Vaigha Subramannyam Life Story She Is About Her Family Viral Post
അമ്മ മറ്റൊരാളുടെ ഭാര്യയായി കഴിയുന്നു: അച്ഛൻ മറ്റൊരു വിവാഹം കഴിച്ചു; 40 ന്റെ നിറവിൽ അവൾ കൂടുതൽ പക്വമതിയായിരിക്കുന്നു; വൈഗ എഴുതുന്നു
വർഷങ്ങളുടെ ഇടവേളയുണ്ട് എല്ലാവരേയും കണ്ടിട്ട്: പക്ഷേ അവൻ അവളാകാൻ തീരുമാനിച്ച കാലം ഉപേക്ഷിച്ചവരും ആ കൂട്ടത്തിൽ ഉണ്ടായിരുന്നു!!
Samayam Malayalam23 Jan 2023, 2:24 pm
ട്രാൻസ് വുമണും, നടിയും, മോഡലും ഒക്കെയാണ് വൈഗ. അതിലുപരി നല്ലൊരു എഴുത്തുകാരിയും, അടുത്തിടെയായി വൈഗ പങ്കിടുന്ന കഥകൾ വായിക്കാൻ ആരാധകർ ഏറെയാണ്. തന്റെ കഥകൾ ഓരോ ദിവസവും വൈഗ തന്റെ സോഷ്യൽ മീഡിയ അകൗണ്ടിലൂടെ എഴുതാറുണ്ട്. അത്തരത്തിൽ അടുത്തിടെ കണ്ണൻ വൈഗ ആയി മാറിയ കഥയെ കുറിച്ച് വൈഗ പറഞ്ഞിരുന്നു. തന്റെ ലൈഫ് സ്റ്റോറി അധികം വൈകാതെ ഒരു പുസ്തകമായി എഴുതുന്നുണ്ട് എന്നും വൈഗ പറയുകയുണ്ടായി. ഇപ്പോഴിതാ വൈഗയുടെ മനോഹരമായ മറ്റൊരു എഴുത്താണ് സോഷ്യൽ മീഡിയയിൽ വൈറലാകുന്നത്.
അവൾ ഇന്ന് ചില തീരുമാനങ്ങൾ എടുത്തിട്ടുണ്ട്
ചെറുപ്പം തൊട്ട് തന്റേതും അല്ലാത്തതും ആയ പല കാരണങ്ങൾ കൊണ്ട് അമ്മയേയും അച്ഛനേയും സഹോദരനേയും കൂട്ടുകാരേയും അയൽവാസികളേയും ബന്ധുക്കളേയും നഷ്ടപ്പെട്ട അവൾ ഇന്ന് ചില തീരുമാനങ്ങൾ എടുത്തിട്ടുണ്ട്...നഷ്ടപ്പെട്ടതെല്ലാം അവൾ തിരികെ പിടിക്കും എന്ന ശക്തമായ തീരുമാനം.. അതുകൊണ്ട് തന്നെ അവൾ വളരെ ഹാപ്പി ആയിരുന്നു.. അമ്മ മറ്റൊരു വീട്ടിൽ മറ്റൊരാളുടെ ഭാര്യയായി കഴിയുന്നു.. അച്ഛൻ അച്ഛന്റെ തന്നെ വീട്ടിൽ മറ്റൊരു വിവാഹം കഴിച്ച് സന്തോഷത്തോടെ കഴിയുന്നു.. സഹോദരനും വിവാഹം കഴിച്ച് സസന്തോഷം നാട്ടിൽ തന്നെ മറ്റൊരിടത്ത് താമസിക്കുന്നു.. അവരുടെ വാശിയൊക്കെ തന്നെ കാണുമ്പോൾ അലിഞ്ഞില്ലാതാവും എന്ന് അവൾക്കുറപ്പുണ്ടായിരുന്നു.. അതിനെല്ലാം അപ്പുറത്ത് അവളുടെ കുട്ടിക്കാലത്തെ ഉറ്റതോഴൻ വിവേകിനെ കാണാനും അവൾ അതിയായി ആഗ്രഹിക്കുന്നു..
വിവാഹം ഒക്കെ കഴിച്ച് അവൻ
വിവാഹം ഒക്കെ കഴിച്ച് അവൻ ഒരു കുഞ്ഞും കുടുംബവുമായി താമസിക്കുന്നതൊക്കെ അവൾ അറിയുന്നുണ്ട്.. വർഷങ്ങളുടെ ഇടവേളയുണ്ട് എല്ലാവരേയും കണ്ടിട്ട്... പക്ഷേ അവൻ അവളാകാൻ തീരുമാനിച്ച കാലം തൊട്ട് അവളെ ഉപേക്ഷിച്ചവരും അവൾ ഉപേക്ഷിച്ചവരും ഒക്കെ ആ കൂട്ടത്തിൽ ഉണ്ടായിരുന്നു..40 ന്റെ നിറവിൽ അവൾ കൂടുതൽ പക്വമതിയായിരിക്കുന്നു എന്ന ചിന്തയിൽ നിന്നും ഉടലെടുത്തതാണ് അവളുടെ പുതിയ തീരുമാനങ്ങൾ .. അത് അവളെ കൂടുതൽ സന്തോഷവതിയാക്കുന്നു എന്ന് അവൾ തിരിച്ചറിയുന്നുണ്ട്.. അച്ഛന് വേണ്ടി അവൾ ഷർട്ടിന്റെ തുണിയും മുണ്ടും വാങ്ങി വെച്ചിട്ടുണ്ട്.. അമ്മക്ക് കൊടുക്കാൻ പട്ട് സാരി.. ചേട്ടനും വിവേകിനും ഏറ്റവും ഇഷ്ടം SLR ക്യാമറ ആണ്.. അത് അവൾ രണ്ടെണ്ണം വീതം വാങ്ങിയിട്ടുണ്ട്..
