ടെലിവിഷന്‍ രംഗത്തേക്ക് വീണ്ടും പേളി ചുവട് ഉറപ്പിക്കുന്നു; ഇത്തവണ അൽപ്പം വ്യത്യാസം!

മുൻ ബിഗ്‌ബോസ് താരം പേളി മാണി ടെലിവിഷന്‍ രംഗത്തേക്ക് വീണ്ടും ചുവട് ഉറപ്പിക്കുന്നു. ഇത്തവണ അൽപ്പ വ്യത്യാസം മാത്രമാണ് പേളി വരുത്തിയിരിക്കുന്നത്. ഇൻസ്റ്റഗ്രാം പേജിലൂടെയാണ് താരം പുതിയ സന്തോഷം പങ്കിട്ടത്. തമിഴ് റിയാലിറ്റി ഷോ ഡാന്‍സ് ജോഡി ഡാന്‍സ് 3.0 എന്ന പരിപാടിയിലൂടെയാണ് വീണ്ടും അവതാരക വേഷത്തിൽ പേളിയെത്തുന്നത്. റിയാലിറ്റി ഷോയ്ക്കായി ഡാന്‍സ് പ്രാക്ടീസ് ചെയ്യുന്ന വീഡിയോയും താരം പോസ്റ്റ് ചെയ്തിട്ടുണ്ട്. ഇനിയെല്ലാം സ്‌ക്രീനിൽ എന്നും താരം കുറിച്ചിട്ടുണ്ട്.

"ആദ്യമായി പുതിയ ഭാഷ..പക്ഷെ ഒരു ആങ്കറിന്റെ അതേ റോൾ . ജീവിതത്തിൽ ഒരിക്കലും ഒന്നും പ്ലാൻ ചെയ്തിട്ടില്ല ചെയ്തിട്ടില്ല ... എല്ലായ്പ്പോഴും ഒഴുക്കിനൊപ്പം നീന്തുന്നു .. അത് കൊണ്ട് തന്നെ ഓഫർ വന്നപ്പോൾ ... ഞാൻ ഓകെ എന്ന് പറഞ്ഞു" പേളി പോസ്റ്റിലൂടെ അറിയിച്ചു.

ദളപതി വിജയുടെ മധുരയ്ക്ക് പോവാതെടീ എന്ന പാട്ടിനൊപ്പമാണ് പേളിയും സംഘവും ചുവടുവെക്കുന്നത്.
പുതിയ റിയാലിറ്റി ഷോ നവംബര്‍ പതിനാറിന് ആരംഭിക്കുമെന്നാണ് ഇപ്പോൾ പുറത്ത് വരുന്ന റിപ്പോർട്ടുകൾ. എല്ലാ ശനിയും ഞായർ ദിവസങ്ങളിൽ വൈകിട്ട് 6.30 നാകും പരിപാടിയുടെ സംപ്രേക്ഷണം. ശിൽപ്പ ബാല, റിമി ടോമി തുടങ്ങി നിരവധി സെലിബ്രിറ്റികളും താരത്തിന് ആശംസയുമായി എത്തിയിട്ടുണ്ട്.

പേളി അവതരിപ്പിച്ചു കൊണ്ടിരുന്ന മിക്ക ടെലിവിഷന്‍ പരിപാടികള്‍ക്കും മികച്ച പ്രേക്ഷക പിന്തുണയാണ് ലഭിച്ചിരുന്നത്.