ഒരു ഭര്‍ത്താവും ഭാര്യക്ക് ഇതുവരെ കൊടുത്തിട്ടില്ലാത്ത സമ്മാനം! മൃദുലയെ ഞെട്ടിച്ച് യുവയുടെ സര്‍പ്രൈസ്‌

മൃദ്വ വ്‌ളോഗ്‌സിലൂടെയായി തങ്ങളുടെ കാര്യങ്ങളെല്ലാം പങ്കിടാറുണ്ട് യുവ കൃഷ്ണയും മൃദുല വിജയും. ഇവരുടെ മകളായ ധ്വനി ബേബിയും പ്രേക്ഷകര്‍ക്ക് പരിചിതരാണ്. തുമ്പപ്പൂ എന്ന പരമ്പരയില്‍ അഭിനയിച്ച് വരുന്നതിനിടയിലായിരുന്നു മൃദുല അഭിനയത്തില്‍ നിന്നും ബ്രേക്കെടുത്തത്. അധികം വൈകാതെ തന്നെ താന്‍ തിരികെ എത്തുമെന്ന് അന്ന് മൃദുല ഉറപ്പ് നല്‍കിയിരുന്നു. ധ്വനി ബേബിയുടെ വരവിന് ശേഷമായി വീണ്ടും സജീവമായിരിക്കുകയാണ് മൃദുല. ഇത്തവണ മൃദുലയ്‌ക്കൊപ്പം ഷൂട്ടിനായി ധ്വനിയും മൃദുലയുടെ അമ്മയും പോവുന്നുണ്ട്. അടുത്തിടെയായിരുന്നു ധ്വനി ബേബിയുടെ ചോറൂണ്‍ ചടങ്ങ് നടത്തിയത്. ഇപ്പോഴിതാ വാലന്റൈന്‍സ് ഡേ എങ്ങനെയാണ് ആഘോഷിച്ചതെന്ന് പറഞ്ഞെത്തിയിരിക്കുകയാണ് യുവ കൃഷ്ണ. വാലന്റൈന്‍സ് ഡേയ്ക്ക് വീഡിയോ എടുക്കാനായില്ല. അന്ന് ഞങ്ങളൊന്നിച്ചുണ്ടായിരുന്നില്ല. വാവയുടെ ചോറൂണൊക്കെയായി തിരക്കിലായിപ്പോയിരുന്നു. ജീവിതത്തില്‍ എപ്പോഴും പ്രേമിച്ചിരിക്കണമെന്ന് ആഗ്രഹിക്കുന്നയാളാണ് ഞാന്‍. ഒരു ഭാര്യയ്ക്കും ഒരു ഭര്‍ത്താവും കൊടുക്കാത്ത സര്‍പ്രൈസാണ് കൊടുക്കാന്‍ പോവുന്നതെന്നും യുവ പറഞ്ഞിരുന്നു.
എന്‍ഗേജ്‌മെന്റ് കഴിഞ്ഞുള്ള വാലന്റൈന്‍സ് ഡേയ്ക്ക് ഏട്ടന് സര്‍പ്രൈസ് ഗിഫ്റ്റ് കൊടുത്തിരുന്നു. പക്ഷേ, ഏട്ടന്‍ സര്‍പ്രൈസായില്ല. കല്യാണം കഴിഞ്ഞുള്ള വാലന്റൈന്‍സ് ഡേയില്‍ മൂന്ന് മാസമായിരുന്നു എനിക്ക്. അപ്പോള്‍ ഞാന്‍ വീട്ടിലിരിക്കുകയായിരുന്നു. ഇത്തവണത്തേതിന് അന്ന് സര്‍പ്രൈസ് കൊടുക്കാനായില്ല. ഭാര്യയ്ക്കും ഭര്‍ത്താവിനും ഒരുപോലെ ഗുണകരമായ സാധനമാണിത്. ഇത് തന്നെയാണോ ഓര്‍ഡര്‍ ചെയ്തതെന്നായിരുന്നു സമ്മാനം കണ്ടപ്പോള്‍ മൃദുല പറഞ്ഞത്. കപ്പിള്‍ പില്ലോ എന്നാണ് ഇതിന്‍രെ പേര്. ഭര്‍ത്താവിന്റെ കൈയ്യില്‍ ഭാര്യ കിടക്കുമ്പോള്‍ വേദന വരാറില്ലേ, അത് ഒഴിവാക്കാനായി ഉപയോഗിക്കുന്ന പില്ലോ ആണ് ഇത്. ഞാന്‍ കൈയ്യില്‍ കിടക്കുമ്പോള്‍ ആദ്യമൊന്നും ഒന്നും പറയാറില്ലായിരുന്നു. പിന്നെ എന്നെ മാറ്റിക്കിടത്തിയാണ് ഉറങ്ങുന്നത്. നിരവധി പേരാണ് വീഡിയോയ്ക്ക് താഴെയായി കമന്റുകള്‍ രേഖപ്പെടുത്തിയിട്ടുള്ളത്.