എന്റെ ആദ്യ ജീവിതം പ്രതിസന്ധികളിൽ ആയിരുന്നു: പറ്റില്ലെന്ന് അറിഞ്ഞപ്പോൾ പോന്നതാണ്; എന്നെ ഇന്ന് ഞാനാക്കിയത് ജാൻ; നമ്മൾക്ക് പറ്റില്ലെങ്കിൽ ആ ജീവിതം കട്ട് ചെയ്യുക; എന്തിനാ മക്കളെ സാരി തുമ്പിൽ ജീവിതം തീർക്കുന്നത്; വീണയുടെ വാക്കുകൾ

എന്റെ കഥ എന്ന ക്യാപ്‌ഷൻ നൽകി വര്ഷങ്ങൾക്ക് മുൻപ് വീണ പങ്കിട്ട ചില തുറന്നു പറച്ചിൽ ആണ് പല പെൺകുട്ടികളെയും ജീവിതത്തിലേക്ക് തിരിച്ചു കൊണ്ട് വന്നത്. ഇപ്പോൾ വിസ്മയയുടെ സംഭവത്തിന് പിന്നാലെ വീണ വീണ്ടും പെൺകുട്ടികൾക്ക് ധൈര്യം പകർന്നു നൽകി കൊണ്ട് എത്തിയിരിക്കുകയാണ്. തനിക്ക് ഒരുപാട് കത്തുകൾ ആണ് ലഭിക്കുന്നതെന്നും, അതിനുള്ള മറുപടിയാണ് ഇതെന്നും പറഞ്ഞുകൊണ്ടാണ് വീണ പുതിയ വീഡിയോയുമായി രംഗത്ത് വന്നത്. വീണ മാത്രമല്ല വീണക്ക് പുതുജീവിതം നൽകി ജീവിതം തന്നെ മാറ്റി മറിച്ച ജാനും അരാധകരോട് സംസാരിക്കുന്നുണ്ട്.

അടുത്തിടെ ചില പെൺകുട്ടികൾ എന്റെ കഥ കേട്ടിട്ട് ആകണം ചില ചിത്രങ്ങൾ, രണ്ടാം വിവാഹത്തിന്റെ ചിത്രങ്ങൾ അയച്ചു തന്നു. അത് കാണുമ്പൊൾ അവർ നല്ലൊരു ജീവിതം തുടങ്ങി എന്ന് കേൾക്കുമ്പോൾ സന്തോഷം തോന്നുന്നു. ഞാൻ ഡൈവോഴ്സിനെ പ്രോത്സാഹിപ്പിക്കുന്നത് അല്ല. നമ്മൾ ആദ്യം മനസ്സിനെ കേൾക്കുക. അന്തമായി സ്നേഹിക്കുന്നവർ കരുതും കുഞ്ഞുണ്ടായാൽ പ്രശ്നങ്ങൾ തീരും എന്ന്. എന്നാൽ നമ്മൾ അവിടെ നശിപ്പിക്കുന്നത് കുഞ്ഞിന്റെ ഭാവി കൂടിയാണ്.

നമ്മൾക്ക് പറ്റില്ലെങ്കിൽ ആ ജീവിതം കട്ട് ചെയ്തു കളയുക, നമുക്ക് നമ്മുടെ ജീവിതം തന്നെയല്ലെ വലുത് എന്ന് ചിന്തിക്കുക. ഓരോ മനുഷ്യന്റെ ജീവിതവും വളരെ പ്രധാനമാണ്. തീകൊളുത്തി മരിക്കാനോ, തൂങ്ങി ആടാനോ ഉള്ളതല്ല നമ്മുടെ ജീവിതം. അത് മക്കൾ ഒന്ന് മനസിലാക്കുക. രക്ഷിതാക്കളോട് പറയാനുള്ളത് ചെറുപ്പത്തിൽ തന്നെ കുഞ്ഞുങ്ങളെ കല്യാണം കഴിച്ചു കൊടുക്കാതെ ഇരിക്കുക. അവർ പഠിക്കട്ടെ. പഠിച്ചു അവർ സ്വന്തം കാലിൽ നിൽക്കട്ടെ. അതിനുള്ള അവസരം ആണ് നിങ്ങൾ നൽകേണ്ടത്.

കുട്ടികൾ വളർന്നു വരുമ്പോൾ തന്നെ കുടുംബം വിവാഹം എന്നാ സിസ്റ്റത്തോടെയാണ് രക്ഷിതാക്കൾ വളർത്തുന്നത്. അത് ജീവിതത്തിന്റെ പ്രമുഖ ഭാഗം ആണ് എന്ന് പറഞ്ഞു പഠിപ്പിക്കാതെ ഇരിക്കുക. അത് നടക്കുമ്പോൾ നടക്കട്ടെ എന്ന് മാത്രം കരുതുക. വിവാഹം എന്നുള്ളത് ആഘോഷമാക്കുന്നവർ വിളിക്കുന്ന കല്യാണത്തിന് പോകാതെ ഇരിക്കുക. ആഘോഷങ്ങൾ വേണ്ടത് വിജയത്തിന് ശേഷമാണ്. 25 വർഷത്തെ ദാമ്പത്യത്തിനു ശേഷം നിങ്ങൾ വളരെ വലുതായി ആ ജീവിതം ആഘോഷിക്കൂ. വീണയ്ക്ക് ഒപ്പം തന്നെ ജാനും പറയുന്നു.

