തേജസേട്ടനൊപ്പം നില്‍ക്കേണ്ടതല്ലേ! കല്യാണപ്പെണ്ണായി അണിഞ്ഞൊരുങ്ങും മുന്‍പുള്ള തയ്യാറെടുപ്പുകളെക്കുറിച്ച് മാളവിക കൃഷ്ണദാസ്‌

കല്യാണ ഒരുക്കങ്ങളെക്കുറിച്ചെല്ലാം മാളവിക കൃഷ്ണദാസ് വീഡിയോ ചെയ്യുന്നുണ്ട്. ചാനലിലൂടെ പങ്കിടുന്ന വീഡിയോകളെല്ലാം പെട്ടെന്ന് തന്നെ വൈറലായി മാറാറുണ്ട്. ആഭരണങ്ങളും സാരികളുമെല്ലാം വാങ്ങിയതിനെക്കുറിച്ച്് പറഞ്ഞുള്ള വീഡിയോ വൈറലായിരുന്നു. ഇപ്പോഴിതാ ചെരിപ്പും മൂക്കുത്തിയും പാദസരവും ഒഡ്യാണവും മറ്റ് സാധനങ്ങനങ്ങളുമൊക്കെ വാങ്ങിയതിനെക്കുറിച്ച് പറഞ്ഞുള്ള വീഡിയോ വൈറലായിക്കൊണ്ടിരിക്കുകയാണ്. സ്‌റ്റൈലിസ്റ്റായ ശബരിക്കൊപ്പമായാണ് മാളവിക പര്‍ച്ചേസിന് പോയത്. തേജസേട്ടനൊപ്പം നില്‍ക്കുമ്പോള്‍ കുറച്ചൂടെ ഹൈയ്റ്റ് വേണ്ടേ എന്നായിരുന്നു ചെരിപ്പ് തിരഞ്ഞെടുക്കുമ്പോള്‍ മാളവിക ചോദിച്ചത്. മാല ഇടുമ്പോള്‍ തല വെട്ടിക്കില്ലേ, അതുപോലെ ചെയ്താലോ എന്ന് ചോദിച്ചപ്പോള്‍ അമ്മ റിജക്റ്റ് ചെയ്‌തെന്നായിരുന്നു മാളവിക പറഞ്ഞത്. കല്യാണത്തിനും സംഗീതിനുമൊക്കെയുള്ള ചെരിപ്പുകളായിരുന്നു മാളവിക വാങ്ങിയത്.
മാളവികയുടെ ഇഷ്ടം കൂടി പരിഗണിച്ചായിരുന്നു ശബരി സാധനങ്ങള്‍ വാങ്ങിയത്. മൂന്ന് സാരിക്ക് അനുയോജ്യമായ രീതിയില്‍ ഹെയര്‍ സ്‌റ്റൈല്‍ സെറ്റ് ചെയ്തിരുന്നു. ഷോപ്പിംഗ് മുഴുവനായിട്ട് കഴിഞ്ഞിട്ടില്ല. റിസപക്ഷന് ഗൗണാണ് മേടിച്ചതെന്നും മാളവിക പറഞ്ഞിരുന്നു. ഇനിയുള്ള വിശേഷങ്ങളും ഞാന്‍ ചാനലിലൂടെ തന്നെ പങ്കിടുമെന്നും മാളവിക വ്യക്തമാക്കിയിരുന്നു. നിരവധി പേരായിരുന്നു വീഡിയോയുടെ താഴെ കമന്റുകളുമായെത്തിയത്. ഞങ്ങളും ആ ദിവസത്തിനായി കാത്തിരിക്കുകയാണ്, ഓവറായി മേക്കപ്പ് ചെയ്ത് കുളമാക്കരുത്, മാളു അല്ലാതെ തന്നെ സുന്ദരിയാണെന്നായിരുന്നു കമന്റുകള്‍.
Also Watch
നായികനായകനിലെ സഹമത്സരാര്‍ത്ഥിയായ തേജസ് ജ്യോതിയാണ് മാളവികയെ ജീവിതസഖിയാക്കുന്നത്്. ജാതകം നോക്കിയതിന് ശേഷമാണ് വിവാഹം തീരുമാനിച്ചത്. ഇത് പ്രണയവിവാഹമല്ലെന്നും തേജസേട്ടന്‍ ഇഷ്ടം പറഞ്ഞപ്പോള്‍ വീട്ടുകാര്‍ മുഖേന ആലോചിക്കാനാണ് താന്‍ പറഞ്ഞതെന്നും മാളവിക വ്യക്തമാക്കിയിരുന്നു. സഹോദരനെപ്പോലെയായാണ് ചേട്ടനെ കാണുന്നതെന്ന മാളുവിന്റെ മറുപടി ആദ്യം തളര്‍ത്തിയെന്ന് തേജസ് പറഞ്ഞിരുന്നു. സൗഹൃദം മുന്നോട്ട് പോവുന്നതിനിടയിലാണ് വീണ്ടും വിവാഹത്തെക്കുറിച്ച് സംസാരിച്ചതെന്ന് തേജസും വ്യക്തമാക്കിയിരുന്നു. കുടുംബക്കാര്‍ക്കൊപ്പമായി മാളുവും തേജസിന്റെ വീട് കാണാനായി പോയിരുന്നു.