നിശ്ചയത്തിന് ശേഷം പിന്മാറാന്‍ ആലോചിച്ച ബന്ധം, ഇന്ന് ആദ്യത്തെ വിവാഹ വാര്‍ഷികം ആഘോഷിച്ച് ദേവികയും വിജയ് യും

ഗായകന്‍ എന്ന നിലയില്‍ വിജയ് മാധവും നയിക, അവതാരിക എന്നീ നിലകളില്‍ ദേവിക നമ്പ്യാരും പ്രേക്ഷകര്‍ക്ക് ഏറെ പരിചിതരായിരുന്നു. ഇപ്പോള്‍ ഇരുവരുടെയും ജോഡി പൊരുത്തത്തെ കുറിച്ചുള്ള വിശേഷങ്ങളാണ് സോഷ്യല്‍ മീഡിയയില്‍ നിറയുന്നത്. ഇന്ന്, ജനുവരി 22 ന് ദേവികയുടെയും വിജയ് യുടെയും ആദ്യത്തെ വിവാഹ വാര്‍ഷികമാണ്. 2022 ജനുവരി 22 ന് ഗുരുവായൂര്‍ അമ്പല നടയില്‍ വച്ചായിരുന്നു ദേവികയുടെയും വിജയ് യുടെയും വിവാഹം.

വിവാഹ വാര്‍ഷകത്തോട് അനുബദ്ധിച്ച് വിവാഹ വീഡിയോ പങ്കുവച്ചുകൊണ്ട് വിജയ് മാധവ് ഇന്‍സ്റ്റഗ്രാമില്‍ എത്തി. ജീവിതത്തില്‍ എടുത്ത ഏറ്റവും മികച്ച തീരുമാനമാണ് വിവാഹം, അത് എന്നും മുന്നോട്ട് അങ്ങനെ തന്നെ പോവാന്‍ പ്രാര്‍ത്ഥിയ്ക്കുന്നു എന്ന് പറഞ്ഞുകൊണ്ടാണ് വിജയ് യുടെ ഇന്‍സ്റ്റ പോസ്റ്റ്.

ഈ സാഹചര്യത്തിലാണ് മുന്‍പ് തങ്ങളുടെ പ്രണയത്തെ കുറിച്ച് ദേവിക റെഡ് കാര്‍പെറ്റ് എന്ന ഷോയില്‍ സംസാരിച്ച കാര്യങ്ങള്‍ വൈറലാവുന്നത്. ഒട്ടും റൊമാന്റിക് അല്ലാത്ത സീരിയസ് പ്രണയമായിരുന്നു തങ്ങളുടേത് എന്നാണ് ദേവിക പറഞ്ഞത്. താന്‍ പ്രതീക്ഷിയ്ക്കുന്നത് പോലെ ഒരു ഭര്‍ത്താവ് ആകാന്‍ എനിക്ക് സാധിയ്ക്കില്ല എന്ന് പല തവണ വിജയ് പറഞ്ഞിട്ടുണ്ടായിരുന്നുവത്രെ.

എന്തിനേറെ വിവാഹ നിശ്ചയത്തിന് ശേഷം പോലും വിവാഹത്തില്‍ നിന്നും പിന്മാറാം എന്ന് പറഞ്ഞ ആളാണ് വിജയ്. ആ വിജയ് ആണ് ഇപ്പോള്‍ പറയുന്നത് വിവാഹം കഴിച്ചത് താന്‍ ജീവിതത്തില്‍ എടുത്ത ഏറ്റവും മികച്ച തീരുമാനമാണ് എന്ന്. എന്ത് തന്നെയായാലും തങ്ങളുടെ ഹാപ്പി മാരീഡ് ലൈഫിലെ വിശേഷങ്ങള്‍ രണ്ട് പേരും സോഷ്യല്‍ മീഡിയയിലൂടെ പങ്കുവയ്ക്കാറുണ്ട്. ആദ്യത്തെ കണ്മണിയ്ക്ക് വേണ്ടിയുള്ള കാത്തിരിപ്പിലാണ് ഇപ്പോള്‍ താര ദമ്പതികള്‍.