രണ്ട് പേർക്കും canon ക്യാമറ
രണ്ട് പേർക്കും canon ക്യാമറ തന്നെ വാങ്ങിവെച്ചു... വീടൊക്കെ ഒരുപാട് മാറിയിട്ടുണ്ടാകും??.. അച്ഛൻ ഇപ്പോൾ കാണാൻ ഏങ്ങനെ ഉണ്ടാവും??.. ചേട്ടന്റെ മുടിയൊക്കെ നരച്ചിട്ടുണ്ടാവോ?? അമ്മ ഇപ്പോൾ എങ്ങനെ ആവും ജീവിക്കുന്നത്?? വിവേകിന്റെ മോന് തന്നെ കണ്ടാൽ അവൻ എങ്ങനെ പരിചയപ്പെടുത്തി കൊടുക്കും??.. സന്തോഷവും അതിലുപരി ആശങ്കളുമായി അവൾ വളരെ രാത്രി വൈകിയാണ് ഉറങ്ങാൻ കിടന്നത്... രാവിലെ എഴുന്നേറ്റ് സന്ദീപിനെ വിളിച്ച് കാറുമായി വരാൻ പറഞ്ഞിട്ടുണ്ട്.. ആദ്യം അമ്മയുടെ അടുത്ത് പോണം.. പിന്നെ അച്ഛൻ.. പിന്നെ ചേട്ടൻ.. ഒടുവിൽ വിവേകിനെ.. എല്ലാവരേയും അവൾ ഞെട്ടിക്കും..ഉറച്ച തീരുമാനമാണ്... അവരെല്ലാം ചിലപ്പോൾ അവളെ ആട്ടിയോടിക്കാം.. പക്ഷേ അത്തരം ചിന്തകൾ ഒന്നും മനസ്സിന്റെ ഒരു കോണിൽ പോലും ഉണ്ടായിരുന്നില്ല എന്നതാണ് സത്യം..
കൂടുതൽ സുന്ദരി ആയി ഒരുങ്ങണം
അതി രാവിലെ തന്നെ അലാറം അടിച്ചു.. കൂടുതൽ സുന്ദരി ആയി ഒരുങ്ങണം.. അവളെ കാണുമ്പോൾ ആരും ആ പഴയ രൂപം ഓർത്തെടുക്കരുത്.. എന്നിട്ട് അവരൊക്കെ അവളോട് പറയണം "എന്ത് സുന്ദരിയാ നീ.. നിന്റെ തീരുമാനം ശരിയായിരുന്നു "... അവളുടെ മുഖം സന്തോഷം കൊണ്ട് തുടുത്തു...സന്ദീപ് ആണ് കോളിങ് ബെൽ അടിക്കുന്നത് എന്ന് അവൾക്കറിയാമായിരുന്നു... വേഗം പോയി വാതിൽ തുറന്ന് കൊടുത്തു.. രണ്ട് പേരും കൂടി നേരത്തെ പേക്ക് ചെയ്ത് വച്ചിരുന്ന സാധനങ്ങൾ എല്ലാം കാറിലേക്ക് എടുത്തുവെച്ചു.. ഇടക്ക് എപ്പോഴോ സന്ദീപ് പറയുന്നുണ്ടായിരുന്നു... "ചേച്ചി ഇന്ന് നല്ല ഹാപ്പി ആണല്ലോ..അവൾ ചിരിച്ചു കൊണ്ട് കാറിന്റെ മുൻസീറ്റിൽ സന്ദീപിനൊപ്പം കയറി ഇരുന്നു.. അതെ അവൾ യാത്ര തുടങ്ങിയിരിക്കുന്നു.. ജീവിതത്തിൽ ഇതിന് മുൻപൊന്നും അവൾ ഇത്രയും പക്വതയുള്ള തീരുമാനം എടുത്തിട്ടില്ല.. അത് അവളെ കൂടുതൽ പക്വതയുള്ള സുന്ദരിയാക്കിയിരിക്കുന്നു
പെട്ടന്നാണ് എന്തോ വലിയ ശബ്ദം കേട്ടത്
