'നാല് വർഷം കാത്തിരുന്ന ശേഷം വന്ന അതിഥി'; പള്ളിയിലും അമ്പലത്തിലും നേർച്ചവച്ചു കിട്ടിയനിധി!

കേശു അത്ര ചില്ലറക്കാരനല്ല, എന്ന് നമുക്ക് ഉപ്പും മുളകും പരമ്പരയിൽ നിന്നും ബോധ്യമാകും. ചെറിയ പ്രായത്തിൽ തന്നെ ഈ പരമ്പരയിൽ എത്തിയ കേശുവിന്റെ ശബ്ദമൊക്കെ ഇപ്പോൾ മാറി തുടങ്ങിയിട്ടുണ്ട്. അതാകാം അവന്റെ കിയോ കിയോ ശാബ്ദം മാറിയ കാര്യം പോലും നമ്മൾ മനസിലാക്കിയത്. ഇപ്പോൾ കേശുവിന്റെ പിറന്നാൾ ദിനം അമ്മ ബീന വാചാലയാകുന്നു.

നീണ്ട കാത്തിരിപ്പിനൊടുവിൽ ആണ് അവൻ ഞങ്ങളുടെ ജീവിതത്തിലേക്ക് വരുന്നത്. നാല് വർഷത്തെ കാത്തിരുപ്പായിരുന്നു അത്. എറണാകുളത്ത് ഒരു ആശുപത്രിയിൽ ആയിരുന്നു ട്രീറ്റ് മെന്റ്. പിന്നെ അമ്പലങ്ങളിലും പള്ളികളിലും എല്ലാം നേര്ച്ച വച്ച് കിട്ടിയ മോനാണ് എന്റെ അൽസാബിത്.

അന്ന് മോന്റെ ചെറുപ്പത്തിൽ ഒരു കട ആയിരുന്നു ഞങ്ങൾക്ക്. അപ്പോൾ അവിടെ വരുന്നവരോടൊക്കെ അവൻ സംസാരിക്കും. വഴിയിലൂടെ പോകുന്ന ഒരാളെയും വെറുതെ വിടില്ലായിരുന്നു. നല്ല ചെറുപ്പത്തിൽ തന്നെ എല്ലാവരോടും സംസാരിക്കുന്ന അവനോട് അടുത്തൊക്കെ ഉള്ളവർക്ക് വലിയ ഇഷ്ടം ആയിരുന്നു.

കേശുവുമായി ഇത്തിരി ബന്ധം അൽസാബിത്തിനുണ്ട്. അത് ഭക്ഷണത്തിന്റെ കാര്യത്തിൽ അല്ല. സംസാരത്തിന്റെ കാര്യത്തിൽ ആണ്. പിന്നെ ആരെയും വിഷമിപ്പിക്കുന്ന രീതിയിൽ ഉള്ള ഒരു സംസാരവും അവന്റെ ഭാഗത്തു നിന്നും ഇത് വരെയും ഉണ്ടായിട്ടില്ല അത് തന്നെയാണ് അവന്റെ പ്ലസ് പോയിന്റും.

പത്തനംതിട്ട കലഞ്ഞൂരിലാണ് ഞങ്ങൾ ഇപ്പോൾ ഉള്ളത്. ഒരു കേക്കുമുറിച്ചു സാധാരണരീതിയിൽ ഒരു ആഘോഷമാണ് നടന്നത്. പിന്നെ തേങ്ങാച്ചോറും, ചിക്കൻ കറിയും ആണ് ഒരുക്കിയത്. ഇനി ഒരു പായസം കൂടിയും ഒരുക്കുന്നുണ്ട്. ഇത് മോന്റെ പതിമൂന്നാമത്തെ പിറന്നാൾ ആണ്. ഈ പിറന്നാൾ ഇങ്ങനെ ആകട്ടെ. അടുത്ത പിറന്നാൾ ആഘോഷമാക്കാം. പിന്നെ സോഷ്യൽ മീഡിയയിയിലൂടെ അവന്റെ ആരാധകർ നൽകുന്ന സ്നേഹത്തിനു പകരം വയ്ക്കാൻ മറ്റൊന്നും ഇല്ലെന്നും കേശുവിന്റെ അമ്മ സമയം മലയാളത്തിനോട് പറഞ്ഞു.