ബിസിംഗ'യുടെ അവതാരകനായി ഗോവിന്ദ് പത്മസൂര്യ!

ഗോവിന്ദ് പത്മസൂര്യ വീണ്ടും അവതാരകനാകുന്നു. , സീ കേരളയില്‍ ബിസിംഗയുടെ അവതാരകനാകാൻ ആണ് ജിപി എത്തുന്നത്. മുമ്പ് സീ കേരളയുടെ റിയാലിറ്റി ഷോ ആയ മിസ്റ്റര്‍ ആന്റ് മിസിസ്സില്‍ ഒരു ജഡ്ജായും ജിപി എത്തിയിരുന്നു.


'ബിസിംഗ ഒരു മൊബൈല്‍ ആപ്പ് മുഖേന തത്സമയ പ്രേക്ഷകരെ എന്‍ഗേജ് ചെയ്യിക്കുന്ന ടി.വി.യിലെ അത്തരത്തിലുള്ള ആദ്യ ഷോ ആണ്. ഇത് തത്സമയം കളിക്കാനും വമ്പന്‍ സമ്മാനങ്ങള്‍ നേടാനും ഞങ്ങളുടെ ചാനല്‍ പ്രേക്ഷകരെ പ്രാപ്തമാക്കുന്നതാണ്. ഈ ഷോയിലൂടെ ഞങ്ങളുടെ പ്രേക്ഷകര്‍ക്ക് അവരുടെ സ്വപ്നങ്ങള്‍ സാക്ഷാത്കരിക്കുന്നതിനുള്ള ഒരു വേദി ഞങ്ങളൊരുക്കുകയാണ്, സന്തോഷ് ജെ നായര്‍, സീ കേരളം ബിസിനസ്സ് ഹെഡ്, പറഞ്ഞു.


ബിസിംഗയ്ക്കു വേണ്ടി ഒരു അവതാരകനായി മടങ്ങിയെത്തുന്നതില്‍ തനിക്ക് അതിയായ സന്തോഷമുണ്ട്. ഇതിന്റെ ആശയം സവിശേഷമായതിനാലാണ് ഈ പ്രോജക്ട് ഏറ്റെടുക്കാന്‍ ഞാന്‍ തയ്യാറായത്. എന്റെ കാണികളുമായി ഇടപഴകാനും അവരെ വീണ്ടും ആനന്ദത്തിലാക്കാനും ഞാന്‍ ആവേശപൂര്‍വ്വം കാത്തിരിക്കുന്നതായി പത്മസൂര്യ പറയുന്നു.


''ഈ ഷോ ഓണ്‍ലൈനും ടി.വി. ഫോര്‍മാറ്റുകളും തമ്മിലുള്ള വിടവ് നികത്തുന്നതാണ്. ഈ ഷോ ടി.വി. ഫോര്‍മാറ്റില്‍ കൂടുതല്‍ പ്രേക്ഷകരിലേക്ക് എത്തിച്ചേരുന്നതിനായി മുന്നോട്ടുപോകുന്ന ഞങ്ങളെ സംബന്ധിച്ചിടത്തോളം ഒരു കുതിച്ചുചാട്ടമാണ്. ജി.പി. ഒരു മികച്ച അവതാരകനാണ്. അദ്ദേഹത്തിന്റെ സാന്നിദ്ധ്യം ഷോയ്ക്ക് സൃഷ്ടിപരവും അതുപോലെതന്നെ വിനോദപരവുമായ മാനം വര്‍ദ്ധിപ്പിക്കുന്നതാണ്. ആകര്‍ഷകമായ വ്യക്തിത്വത്തിനുടമയായ അദ്ദേഹത്തിന്റെ അവതാരകന്‍ എന്ന രീതിയിലുള്ള സാന്നിദ്ധ്യം ഞങ്ങള്‍ ലക്ഷ്യമിട്ടിരിക്കുന്ന നേട്ടം കൈവരിക്കാന്‍ ഞങ്ങളെ സഹായിക്കുന്നതാണ്. അദ്ദേഹത്തെ ഈ ഷോയുടെ അവതാരകനായി ലഭിച്ചതില്‍ ഞങ്ങള്‍ക്ക് അതിയായ സന്തോഷമുണ്ട്,'' ബിസിംഗയില്‍ നിന്നുള്ള പീയൂഷ് രാജ്ഗാര്‍ഹിയ പറഞ്ഞു.

തമിഴിലെയും (കീ) തെലുങ്കിലെയും (വൈകുന്തപുരമുലൂ) അദ്ദേഹത്തിന്റെ ജിപിയുടെ അരങ്ങേറ്റ പ്രോജക്ടുകളും പ്രശംസ പിടിച്ചുപറ്റിയിരുന്നു. അഭിനയത്തിനു പുറമേ, നിരവധി ടി.വി. പരിപാടികളുടെ അവതാരകനായും അദ്ദേഹം പ്രവര്‍ത്തിച്ചിരുന്നു. പരിശീലനം സിദ്ധിച്ച ഒരു കര്‍ണാടിക് സംഗീതജ്ഞന്‍ എന്ന നിലയില്‍ നിര്‍മന എന്ന സംഗീത ആല്‍ബത്തിലൂടെ അദ്ദേഹം ഗാനരംഗത്തും ചുവടുവച്ചിട്ടുണ്ട്. ഈ ഷോ 2021 ഓഗസ്റ്റ് 7ന് വൈകുന്നേരം 6 മണി മുതല്‍ സീ കേരളയില്‍ സംപ്രേക്ഷണം ചെയ്തു തുടങ്ങുന്നതാണ്.