേർത്ത് നിർത്തുന്ന എല്ലാപേർക്കും,ഞങ്ങളെ മാറ്റി നിർത്തിയവർക്കും, ഞങ്ങളുടെ ഹൃദയം നിറഞ്ഞ സ്നേഹം.
ഇനിയും മുന്നോട്ടു ഓരോ വർഷവും ജീവിച്ചു മുന്നേറാൻ സർവേശ്വരൻ അനുഗ്രഹിക്കട്ടെ എന്ന പ്രാർത്ഥനയാണ്. വിവാഹമെന്നത് സ്ത്രീക്കും പുരുഷനും മാത്രമുള്ളത് എന്ന് സമൂഹം പറഞ്ഞു വെച്ചിരിക്കുന്നപോലെ, ഞങ്ങളിലെ മനുഷ്യർക്കും പല വർഷങ്ങളിലും ജീവിച്ചു മുന്നേറാൻ പറ്റുമെന്നുള്ളത് ഞങ്ങളുടെ ഈ സന്തോഷവാർഷികദിനം മറ്റുള്ളവർക്ക് മുന്നിൽ ഡെഡിക്കേറ്റ് ചെയ്യുന്നു.
പലരുടെയും തെറ്റുകൾ അത് എല്ലാവരുടെയും ആയി കാണാതിരിക്കാൻ ശ്രമിക്ക്. എല്ലാ മനുഷ്യരും വ്യത്യസ്തരാണ്, എല്ലാവർക്കും എല്ലാ ഹാപ്പിനെസ്സും എപ്പോഴും കിട്ടില്ല, അതിനാൽ അവർ വ്യത്യസ്തരായി പെരുമാറിയെന്നിരിക്കും അത് അവരുടെ മാത്രം പ്രശ്നമാണ്, മറ്റ് സമൂഹം എന്ത് പിഴച്ചു. അതുപോലെ തന്നെ നിങ്ങളിലും ഇല്ലെ അ ത്തരക്കാർ,ഓർക്കുക ഒരിക്കലെങ്കിലും.
നിങ്ങളുടെ കുടുംബത്തിലെ ഒരാളെ പോലെ കാണുക എന്നു മാത്രം. ചേർത്ത് നിർത്തു ചോർന്ന് പോവാതെ നോക്കു. നിങ്ങൾ ഓരോരുത്തരുടെയും കുടുംബത്തിലെ എല്ലാവരുടേം പ്രാർത്ഥനയും അനുഗ്രഹവും എന്നും ഞങ്ങൾക്കുണ്ടാകണേ, സ്നേഹം ഇഷ്ട്ടം, നന്ദി- സൂര്യ കുറിച്ചു.
കുടുംബാംഗങ്ങളുടെ പൂര്ണ്ണ സമ്മതത്തോടെ തിരുവനന്തപുരം മന്നം മെമ്മോറിയല് ഹാളില് സ്പെഷ്യല് മാര്യേജ് ആക്ട് പ്രകാരം ആണ് ഇരുവരുടെയും വിവാഹം നടന്നത്. നിങ്ങളുടെ ജീവിതം ഒരു മാസം മാത്രമേ നിലകൊള്ളൂ എന്ന് പറഞ്ഞവർക്ക് മുൻപിൽ അന്തസോടെയാണ് ഇരുവരും അഞ്ചുവർഷം പൂർത്തിയാക്കിയിരിക്കുന്നത്.