പുതിയ തുടക്കം എന്ന് സായ് കിരൺ; സുചിത്രയുടെ പുതിയ സന്തോഷം ഏറ്റെടുത്ത് ആരാധകർ!

പദ്മിനി എന്ന കഥാപാത്രത്തെ അടുത്തകാലത്തൊന്നും മലയാള ടെലിവിഷൻ ആസ്വാദകർ മറക്കാൻ ഇടയില്ല. വാനമ്പാടി പരമ്പരയിലൂടെ പിന്നണി ഗായകൻ മോഹൻ കുമാറിന്റെ ഭാര്യ ആയും, അതേ പോലെ തംബുരുവിന്റെ അമ്മയായും സുചിത്ര മിന്നും പ്രകടനം ആണ് കാഴ്ചവച്ചത്.

പൊതുവെ കണ്ണീർ പരമ്പരകളിലെ നായിക സങ്കല്പങ്ങളിൽ നിന്നും വ്യത്യസ്തതയാർന്ന ശൈലിയാണ് ഈ പരമ്പരയിൽ സുചിത്ര കാഴ്ച്ചവെച്ചത്. പരമ്പര അവസാനിച്ചിട്ട് നാളുകൾ പിന്നിട്ടിട്ടും സുചിത്രയുടെ വിശേഷങ്ങൾക്ക് ഇന്നും ആരാധകർ ഏറെയാണ്.

ALSO READ: സന്തോഷത്തിൽ സോനു; എന്നെ പോലെയുള്ള ആളുകൾ ചുറ്റും; ദേവുവിന് നിറഞ്ഞ കൈയ്യടി!

ഇതിനിടയിൽ ആണ് കഴിഞ്ഞ ദിവസം ബിഗ് ബോസിലേക്ക് താരം എത്തുന്നുവെന്ന തരത്തിലുള്ള വാർത്തകൾ പ്രചരിച്ചതും. എന്നാൽ ഞാന്‍ ബിഗ് ബോസില്‍ പങ്കെടുക്കുന്നില്ല. വ്യാജവാര്‍ത്തയാണ് പ്രചരിക്കുന്നതെന്ന് താരം പറഞ്ഞതോടെയാണ് ഗോസിപ്പുകൾക്ക് വിരാമം കുറിച്ചത്.

അഭിനയം മാത്രമല്ല മികച്ച നര്‍ത്തകി കൂടിയാണ് സുചിത്ര നായർ. സോഷ്യല്‍ മീഡിയയില്‍ സജീവമായ സുചിത്രയുടെ പോസ്റ്റുകള്‍ പെട്ടെന്നാണ് വൈറലായി മാറാറുള്ളത്. വാനമ്പാടി അനുഭവങ്ങളെക്കുറിച്ച് വാചാലയായും താരമെത്തിയിരുന്നു.

ഇതിനിടയിൽ ആണ് പുതിയ തുടക്കം കുറിച്ച സന്തോഷം സുചിത്ര പങ്ക് വച്ചത്. ആരോഗ്യ സംരക്ഷണത്തിന്റെ ഭാഗമായി ജിമ്മിൽ ജോയിൻ ചെയ്ത വിശേഷം ആണ് സുചിത്ര പങ്ക് വച്ചത്.

സുചിത്രയുടെ പുതിയ സന്തോഷത്തിനു ആണ് സായ് കിരണും ആശംസകൾ നേർന്നുകൊണ്ട് രംഗത്ത് എത്തിയത്.