അവസാന നിമിഷം ദേവിക ചതിച്ചു; പുതിയ വീഡിയോയുമായി വിജയ് മാധവ്

സോഷ്യല്‍ മീഡിയയില്‍ വളരെ അധികം സജീവമായ താരദമ്പതികളാണ് വിജയ് മാധവും ദേവിക നമ്പ്യാരും. പാട്ടും പാചകവുമായി ആരാധകര്‍ക്ക് മുന്‍പില്‍ സ്ഥിരം എത്തും. വിജയ് യുടെ പാട്ടും ദേവികയുടെ പാചകവും എന്ന് പറയുന്നതാവും ശരി. എന്നാല്‍ അടുത്ത കാലത്ത് അതില്‍ ചെറിയ വ്യത്യാസം ഉണ്ട്, പാട്ടിന്റെ ലോകത്തേക്ക് ദേവികയും ഇറങ്ങി. അപ്പോള്‍ പാചകത്തിലേക്ക് വിജയ് യും ഇറങ്ങണമല്ലോ. ഇറങ്ങി!

എന്നും ദേവിക വ്യത്യസ്തമായ ഓരോന്ന് പാചകം ചെയ്യുകയും അത് വിജയ് ക്യാമറയില്‍ ആക്കുന്നതും ആണ് കാണാറുള്ളത്. വീഡിയോ എടുക്കുന്നതിന് ഇടയില്‍ വിജയ് യുടെ കൗണ്ടറുകളും ഉണ്ടാവും. ഇന്ന് അവസാന നിമിഷം ദേവിക കാലുമാറി. ചതിച്ചു എന്നാണ് വിജയ് പറഞ്ഞത്. ക്യാമറ ഞാന്‍ എടുത്തോളം, ഇന്ന് മാഷ് പാചകം ചെയ്യൂ എന്ന് പറഞ്ഞപ്പോള്‍ വിജയ്ക്ക് പിന്മാറാന്‍ കഴിഞ്ഞില്ല.

'നായിക ചതിച്ചു, ഞാന്‍ തന്നെ അടിച്ചു കുടിച്ചു' എന്ന തംപ്‌നെയിലോടുകൂടെയാണ് വീഡിയോ പങ്കുവച്ചിരിയ്ക്കുന്നത്. ഒരു ബനാന സ്മൂത്തി ഉണ്ടാക്കുന്നതാണ് വീഡിയോ. ലഞ്ച് സ്‌കിപ് ചെയ്യുമ്പോള്‍ പൊതുവെ താന്‍ കഴിക്കുന്നത് ഇതാണെന്ന് വിജയ് പറയുന്നു. പലരും ബ്രേക്ക് ഫാസ്റ്റ് ആയും, ഡിന്നറായും ഇത് കഴിക്കാറുണ്ട്. ഹെല്‍തിയാണ്. ബനാനയ്ക്ക് പകരം ആപ്പിളും സ്‌ട്രോബറിയും ട്രൈ ചെയ്യാമത്രെ.

എന്തായാലും തേനും പഴവും ബദാമും, ഓട്‌സും ഒക്കെ മിക്‌സ് ചെയ്‌തൊരു സ്മൂത്തിയാണ് പ്രിപ്പെയര്‍ ചെയ്യുന്നത്. വിവാഹ ശേഷം ഒരു ചായ അല്ലാതെ ഒന്നും ദേവികയ്ക്ക് ഉണ്ടാക്കി നല്‍കാത്ത വിജയ് ആദ്യമായി ഒരു സ്മൂത്തി ഉണ്ടാക്കുന്നു എന്ന പ്രത്യേകതയും വീഡിയോയ്ക്ക് ഉണ്ടത്രെ. സ്മൂത്തി ടെയ്‌സ്റ്റ് ചെയ്യാന്‍ പോലും ദേവിക ക്യാമറയ്ക്ക് മുന്നില്‍ വന്നില്ല. ക്യാമറയ്ക്ക് പിന്നില്‍ നിന്ന് വാചകം അടിക്കുന്നതാണ് തനിക്ക് ശീലം, പാചകം അത്ര പോരാത്തത് കൊണ്ട് അതിന്റെ മ്ലാനത മുഖത്തുണ്ട് എന്ന് വിജയ് പറയുന്നു