കുറച്ച് നേരം രണ്ട് പേരും എന്തൊക്കെയോ സംസാരിച്ചുകൊണ്ടാണ് യാത്ര തുടർന്നത്.. ഇന്നലെ രാത്രി വൈകി കിടന്നതുകൊണ്ട് തന്നെ അവൾ പതിയേ മയക്കത്തിലേക്ക് വീണുപോയിരുന്നു.. ഇടക്ക് സന്ദീപ് പറയുന്നത് അവൾക്ക് കേൾക്കാമായിരുന്നു.. "ചേച്ചി ഉറങ്ങിക്കോളൂ.. ഞാൻ സ്ഥലം എത്തുമ്പോൾ പറയാം.." അവൾ നല്ല മയക്കത്തിലേക്ക് വീണുകൊണ്ടിരുന്നു...പെട്ടന്നാണ് എന്തോ വലിയ ശബ്ദം കേട്ട് അവൾ ഉണർന്നത്.. കണ്ണ് തുറന്ന് നോക്കുമ്പോൾ അവൾക്ക് ഒന്നും വിശ്വസിക്കാൻ കഴിഞ്ഞില്ല.. സ്വപ്നമാണോ സത്യമാണോ താൻ കാണുന്നത്... അവൾ ആരെയൊക്കെയാണോ കാണാൻ ഇറങ്ങി തിരിച്ചത്.. അവരെല്ലാം അവൾക്ക് ചുറ്റും നിൽക്കുന്നു.. ഇതിൽപ്പരം സന്തോഷം ഇതിന് മുൻപൊന്നും അവൾ അറിഞ്ഞിട്ടില്ല...പക്ഷെ അവരുടെ മുഖത്തൊന്നും ഒരു സന്തോഷവും കാണുന്നില്ല...
കൈകൾ ചലിപ്പിക്കാൻ കഴിയാതെ
അവൾക്ക് കാര്യം മനസ്സിലായില്ല.. അതുകൊണ്ട് കയ്യിൽ കരുതിയിരുന്ന ഗിഫ്റ്റ് കൊടുത്ത് അവരെ ഒക്കെ സന്തോഷിപ്പിക്കാം എന്ന് അവൾ കരുതി.. അച്ഛനോടും അമ്മയോടും ചേട്ടനോടും വിവേകിനോടും എല്ലാം ചിരിച്ചുകൊണ്ട് അവൾ കയ്യിൽ കരുതിയിരുന്ന ഗിഫ്റ്റ് എടുക്കാൻ ശ്രമിച്ചു..എന്താണ് തന്റെ കൈകൾ ചലിപ്പിക്കാൻ കഴിയുന്നില്ലല്ലോ.. അവൾ മുഴുവൻ ശക്തിയും ആവാഹിച്ചു ആഞ്ഞു പരിശ്രമിച്ചു.. ഇല്ല തന്റെ കൈകൾ മാത്രമല്ല കാലുകളും ചലിപ്പിക്കാൻ കഴിയുന്നില്ല... ശരീരം ഭാരം കുറഞ്ഞപോലെ അനുഭവപ്പെടുന്നു.. പെട്ടന്നാണ് അതൊക്കെ അവളുടെ ശ്രദ്ധയിൽ പെട്ടത്.. കാലിന്റെ ഭാഗത്ത് തേങ്ങാ മുറിയിൽ കരിന്തിരി കത്തുന്നു.. തലഭാഗത്ത് അഞ്ചു തിരി വിളക്ക് കത്തുന്നു.താൻ കിടക്കുന്ന വാഴയിലക്ക് ചുറ്റും അരി വിതറിയിരിക്കുന്നു.. ഭാരതേട്ടൻ രാമായണം വായിക്കുന്നു.. അവൾ അലറി കരഞ്ഞുകൊണ്ട് അച്ഛനേയും അമ്മയേയും ചേട്ടനേയും വിവേകിനേയും വിളിച്ചു.. ആ സമ്മാനമെങ്കിലും സ്വീകരിക്കൂ എന്ന് പറഞ്ഞുകൊണ്ട് അലമുറയിട്ടു... ആരും കേട്ടില്ല.. താൻ കാണാൻ കൊതിച്ച എത്രയോ മുഖങ്ങൾ അവിടെ കൂടിയിട്ടുണ്ട്... അവരോടൊക്കെ അക്കാൾക്കൊരുപാട് പറയാനുണ്ട്... കരയാനല്ലാതെ മറ്റൊന്നും ചെയ്യാൻ അവൾക്ക് കഴിഞ്ഞില്ല...ചേച്ചീ സ്ഥലം എത്തീ..".. അവൾ ഞെട്ടിയുണർന്നു..നോക്കുമ്പോൾ ഏതോ ഒരു പുതിയ സ്ഥലത്ത് എത്തിയ പ്രതീതി...".എന്താ സ്ഥലമൊന്നും മനസ്സിലാവുന്നില്ലേ... ദിവാസ്വപ്നവും കണ്ടോണ്ട് കിടക്കാണ്ന്ന് തോന്നി..." സന്ദീപ് പറഞ്ഞു നിർത്തി.....
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.