ALSO READ: സന്തോഷത്തിൽ സോനു; എന്നെ പോലെയുള്ള ആളുകൾ ചുറ്റും; ദേവുവിന് നിറഞ്ഞ കൈയ്യടി!
അച്ഛനും അമ്മയുമായി ഇരുവരും!
തങ്ങൾക്ക് സ്വന്തമായി ഒരു വീട് വേണം. രണ്ട് കുട്ടികൾ വേണം. ദത്തെടുക്കണം, അവര്ക്ക് വിദ്യാഭ്യാസം നൽകണം. പ്രസവിക്കാന് കഴിയില്ലെന്നേ ഉള്ളൂ. ഒരമ്മയുടെ വാല്സല്യം നൽകണം എന്ന തൃപ്തിയുടെ ആഗ്രഹം ആണ് കുറച്ചു നാളുകൾ എങ്കിലും നടന്നത്. ഇത് കണ്ടു ഇരുവരും യഥാർത്ഥത്തിൽ അച്ഛനും അമ്മയും ആയോ എന്നുള്ള ചോദ്യവും ഉയർന്നിരുന്നു.
നന്ദു ആരെന്നതിനു മറുപടി!
ഞങ്ങളുടെ കുഞ്ഞോ, ദത്തെടുത്തതോ അല്ല, ഇത് ഞങ്ങളുടെ ഒരു സുഹൃത്തിന്റെ മകൾ ആണ്. പകൽ സമയം മുഴുവനും ഞങ്ങൾക്ക് ഒപ്പം ഇവൾ ഉണ്ടാകും. വൈകുന്നേരം അവളെ കൊണ്ടുപോകും. പകൽ ഞങ്ങൾ ആണ് അവളുടെ പപ്പയും മമ്മയും എന്ന് ആയിരുന്നു ഹൃതിക് പങ്ക് വച്ചത്.
ഇപ്പോൾ അൽപ്പം സങ്കടത്തോടെ!
പപ്പയുടെ സ്വന്തം നന്ദൂമ്മ. എൻ്റെ ജീവിതത്തിൽ എൻ്റെ തൃപ്തി കഴിഞ്ഞ് ഞാൻ ആരെങ്കിലും ഒരു പാട് സ്നേഹിച്ചിട്ട് ഉണ്ടെങ്കിൽ അത് എൻ്റെ നന്ദൂമ്മയെ ആണ്...ജന്മം കൊണ്ട് അല്ലെങ്കിലും കർമ്മം കൊണ്ട് എന്നെ അച്ഛനാക്കി എൻ്റെ നന്ദൂമ്മ... ഒന്നര മാസത്തോളം ഞങ്ങൾക്ക് ഒപ്പം ഉണ്ടായിരുന്നു നന്ദു. ആ സമയങ്ങളിൽ വളരെയധികം സന്തോഷത്തിലായിരുന്നു ഞങ്ങൾ. നന്ദുനെ കാണാതെ ഇരിക്കാൻ പറ്റാണ്ടായി.
നന്ദുവിനെ തിരികെ കൊടുത്തു!
ഇനിയും ഒരുപാട് അടുത്താൽ അവസാനം ഞങ്ങൾ കരയേണ്ടി വരും എന്ന് ഓർത്തപ്പോൾ നന്ദുവിനെ അവളുടെ അമ്മയുടെ കൈയിൽ തന്നെ ആരോഗ്യവതിയായി സന്തോഷത്തോടെ തന്നെ ഏൽപ്പിച്ചു.കാണണം എന്നു പറയുമ്പോൾ കൊണ്ട് വരാറുണ്ട് നന്ദുവിനെ.കുറച്ചു ദിവസം എങ്കിലും കുഞ്ഞിനെ ഞങ്ങളെ ഏൽപ്പിച്ചതിന് എപ്പോഴും നന്ദുൻ്റെ അമ്മയോട് നന്ദിയുണ്ട്...(ദൈവസഹായത്താൽ ഞങ്ങൾക്ക് ഒരു കുഞ്ഞിൻ്റെ മാതാപിതാക്കളാവാൻ സാധിച്ചിരുന്നുവെങ്കിൽ എന്ന് അതിയായി ആഗ്രഹിക്കുന്നുണ്ട് ഞങ്ങൾ.)