റോവിന്റെ സര്‍പ്രൈസ്
ജൂഹി റുസ്തഗിയും ഡോക്ടര്‍ റോവിനും പ്രണയത്തിലാണെന്നുള്ള വിവരം നേരത്തെ പുറത്തുവന്നിരുന്നു. ഇരുവരും ഒരുമിച്ചുള്ള ചിത്രങ്ങളും വീഡിയോയുമെല്ലാം വൈറലായിരുന്നു. ഇടയ്ക്കിടയ്ക്ക് ജൂഹിക്ക്് സര്‍പ്രൈസുമായെത്താറുണ്ട് റോവിന്‍. പതിവ് തെറ്റിക്കാതെ പിറന്നാള്‍ ദിനത്തില്‍ സര്‍പ്രൈസുമായെത്തിയിരിക്കുകയാണ് റോവിന്‍. ഈ സന്തോഷം പങ്കുവെച്ചായിരുന്നു ജൂഹി എത്തിയത്. പ്രിയപ്പെട്ട പട്ടിക്കുട്ടിക്കൊപ്പം കേക്കിന് മുന്നില്‍ ചിരിച്ച് നില്‍ക്കുന്ന ഫോട്ടോയാണ് ജൂഹി പോസ്റ്റ് ചെയ്തത്.
പ്രണയത്തിലാണ്
റോവിനുമായി പ്രണയത്തിലാണെന്ന് ജൂഹി പറഞ്ഞിരുന്നു. ഉടന്‍ വിവാഹം ഇല്ലെന്നും അതിന് മുന്‍പ് കുറേ കാര്യങ്ങള്‍ ചെയ്യാനുണ്ടെന്നും താരം വ്യക്തമാക്കിയിരുന്നു. ആല്‍ബം ഷൂട്ടിംഗിനിടയിലായിരുന്നു ജൂഹിയും റോവിനും പരിചയപ്പെട്ടത്. അടുത്ത സുഹൃത്തുക്കളായി മാറിയ ഇരുവരും പിന്നീട് പ്രണയത്തിലാവുകയായിരുന്നു. ഇരുവരും പ്രണയത്തിലാണെന്ന് സ്ഥിരികരീച്ചതിന് ശേഷമായി ചാനല്‍ പരിപാടിയില്‍ ഒന്നിച്ചെത്തിയിരുന്നു. പാട്ടും മോഡലിംഗുമായും സജീവമാണ് റോവിന്‍.
എതിര്‍പ്പുകള്‍ മാറി
ജൂഹിയുമായുള്ള പ്രണയത്തെക്കുറിച്ച് അറിഞ്ഞപ്പോള്‍ തുടക്കത്തില്‍ എതിര്‍പ്പുകളുണ്ടായിരുന്നു. പിന്നീടാണ് അത് മാറിയതെന്ന് റോവിന്‍ പറഞ്ഞിരുന്നു. ഉപ്പും മുളകില്‍ നിന്നും പിന്‍വാങ്ങിയ ജൂഹി യൂട്യൂബ് ചാനലുമായി സജീവമാണ്. ഇടയ്ക്ക് റോവിനൊപ്പം നടത്തിയ യാത്രകളുടെ വീഡിയോയും താരം പോസ്റ്റ് ചെയ്തിരുന്നു.
പുതിയ പരിപാടി
കുടുംബാംഗങ്ങള്‍ എതിര്‍പ്പ് പ്രകടിപ്പിച്ചതിന് പിന്നാലെയായാണ് ജൂഹി റുസ്തഗി ഉപ്പും മുളകില്‍ നിന്നും പിന്‍വാങ്ങിയത്. അഭിനയത്തില്‍ നിന്നും മാറി പഠനത്തിലേക്ക് തിരിയുകയായിരുന്നു താരം. യൂട്യൂബ് ചാനനലിലൂടെ വിശേഷങ്ങള്‍ പങ്കുവെച്ചും താരമെത്തിയിരുന്നു. സീ കേരളം ചാനലിലെ പരിപാടിയില്‍ ജൂഹിയും പങ്കെടുക്കുന്നുണ്ട്.