ചന്ദനയുടെ മരണം; ദിനേശ് പിടിയിലായി!

ദിനേശ് വിവാഹത്തിൽ നിന്ന് പിൻമാറിയതിൽ മനംനൊന്ത് ആണ് ചന്ദന ആത്മഹത്യ ചെയ്തത്. കർണാടക സ്വദേശിയായ ചന്ദനക്ക് 29 വയസ്സായിരുന്നു. ഇവർ വിഷം കഴിക്കുന്ന വീഡിയോ സമൂഹമാധ്യമങ്ങളിൽ വൈറൽ ആയിരുന്നു. വീഡിയോ കണ്ട ഉടൻ തന്നെ ചന്ദന താമസിക്കുന്ന വീട്ടിലെത്തി മാതാപിതാക്കളും സുഹൃത്തുക്കളും അവരെ രക്ഷിക്കാൻ ശ്രമിച്ചുവെങ്കിലും ചികിത്സയിലിരിക്കെയാണ് മരണമടഞ്ഞു.

തന്റെ മരണത്തിന് ഉത്തരവാദി കാമുകനാണെന്നും 5 ലക്ഷത്തോളം രൂപ തന്നിൽ നിന്ന് പലപ്പോഴായി വാങ്ങി ഒടുവിൽ വിവാഹം കഴിക്കാൻ ആവശ്യപ്പെട്ടപ്പോൾ വിസമ്മതിച്ചുവെന്നും ചന്ദന മരണത്തിനു മുൻപേ ആരോപിച്ചു.

ചന്ദനയുടെ മരണവുമായി ബന്ധപെട്ടു കാമുകൻ ദിനേശ് അറസ്റ്റിലായ വിവരം കഴിഞ്ഞദിവസമാണ് പുറത്തുവരുന്നത്. ചന്ദനയുടെ മരണത്തിനു പിന്നാലെ ഇയാൾ ഒളിവിൽ ആയിരുന്നു. പ്രേരണാ കുറ്റത്തിന് ദിനേശിനെതിരേ കേസ് എടുത്തിട്ടുണ്ട്.

അഞ്ച് വർഷം മുമ്പാണ് ചന്ദന ദിനേശിനെ കണ്ടുമുട്ടുന്നത്. പിന്നീട് ഇരുവരും പ്രണയത്തിൽ ആവുകയായിരുന്നു. ദിനേശ് ആദ്യം ചന്ദനയെ വിവാഹം കഴിക്കാൻ സമ്മതിച്ചെങ്കിലും പിന്നീട് താരത്തെ വഞ്ചിച്ചുവെന്ന് ബന്ധുക്കൾ പറയുന്നു. ഇരുവരും തമ്മിലുള്ള വിവാഹം ചർച്ച ചെയ്യാൻ ചന്ദനയുടെ മാതാപിതാക്കൾ ദിനേശിന്റെ മാതാപിതാക്കളെ സമീപിച്ചപ്പോൾ, അവർ നടിയുടെ സ്വഭാവത്തെ ചോദ്യം ചെയ്യുകയും വിവാഹവുമായി മുന്നോട്ട് പോകാൻ വിസമ്മതിക്കുകയും ആയിരുന്നതായും റിപ്പോർട്ടുണ്ട്.