അശ്വതി ശ്രീകാന്തിന്റെ പോസ്റ്റ് മാധ്യമ ശ്രദ്ധ നേടുന്നു; അഭിപ്രായവുമായി ആരാധകർ!

കഴിഞ്ഞ ദിവസമാണ് കേരളത്തെ നടുക്കിയ അരും കൊല നടന്നത്. കണ്ണൂരിലാണ് മകനായ ഒന്നര വയസ്സുകാരനെ അതി ക്രൂരമായി ശരണ്യ എന്ന യുവതി കൊലപ്പെടുത്തുന്നത്. ഇതിനെതിരെ ശക്തമായ പ്രതിഷേധമാണ് സോഷ്യൽ മീഡിയയിലൂടെ നടക്കുന്നത്.

നിരവധിയാളുകൾ, ശരണ്യയുടെ ക്രൂരതയ്‌ക്കെതിരെ പ്രതികരിച്ചിട്ടുണ്ടെങ്കിലും, അവതാരകയായ അശ്വതിയുടെ വാക്കുകൾക്ക് പിന്തുണയുമായി എത്തിയിരിക്കുകയാണ് ഇപ്പോൾ സോഷ്യൽ മീഡിയ.

റിയാലിറ്റി ഷോകളിലും, സ്റ്റേജ് ഷോകളിലും സ്വത സിദ്ധ ശൈലിയിലൂടെയാണ് അശ്വതി പരിപാടികൾ അവതരിപ്പിക്കുക. ടെലിവിഷനിലും സ്റ്റേജ് ഷോകളിലും അവതാരകയായി തിരക്കുകളിൽ നിന്നും തിരക്കിലേക്ക് തിരിയുമ്പോഴും സോഷ്യൽ മീഡിയയിൽ താരം സജീവമാണ്. കുടുംബവും ഒത്തുള്ള കുഞ്ഞി കുഞ്ഞി സന്തോഷങ്ങളൊക്കെ താരം സോഷ്യൽ മീഡിയയിലൂടെ പങ്ക് വയ്ക്കാറുണ്ട്.

സമകാലീന വിഷയങ്ങളിൽ ഇപ്പോഴും വ്യക്തമായ അഭിപ്രായം പ്രകടിപ്പിക്കുന്ന അശ്വതി കണ്ണൂർ കൊലപാതകത്തിൽ ആണ് പ്രതികരിച്ചിരിക്കുന്നത്. വികാരഭരിതമായ ഒരു കുറിപ്പാണു ഇപ്പോൾ സോഷ്യൽ മീഡിയയിലൂടെ താരം പങ്ക് വച്ചിരിക്കുന്നത്.

ALSO READ: 'സൗഭാഗ്യയെ അർജുന് അല്ലാതെ ലോകത്ത് വേറാർക്കും കൊടുക്കില്ല'; നിറകണ്ണോടെ താര!

''പ്രസവിച്ച പെണ്ണുങ്ങളെയെല്ലാം ‘അമ്മ’ എന്ന് പറയുന്ന പരുപാടി നിർത്താറായി.. ആ വാക്ക് അർഹിക്കുന്നവർ പ്രസവിച്ചവരാകണം എന്നുമില്ല'', എന്നാണ് അശ്വതി സോഷ്യൽ മീഡിയയിൽ കുറിച്ചത്. ഇതിനോട് നിരവധി അഭിപ്രായങ്ങളാണ് ആളുകൾ ഉയർത്തുന്നത്. ഒരു മണിക്കൂർ മുൻപിട്ട പോസ്റ്റ് ഇതിനോടകം തന്നെ വൈറൽ ആയി കഴിഞ്ഞു. 178 ഷെയറും 2k അടുപ്പിച്ചു ലൈക്കും കിട്ടിയ പോസ്റ്റിൽ ഇപ്പോഴും ആളുകൾ അഭിപ്രായം പങ്ക് വയ്ക്കുകയാണ്.

വർഷങ്ങളായി കുഞ്ഞുങ്ങൾ ഇല്ലാത്തവരും, മക്കളെ നഷ്ടപെട്ടവരുമായ നിരവധി ആളുകൾ കമന്റുകളുമായി രംഗത്ത് വന്നിരുന്നു. ഇതിൽ കൂടുതൽ ആളുകളുടെ പ്രതികരണം ലഭിച്ചത് " എന്റെ വിവാഹം കഴിഞ്ഞു 12 വർഷം ആയി കുഞ്ഞുങ്ങൾ ഇല്ല.. ഇത് പോലെ വർഷങ്ങൾ ആയി കാത്തിരിക്കുന്നവർ നിരവധി.. ഈശ്വരൻ കുഞ്ഞുങ്ങളെ കൊടുക്കുന്നത് ഇത് പോലെ ഉള്ള രാക്ഷസികൾക്ക്.. ദൈവത്തിനു എല്ലാം മുൻകൂട്ടി അറിയാം എന്ന് പറയുന്നു അങ്ങനെ എങ്കിൽ ഇവറ്റകൾക്ക് എന്തിനു കുഞ്ഞുങ്ങളെ കൊടുക്കുന്നു" എന്ന് ഒരു ആരാധിക ഇട്ട കമന്റായിരുന്നു.