എന്റെ തുടയിൽ ഇപ്പോഴും ആ കടിച്ച പാടുണ്ട്; ചെറുപ്പകാലത്ത് നേരിടേണ്ടിവന്ന ദുരവസ്ഥയെ കുറിച്ച് എയിൻ!

ഞാൻ എട്ടാം ക്ലാസിൽ പഠിക്കുന്ന സമയത്ത് പത്താം ക്‌ളാസിൽ പഠിക്കുന്ന ഒരു അഞ്ചു ചേട്ടന്മാർ വന്നു ബാ കളിയ്ക്കാൻ പോകാം എന്ന് പറഞ്ഞു. എന്നെ ജീവിതത്തിൽ ആദ്യമായിട്ടാണ് കളിക്കൂട്ടിന് വിളിക്കുന്നത്. ഒരുപാട് കാലം ഞാൻ ആഗ്രഹിച്ച ഒരു സംഭവം ആയിരുന്നതുകൊണ്ടുതന്നെ ഒരുപാട് സന്തോഷമായി. ഒളിച്ചു കളിക്കുന്ന ഒരു ഗെയിം മാത്രമാണ് എനിക്ക് അറിയുന്നത്. അത് തന്നെയാണ് തെരഞ്ഞെടുത്തതും. സ്‌കൂളിന്റെ അടുത്തുള്ള പള്ളിയുടെ സൈഡിലാണ് കളിയ്ക്കാൻ വേണ്ടി പോയതും- ഈ നാലുപേരും എന്റെ ദേഹത്തു പിടിക്കാൻ തുടങ്ങി, അപ്പോൾ എനിക്ക് ഇഷ്ടമല്ല എന്ന് പറഞ്ഞു ഒഴിവായി_ എയിൻ ഹണി പറയുന്നു.

ആദ്യം വളരെ മാന്യമായ രീതിയിൽ ആണ് അപ്രോച്ച് ചെയ്യാൻ ശ്രമിച്ചത്. എനിക്ക് അത് ഇഷ്ടപ്പെടാത്തത് കൊണ്ട് ഓടിപ്പോകാൻ വേണ്ടി ശ്രമിച്ചു. പുറത്തേക്ക് ഇറങ്ങാൻ പറ്റാത്തപോലെ ഉള്ളിലേക്ക് അവർ എന്നെ തള്ളി വച്ചു. ഒരു പെൺകുട്ടിയെ എന്തൊക്കെ ചെയ്യാമോ അവർ അതെല്ലാം എന്നോട് ചെയ്തു. എനിക്ക് ഇവിടെ ഇരുന്ന് പറയാൻ കഴിയില്ല അത്രയും ഉപദ്രവം ആണ് എനിക്ക് നേരിടേണ്ടി വന്നത്. ഉപദ്രവം സഹിക്കാതെ വന്നപ്പോൾ എന്റെ ബോധം തന്നെ മറഞ്ഞുപോയി. നാല് മണിയുടെ സ്‌കൂൾ ബെല്ല് കേട്ടപ്പോൾ ആണ് എനിക്ക് ബോധം തെളിയുന്നത്. ഉണർന്നു നോക്കുമ്പോൾ ദേഹം നിറയെ ചോര. കടിച്ചതിന്റെ പാടുകൾ. ഇപ്പോഴും കാലിന്റെ തുടയിൽ ആ പാടുണ്ട്.

