തന്റെ പേരിൽ വ്യാജ ഐഡി; ദയവായി ചതിക്കപ്പെടരുതെന്ന് പ്രവീണ!

സിനിമ സീരിയൽ താരങ്ങളുടെ പേരിൽ വ്യാജ സോഷ്യൽ മീഡിയ ഐഡികൾ ഉണ്ടാകുന്നത് സർവ്വസാധാരണമാണ്. ഇപ്പോൾ തന്റെ പേരിൽ ആരോ നിർമ്മിച്ച വ്യാജ പ്രൊഫൈലിന് എതിരെ രംഗത്ത് വന്നിരിക്കുകയാണ് നടി പ്രവീണ.

സോഷ്യൽ മീഡിയയിലൂടെ അടുത്തിടെയാണ് താരം കൂടുതൽ സജീവമായത്. വ്‌ളോഗർ ആയും പ്രേക്ഷകരുടെ ഇടയിൽ താരമായ പ്രവീണ ഇപ്പോൾ പങ്കിട്ട പോസ്റ്റാണ് ഏറെ വൈറൽ ആകുന്നത്.

തന്റെ പേരിൽ ആരോ തുടങ്ങിയ ഐഡി സഹിതമാണ് താരം പോസ്റ്റ് ചെയ്തത്. എന്നാൽ താൻ ഇപ്പോൾ ഫേസ് ബുക്ക് ഐഡി തന്നെ ഉപേക്ഷിച്ചു എന്നാണ് പ്രവീണ ഇപ്പോൾ സമയം മലയാളത്തോട് പറഞ്ഞത്. തന്റെ പേരിൽ നിരവധി ഫേക്ക് ഐഡികൾ ഉണ്ട് എന്നും അതുകൊണ്ടുതന്നെ നിലവിൽ ഉപയോഗിച്ച് വന്നിരുന്ന ഐഡി ഉപേക്ഷിച്ചതായും പ്രവീണ വ്യക്തമാക്കി. മാത്രമല്ല ഇനി തന്റെ പേരിൽ ഉള്ള ഒരു പേജ് മാത്രമാകും താൻ ഉപയോഗിക്കുക എന്നും അവർ പറഞ്ഞു.

ALSO READ: നടി മിയ ജോര്‍ജ് വിവാഹിതയാവുന്നു; വരന്‍ അശ്വിന്‍ ഫിലിപ്പ്
13 വർഷത്തിലേറെയായി കലാരംഗത്ത് സജീവമായുള്ളയാളാണ് നടി പ്രവീണ. ഇതിനകം നിരവധി സിനിമകളിലും മെഗാസീരിയലുകളിലും താരം അഭിനയിച്ചിട്ടുണ്ട്. വേറിട്ട അഭിനയ മികവിലൂടെ നിരവധി ആരാധകരെ സ്വന്തമാക്കിയിട്ടുമുണ്ട് താരം.

അടുത്തിടെ താരം പങ്ക് വച്ച ചില ചിത്രങ്ങളും വീഡിയോകളും ഏറെ വൈറൽ ആയിരുന്നു. ജീവിതത്തിൽ ആദ്യമായി ഇത്തിരി കുഞ്ഞൻ പാമ്പിനെ കണ്ട സന്തോഷമാണ് പ്രവീണ പങ്ക് വച്ച് രംഗത്ത് വന്നത്. ഇതിനുപിന്നാലെയാണ് കൊച്ചു കൊച്ചു വലിയ കാര്യങ്ങൾ എന്ന പേരിൽ യൂ ട്യൂബ് ചാനലും താരം ആരംഭിച്ചത്.