അക്കാര്യത്തില്‍ തീരുമാനം ആയി, ഇനി സനുഷയോട് ആരും കല്യാണത്തെ കുറിച്ച് ചോദിക്കേണ്ട, സനുഷ സന്തോഷ് ഒരിക്കലും കല്യാണം കഴിക്കില്ല എന്ന് പ്രവചനം, അത് തിരുത്താന്‍ വന്ന ആളോട് സനുഷ പറഞ്ഞ മറുപടി

സനുഷ സന്തോഷ് പങ്കുവച്ച ഏറ്റവും പുതിയ റീല്‍ വീഡിയോയില്‍ ആണ് ഒരിക്കലും കല്യാണം കഴിക്കില്ല എന്ന് പറയുന്നത്. 'ഞാന്‍ എപ്പോള്‍ കല്യാണം കഴിക്കും' എന്ന ചോദ്യത്തിന് ഇന്‍സ്റ്റഗ്രാം നല്‍കുന്ന ഉത്തരം 'ഒരിക്കലും അത് സംഭവിയ്ക്കില്ല' എന്നാണ്. അപ്പോഴുള്ള സനുഷയുടെ മുഖഭാവമാണ് രസകരം.

'അപ്പോള്‍ ആ കാര്യത്തില്‍ ഇന്‍സ്റ്റഗ്രാം ഒരു തീരുമാനം ആക്കി തന്നു' എന്ന് പറഞ്ഞുകൊണ്ടാണ് സനുഷ വീഡിയോ പങ്കുവച്ചിരിയ്ക്കുന്നത്. ലോല ലോല എന്ന ബാക്ക്ഗ്രൗണ്ട് മ്യൂസിക്കോടു കൂടെയാണ് വീഡിയോ വന്നിരിയ്ക്കുന്നത്. ഇന്‍സ്റ്റഗ്രാമിന്റെ ഈ തീരുമാനം കേട്ട് സനുഷയുടെ 'ലോല ഹൃദയം' തകര്‍ന്നു എന്ന് തോന്നുന്നു.

രസകരമായ കമന്റുകളാണ് വീഡിയോയ്ക്ക് താഴെ വരുന്നത്. ചിലര്‍ വളരെ ഗൗരവമായി സനുഷയെ ഉപദേശിക്കുന്നവര്‍ ഉണ്ട്, 'കല്യാണം കഴിക്കരുത് കേട്ടോ, ഇതുപോലെ എന്നും ഹാപ്പിയായി , സ്വാതന്ത്രത്തോടെ ഇരിക്കുന്നത് തന്നെയാണ് നല്ലത്' എന്ന് ഒരു കൂട്ടര്‍ പറയുമ്പോള്‍ മറ്റൊരാള്‍ പറയുന്നത്, ഒരു ചെറുക്കന്‍ രക്ഷപ്പെട്ടു എന്നാണ്.

കമന്റുകള്‍ക്ക് സനുഷ മറുപടി കൂടെ നല്‍കുന്നതോടെയാണ് ആ പോസ്റ്റ് തമാശയുള്ളത് ആവുന്നത്. ചെറുക്കന്‍ രക്ഷപ്പെട്ടു എന്ന് പറഞ്ഞപ്പോള്‍, നീ വേണ്ട എന്ന് പറഞ്ഞ് ഇടിയ്ക്കുന്ന ഇമോജിയിട്ടു. ഈ പറഞ്ഞത് നമുക്ക് അങ്ങ് തിരുത്തിയാലോ എന്ന് ചോദിച്ചയാളോട്, ഓ വേണ്ടാന്നേ എന്നാണ് സനുഷയുടെ മറുപടി. നാല് തവണ നോക്കിയിട്ടും ഇങ്ങനെ തന്നെയാണ് വന്നത്, അത് കൂടെ ഇടാനുള്ള അവസ്ഥ ഇല്ലാത്തത് കൊണ്ടാണ് ഇവിടെ പോസ്റ്റ് ചെയ്യാത്തത് എന്ന് ഒരു കമന്റിന് മറുപടിയായി സനുഷ പറഞ്ഞു