ALSO READ: എനിക്ക് വിശ്വസിക്കാൻ ആകുന്നില്ല സാർ; ഹരിഹരൻ നൽകിയ 'വിലമതിക്കാനാകാത്ത സമ്മാന'ത്തെ കുറിച്ച് ജാസിം
അഭിനയം കഴിഞ്ഞാൽ !
അഭിനയം കഴിഞ്ഞാൽ എന്താണ് സായിക്ക് ഏറ്റവും ഇഷ്ടമുള്ള മേഖല എന്ന് ചോദിച്ചാൽ പാമ്പ് പിടുത്തമാണ് എന്ന് ഒറ്റ ശ്വാസത്തിൽ തന്നെ അദ്ദേഹം പറയും. കാരണം മൃഗങ്ങളോടും പക്ഷികളോടും തനിക്ക് അത്രമേൽ ഇഷ്ടമാണ് എന്ന് താരം വ്യക്തമാക്കിയിട്ടുണ്ട്. ഇപ്പോൾ താരം പങ്ക് വച്ചിരിക്കുന്ന കുറച്ചു ചിത്രങ്ങൾ ആണ് ഏറെ വൈറൽ ആകുന്നത്.
ശിവഭക്തൻ!
സായ് തികഞ്ഞ ശിവ ഭക്തനാണ്.അമ്പലത്തിൽ പാമ്പിനെ പൂജിക്കുന്ന ജനത, റോഡിൽ പാമ്പിനെ കണ്ടാൽ എന്തിനാണ് തല്ലി കൊല്ലുന്നത് എന്ന് തനിക്ക് ഇതേ വരെ മനസിലായിട്ടില്ലെന്ന് മുൻപൊരിക്കൽ സായ് വ്യക്തമാക്കിയിരുന്നു.
പാമ്പ് പിടുത്തം പഠിക്കാൻ!
ഒരിക്കൽ സ്കൂളിൽ നിന്നും വരുന്ന വഴി ആളുകൾ ഒരു പാമ്പിനെ തല്ലികൊല്ലുന്ന സംഭവം ആണ് എന്നെ ഹൈദരാബാദിലെ ‘ഫ്രണ്ട്സ് ഓഫ് സ്നേക്ക് സൊസൈറ്റി’യിൽ ചെന്ന് അംഗത്വം എടുക്കുന്നതിന് പ്രേരിപ്പിച്ചത് എന്നും സായ് സമയം മലയാളത്തോട് പറഞ്ഞിട്ടുണ്ട്. സ്നേക് റെസ്ക്യൂ പഠിക്കുന്നതും. പിന്നീട് രണ്ടു വർഷം കൊണ്ട് പലതരം പാമ്പുകളെക്കുറിച്ചും അവയെ രക്ഷിക്കേണ്ട രീതിയും താരം അവിടെ നിന്നാണ് ഹൃദിസ്ഥമാക്കിയത്.
വൈറൽ ആകുന്ന കുറിപ്പ്!
നാഗ പഞ്ചമിയുടെ അവസരത്തിൽ ഞാൻ പറയാൻ ആഗ്രഹിക്കുന്നത് പാമ്പുകൾ മാത്രമല്ല ദൈവികമായ സൃഷ്ടികൾ, എല്ലാ ജീവജാലങ്ങളും അങ്ങനെ തന്നെയാണ്. യാതൊരു കാരണവുമില്ലാതെ ഒരു ജീവനും കവർന്നെടുക്കാൻ നമ്മൾക്ക് അവകാശം ഇല്ല. നമ്മളുടെ കുട്ടികളുടെ ജീവനെപോലെ തന്നെ എല്ലാ ജീവ ജാലങ്ങളുടെയും ജീവനും എന്നാണ് അദ്ദേഹം പറയുന്നത്.