ടിക് ടോക്കിലൂടെയാണ് തുടക്കം
ഒരു വർഷമായി താൻ വീഡിയോ ക്രിയേറ്റിങ്ങിലേക്ക് തിരിഞ്ഞിട്ടെന്ന് പറയുകയാണ് നീതു. ടിക് ടോക്കിലൂടെയാണ് തുടക്കം കുറിക്കുന്നത്. ഒരു മദേഴ്സ് ഡേയുടെ അന്നാണ് വീഡിയോ പോസ്റ്റ് ചെയ്യുന്നതെന്നും നീതു സുബി സുരേഷിനോട് പറയുന്നു. അതെന്റെ വോയിസിൽ ആയിരുന്നു ആ വീഡിയോ ചെയ്തതും. അത് ക്ലിക്കായി അങ്ങനെ തനിക്ക് കോൺഫിഡൻസ് ആയി എന്നും നീതു പറയുന്നു. അപ്പോഴാണ് തന്റെ സ്വന്തം വോയിസും കാര്യങ്ങളും ആണ് ആളുകൾക്ക് ഇഷ്ടമെന്ന് മനസിലാകുന്നത്.
കാഴ്ചക്കാരെ കിട്ടിയത്
ആദ്യമൊക്കെ വീഡിയോ ചെയ്തപ്പോൾ വീട്ടിൽ വഴക്ക് പറയുമായിരുന്നു ഇതിനിടയിലാണ് ടിക് ടോക് നിർത്തുന്നത്. ഇനി എന്ത് ചെയ്യും എന്ന് ആലോചിച്ചിരിക്കുമ്പഴാണ് യൂ ട്യൂബ് തുടങ്ങുന്നത്. ആദ്യമൊന്നും റീച്ച് ഉണ്ടായിരുന്നില്ലെങ്കിലും പിന്നെ പയ്യെ പയ്യെ കാഴ്ചക്കാരെ കിട്ടിയെന്നും നീതു പറയുന്നു. എയർ ഫോഴ്സ് ജീവനക്കാരൻ ജിതേഷ് ആണ് നീതുവിന്റെ ഭർത്താവ്.
ഭർത്താവിന്റെ പിന്തുണയും
ഭർത്താവിന്റെ അമ്മയാണ് ഏറ്റവും കൂടുതൽ തന്നെ പിന്തുണക്കുന്നതെന്നും ഭർത്താവിന്റെ പിന്തുണയും ഒപ്പമുള്ളതുകൊണ്ടാണ് വീഡിയോ തനിക്ക് ചെയ്യാൻ കഴിഞ്ഞതെന്നും നീതു പറയുന്നു. ഭർത്താവ് വീഡിയോയിൽ വരാറില്ലെന്നും ഇതിനെ കുറിച്ച് തന്റെ ആരാധകർ പരിഭവം പറയുന്ന കാര്യങ്ങളെക്കുറിച്ചും നീതു സുബിയോട് വാചാലയായി. ഏക മകനാണു നീതുവിന്. വീഡിയോയിലൂടെ നീതുവിന്റെ കുടുംബത്തെയും സുബി പരിചയപ്പെടുത്തുന്നുണ്ട്.
സ്ക്രിപ്റ്റ് റൈറ്റ് ഒന്നും ഇല്ല
കുടുംബവുമായി ബന്ധപ്പെട്ട കാര്യങ്ങളാണ് തനിക്ക് കൂടുതൽ ചെയ്യാൻ താത്പര്യമെന്നും സ്ക്രിപ്റ്റ് റൈറ്റ് ഒന്നും ഇല്ലെന്നും തനിക്ക് സ്വന്തം തോന്നുന്ന കാര്യങ്ങളാണ് താൻ ചെയ്യുന്നതെന്നും നീതു പറയുന്നു. സ്വന്തം അമ്മായിഅമ്മ പാവം ആണെങ്കിലും ടെറർ അമ്മായി അമ്മമാരുടെ സ്വഭാവം തനിക്ക് അറിയാമല്ലോ. അതൊക്കെയാണ് അമ്മായമ്മമാരുടെ തീമിലേക്ക് എത്താൻ കാരണമെന്നും നീതു പറയുന്നു. 25 ടൈപ്പ് അമ്മായി അമ്മമാർ ഉണ്ടെന്നും നീതു പറയുമ്പോൾ സുബി പൊട്ടിച്ചിരിക്കുന്നതും കാണാൻ കഴിയും.
ഇവിടേക്ക് എത്തിച്ചത്
റിയലിസ്റ്റിക് ആയ വീഡിയോസാണ് നീതു ചെയ്യുന്നത് അതുതന്നെയാണ് തന്നെ ഇവിടേക്ക് എത്തിച്ചത് എന്നും സുബി പറയുന്നു. കലാപരമായ ഒരു കഴിവ് തനിക്ക് മുൻപേ ഇല്ലെന്നു നീതു പറയുമ്പോൾ, ഇത്രയും റിയലിസ്റ്റിക് ആയി ചെയ്യുന്നത് എടുത്തുപറയേണ്ട കാര്യമാണ് എന്നും സുബി പറയുന്നു. ആദ്യമേ തന്നെ മോണിറ്റൈസ് ആയെന്നും അത് ഒരുപാട് സന്തോഷമായെന്നും നീതു പറയുന്നു.
ഇപ്പോൾ വരുമാനമായി
ചെറിയ രീതിയിൽ തുടങ്ങിയതാണ് എങ്കിലും ഇപ്പോൾ നല്ല വരുമാനം കിട്ടുന്നുണ്ട് എന്നും നീതു സുബിയുടെ ചോദ്യത്തിനോട് പ്രതികരിക്കുന്നു. ആ വരുമാനം കൊണ്ട് എന്തൊക്കെ വാങ്ങി എന്ന് സുബി നീതുവിനോട് ചോദിക്കുമ്പോൾ മകന്റെ പിറന്നാളിന് ഒരു കൈ ചെയിൻ വാങ്ങി, സൈക്കിൾ ഒക്കെ കൊടുക്കാൻ കഴിഞ്ഞു. ഞാനൊരു ഹൗസ് വൈഫാണ്. അപ്പോൾ ആദ്യമൊക്കെ ചെറിയ ഗിഫ്റ്റുകൾ ആയിരുന്നു സമ്മാനം നൽകാൻ സാധിച്ചിരുന്നത് എങ്കിൽ ഇപ്പോൾ അതിൽ മാറ്റം വന്നു. പിന്നെ ചേട്ടന് ഒരു കാറൊക്കെ വാങ്ങി കൊടുക്കാൻ കഴിഞ്ഞുവെന്നും കൃത്രിമത്വം ഒന്നും ഇല്ലാതെ നീതു പറയുന്നു.