സമൂഹം ഉണ്ടാക്കി വച്ചിരിക്കുന്ന സിസ്റ്റത്തിൽ നിന്നും ആദ്യം പുറത്താകൂ എന്ന് ജാൻ പറയുമ്പോൾ തനിക്ക് പറ്റിയ വലിയ തെറ്റ് എൻജിനീയറിങ് പഠിച്ചിട്ടും ഞാൻ ജോലിക്കു പോകാതെ ഇരുന്നാണ് എന്ന് വീണ പറയുന്നു. അപ്പോഴാണ് ഒരാളെ ആശ്രയിക്കേണ്ട അവസ്ഥ വന്നത്.

എന്റെ ജീവിതത്തിൽ ഒരു തീരുമാനം എടുക്കേണ്ടി വന്നപ്പോൾ ജോലി ഇല്ലായിരുന്നു, അന്ന് എന്റെ വീട്ടുകാർ എനിക്ക് പിന്തുണ നൽകി ഇല്ലായിരുന്നു എങ്കിൽ എനിക്കും തീരുമാനം എടുക്കാൻ ആകില്ലായിരുന്നു. അപ്പോൾ എല്ലാവരും സ്വന്തം കാലിൽ നില്ക്കാൻ ആണ് ആദ്യം തീരുമാനം എടുക്കേണ്ടത് എന്നും വീണ പറയുന്നു.

ലക്ഷക്കണക്കിന് രൂപ പൊടിപൊടിച്ചു നടത്തുന്ന വിവാഹങ്ങളിൽ ഒരു കാര്യവും ഇല്ലെന്നും, അതിനു താൻ ഉത്തമ ഉദാഹരണം ആണെന്നും വീണ വ്യകത്മാക്കി. എന്റെ ജീവിത കഥ മറ്റുള്ളവർക്ക് ഒരു പ്രചോദനം ആയാൽ എന്ന് കരുതി കൊണ്ടാണ് എന്റെ പുതിയ ജീവിതത്തെ കുറിച്ച് ഞാൻ സംസാരിക്കാൻ തയ്യാറായതെന്നും വീണ പറയുന്നു.

എന്റെ ആദ്യ മകന് ഒരു വയസ്സുള്ളപ്പോൾ ആണ് മറ്റൊരു ജീവിതത്തിലേക്ക് താൻ കാലെടുത്തു വച്ചത്. ജീവിതത്തിൽ തളർന്നുപോകുന്ന അവസ്ഥകൾ ഉണ്ടാകുമ്പോൾ തളരാതെ മുൻപോട്ട് പോകാൻ എന്തെങ്കിലും പിടിവള്ളി കിട്ടിയാൽ അതിൽ പിടിച്ചു കയറാൻ ശ്രമിക്കണം തളർന്നുപോകരുത് എന്നും വീണ സ്വന്തം കഥയിലൂടെ മുൻപ് പറഞ്ഞിട്ടുണ്ട്. പുതിയ ജീവിതത്തിൽ കടപ്പാട് ദൈവം, ഭര്‍ത്താവ്, മക്കള്‍, അച്ഛനനമ്മാര്‍, സബ്സ്ക്രൈബേഴ്സ് ഇവരോടാണ് എന്നും വീണ പറഞ്ഞിട്ടുണ്ട്.

തൃശൂർ ഇരിങ്ങാലക്കുട സെന്‍റ് ജോസഫ്സ് കോളെജില്‍ നിന്ന് പ്രീഡിഗ്രി കഴിഞ്ഞ് ദിണ്ടിഗലിലെ ആര്‍വിഎസ് കോളെജ് ഓഫ് എന്‍ജിനീയറിങ്ങില്‍ ഇലക്ട്രോണിക്സ് ആന്‍ഡ് ടെലികമ്യൂണിക്കേഷന്‍ പഠിക്കുന്ന സമയത്താണ് പാചകവും പഠിച്ചതെന്നു വീണ മുൻപ് പറഞ്ഞിട്ടുണ്ട്. അതിനും വളരെ മുമ്പ് തന്നെ താൻ ചെറിയ പാചക പരീക്ഷണങ്ങള്‍ തുടങ്ങിയിരുന്നതായി താരം മുൻപ് വ്യക്തമാക്കിയിട്ടുണ്ട്.

പ്രവാസിയായ വീട്ടമ്മയാണ് വീണ. ഭർത്താവ് ജാൻ ഓഫീസിലും, മകൻ സ്‌കൂളിൽ പോയി കഴിഞ്ഞാൽ കിട്ടുന്ന സമയം ആണ് വീണ ആദ്യകാലങ്ങളിൽ കുക്കിങ്ങിനായി മാറ്റി വച്ചത്. കൂട്ടുകാരിയും ഭർത്താവും നൽകിയ ഇൻസ്പിരേഷൻ കൊണ്ടാണ് താൻ ഒരു യൂ ട്യൂബ് ചാനൽ തുടങ്ങിയതെന്നും വീണ വ്യക്തമാക്കിയിട്ടുണ്ട്. ആദ്യകാലങ്ങളിൽ ബ്ലോഗ് ആയിരുന്നു. പിന്നെയാണ് വ്‌ളോഗിംഗിലേക്ക് മാറിയതെന്നും ആദ്യമായി 13,000 രൂപയായിരുന്നു വരുമാനം പിന്നീടാണ് ഇന്നത്തെ വീണാസ് കറി വേൾഡായി മാറിയത്.