സംഭവത്തെ കുറിച്ച് ടീച്ചറോട് പറഞ്ഞപ്പോൾ, സാർ പറയുവാ നീ എന്തിനാ ഇങ്ങനെ നടക്കുന്നത്, മര്യാദക്ക് നടന്നു കൂടെ. നീ എന്തിനാണ് കൈയ്യിൽ നഖം വളർത്തുന്നത്, ആൺകുട്ടിയെ പോലെ നടന്നാൽ എന്താ എന്നൊക്കെ. എന്തൊക്കെ അവർ ചെയ്തു, അതൊക്കെ ഇഷ്ടമായോ, എന്ന് അയാൾ ചോദിച്ചത്. വീട്ടിൽ പോയി ചേച്ചിമാരോട് ഇക്കാര്യം പറയാൻ ഭയം ആയിരുന്നു. മാത്രമല്ല എന്നെ ഉപദ്രവിച്ചവർ ഇത് പുറത്തുപറഞ്ഞാൽ എല്ലാവരെയും കൊന്നു കളയും എന്നാണ് പറഞ്ഞത്. കൊലപാതകം എന്തെന്നറിയാത്ത പ്രായത്തിൽ, അങ്ങനെ ഒക്കെ കേട്ടപ്പോൾ ഞാൻ വിശ്വസിച്ചു പോയി.

അന്ന് ആ കാലത്ത് ഞാൻ എന്റെ വീട്ടിൽ ഇതുപറഞ്ഞാൽ അവർ വേദനിക്കും. ഇന്ന് ഈ കാലത്ത് ഇതൊക്കെ നിത്യ സംഭവങ്ങൾ ആയി മാറിക്കഴിഞ്ഞു. കാലഘട്ടം ഒട്ടും മാറിയിട്ടില്ല. ആളുകളുടെ രൂപവും ശൈലിയും മാറിയിട്ടുണ്ട്. എങ്കിലും അവരുടെ സ്വഭാവം മാറിയിട്ടില്ല. മനുഷ്യന് ഈ സെക്സ് എന്ന സംഭവത്തെ കുറിച്ച് ഒരു ബോധവും ഇല്ല. ഈ പത്തിൽ പഠിക്കുന്ന ചെക്കന്മാർ ഇക്കാര്യങ്ങൾ ഒക്കെ എവിടെ നിന്നാകും പഠിച്ചത് എന്നാണ് ഇപ്പോൾ ഞാൻ ചിന്തിക്കുന്നത്. വലിയ ആളുകൾ ചെയ്യുന്ന എല്ലാ കാര്യങ്ങളും അന്ന് അവർക്ക് അറിയാമായിരുന്നു. കേൾക്കുമ്പോൾ എല്ലാവരും പറയും ഇങ്ങനെ നടന്നിട്ടല്ലേ എന്ന്. പക്ഷേ അന്ന് ഞാൻ ഒന്നും അറിയാത്ത പ്രായം ആണ്. എയിൻ ഹണി വെറൈറ്റി മീഡിയയോട് പറയുന്നു.

ട്രാൻസ് എന്ന് കേട്ടാൽ സെക്സ് എന്ന് കരുതുന്നവരോട്, ട്രാൻസ് എന്ന് കേട്ടാൽ ട്രെയിനിൽ വന്നു ക്യാഷ് മേടിക്കാൻ വരുന്നവരെ ഓർക്കുന്നവരോട്, ട്രാൻസ് എന്ന് കേട്ടാൽ സെക്സ് വർക്കർ എന്ന് പറയുന്നവരോട്.. ഇതൊക്കെ നിങ്ങളിൽ ഉള്ളവരും ചെയ്യുന്നു.. പെണ്ണിൽ സെക്സ് വർക്കർ ഇല്ലേ? ആണിൽ ഇല്ലേ? ഭിക്ഷാക്കാരിൽ ഇല്ലേ ... ഒരു വീടോ, ജോലിയോ ഇല്ല അത് കൊണ്ടാണ് സെക്സ് വർക്കിന്‌ ട്രാൻസ് പോകുന്നെ എന്ന് കേൾക്കുമ്പോൾ വരും ഉടനെ ജോലിക്ക് പൊക്കൂടെ. ആണായി ജീവിച്ചൂടെ എന്തോന്നിത് എന്നാണ് ഇന്റർവ്യൂ വീഡിയോ പങ്കിട്ടുകൊണ്ട് എയിൻ സോഷ്യൽ മീഡിയയിൽ കുറിച്ചത്.