ക്യാൻസറിനെ സംഗീതം കൊണ്ട് അതിജീവിച്ച അവനി കോമഡി സ്റ്റാർസിന്റെ വേദിയിൽ എത്തിയപ്പോൾ!

ചിരിയും സംഗീതവും ചേർന്ന് നിന്നാൽ പല വിധ രോഗങ്ങൾക്കും ശാന്തി ഉണ്ടാകും എന്ന് കോമഡി സ്റ്റാർസ് അവതാരക മീര നായർ. സംഗീതം കൊണ്ട് ക്യാൻസറിനെ തോൽപ്പിച്ച അവനി കോമഡി സ്റ്റാർസിന്റെ വേദിയിൽ എത്തിയപ്പോഴാണ് മീര ഇങ്ങനെ പറഞ്ഞത്. കഴിഞ്ഞ ദിവസത്തെ എപ്പിസോഡിൽ തന്മാത്ര ഫെയിം അർജുൻ ലാലും നടിയും നർത്തകിയുമായ ശ്രുതിയുമായിരുന്നു അതിഥികൾ ആയെത്തിയത്. ഇവർക്ക് പുറമെയാണ് ക്യാൻസറിനെ സംഗീതം കൊണ്ട് തോൽപ്പിച്ച അവനിയും വേദിയിൽ എത്തുന്നത്.

രാമകഥാ ഗാനലയം എന്ന് തുടങ്ങുന്ന ഗാനമാണ് അവനി വേദിയിൽ ആലപിച്ചത്. അവനിയുടെ ഗാനങ്ങൾക്ക് ചുവട് വച്ചത് അങ്കമാലി ഡയറീസില്‍ തുടങ്ങി ജൂണ്‍ എന്ന ഒറ്റ ചിത്രം കൊണ്ട് പ്രേക്ഷകര്‍ ശ്രദ്ധിച്ച നടി ആയ ശ്രുതി ജയന്‍ ആയിരുന്നു. ഇരുവരുടെയും പ്രകടനത്തിന് നിറഞ്ഞ കൈയ്യടിയാണ് ലഭിച്ചത്. തുടർന്ന് തനിക്ക് ക്യാൻസറിനെ അതിജീവിക്കാൻ പലപ്പോഴും ഇന്നസെന്റ് എഴുതിയ ക്യാൻസർ വാർഡിലെ ജീവിതം എന്ന പുസ്തകം പ്രചോദനം ആയി എന്നാണ് അവനി വേദിയിൽ പറഞ്ഞത്. ഇങ്ങനെ ഒരു അസുഖത്തെ പേടിക്കേണ്ട കാര്യം ഇല്ലെന്നും അവനി വേദിയിൽ വ്യക്തമാക്കി.

ALSO READ:അവരുടെ സങ്കടം കേൾക്കുമ്പോൾ തോന്നിയിരുന്നു സുരേഷേട്ടൻ സഹായിക്കുമെന്ന്! അമേയക്ക് താങ്ങായി സുരേഷ് ഗോപി!

കോമഡി സ്റ്റാർസിലെ ജഡ്ജസ് പ്രിയ മണി, ജഗദീഷ്, ഇന്നസെന്റ് തുടങ്ങിയവർ വേദിയിൽ എത്തിയാണ് അവനിയ്ക്ക് ആശംസകൾ നൽകിയത്.

ക്യാൻസറിനെ പൊരുതി തോൽപ്പിച്ചാണ് അവനി ഇക്കഴിഞ്ഞ സ്‌കൂൾ കലോത്സവത്തിൽ സമ്മാനങ്ങൾ നേടിയെടുത്തത്. ക്യാൻസറിനെ ആത്മവിശ്വാസം കൊണ്ട് മറി കടക്കാമെന്ന മാതൃകയാണ് അവനി , നീ വെഞ്ഞാറമ്മൂടിന്റെ അഭിമാനമാണ് എന്ന് തുടങ്ങി അവനിയെ പറ്റിയുള്ള നിരവധി കുറിപ്പുകൾ സോഷ്യൽ മീഡിയയിൽ വൈറൽ ആയിരുന്നു.