വ്യക്തത വരുത്താന് സമയമായി
അവസാന ഭാഗം വീണ്ടും വീണ്ടും വായിച്ചു നോക്കാതെ ജീവിതത്തിന്റെ അടുത്ത ഘട്ടം തുടങ്ങാന് സാധിയ്ക്കില്ല എന്ന ക്വാട്ടിന് ഒപ്പമാണ് വേര്പിരിഞ്ഞു എന്ന കാര്യം അമന് പറയുന്നത്. എന്റെ വിവാഹ മോചനത്തെ കുറിച്ചുള്ള കിംവദന്തികള് പ്രചരിച്ചുകൊണ്ടിരിയ്ക്കുന്ന ഈ സമയത്ത്, അതിനൊരു വ്യക്തത വരുത്തേണ്ട സമയമായി. മറ്റ് പല കഥകളും മെനയുന്നതിന് ഇടയില് ഈ വിശദീകരണം ആവശ്യമാണ് - അമന് പറഞ്ഞു തുടങ്ങി.
വേര്പിരിഞ്ഞു
അതെ ഞങ്ങള് വേര്പിരിഞ്ഞു, പക്ഷെ വിവാഹ മോചിതരായിട്ടില്ല. മകന് വേണ്ടി ഞങ്ങള് അത് ചെയ്യുന്നില്ല. ഒരു അച്ഛന് എന്ന നിലയിലുള്ള എന്റെ ഉത്തരവാദിത്വങ്ങളില് നിന്ന് ഒഴിഞ്ഞു മാറാന് എനിക്ക് കഴിയില്ല. അതുകൊണ്ട് അവന് വേണ്ടി എപ്പോഴും ഞാന് ഉണ്ടാവും. എന്നാല് ഞങ്ങള് വേര്പിരിഞ്ഞു - അമന് വ്യക്തമാക്കി.
ഞങ്ങളെ മനസ്സിലാക്കണം
ഈ ഒരു അവസ്ഥയിലൂടെ കടന്ന് പോകുക എന്നാല് അത്ര എളുപ്പമുള്ള കാര്യമല്ല. ജീവിതം ചിലപ്പോള് ബുദ്ധിമുട്ടുള്ളതാണ്. പക്ഷെ നമ്മള് ശക്തമായി നിലകൊണ്ടേ പറ്റൂ. അതിനാല് ഈ സാഹചര്യം മനസ്സിലാക്കി പിന്തുണയ്ക്കണം എന്ന് എല്ലാ സുഹൃത്തുക്കളോടും കുടുംബാംഗങ്ങളോടും അഭ്യര്ത്ഥിയ്ക്കുന്നു. -അമന് എഴുതി.
വീണ നായര് പറഞ്ഞത്
വിവാഹ മോചന വാര്ത്തകള് പ്രചരിയ്ക്കുന്നതിന് ഇടയില് ആണ് വീണ നായര് ഫ്ളവേഴ്സ് ഒരു കോടി എന്ന ഷോയില് എത്തിയത്. പ്രചരിയ്ക്കുന്ന വാര്ത്തയെ കുറിച്ച് ചോദിച്ചപ്പോള്, എല്ലാ കുടുംബത്തിലും എന്ന പോലെ ഞങ്ങള്ക്ക് ഇടയിലും പ്രശ്നങ്ങളുണ്ട്, പക്ഷെ വിവാഹ മോചിതരായിട്ടില്ല എന്നാണ് വീണ നായരും പറഞ്ഞത്. ആ വിഷയത്തെ കുറിച്ച് അധികം സംസാരിക്കാനും നടി തയ്യാറായിരുന്നില്ല.
വീണ്ടും ഒന്നിച്ചു എന്ന വാര്ത്തകള്ക്ക് ഇടയില്
വീണയുടെ ആ പ്രതികരണത്തോടെ വിവാഹ മോചന ഗോസിപ്പുകള് അവസാനിച്ചിരുന്നു. അതിനിടയില് ആണ് മകന് അമ്പാടിയുടെ സ്കൂളിലെ പരിപാടിയ്ക്ക് ഇരുവരും ഒന്നിച്ച് എത്തിയ ഫോട്ടോകളും വീഡിയോകളും വൈറലായത്. അതോടെ വീണ വിവാഹ മോചിതയായിട്ടില്ല എന്ന നിലയില് വാര്ത്തകള് പുറത്ത് വന്നു. എന്നാല് അത് എല്ലാം തള്ളിക്കൊണ്ട് ആണ് ഇപ്പോള് അമന്റെ പ്രതികരണം.