ബിബി കഫേ നിര്‍ത്താൻ കാരണമിത്!

ബിഗ് ബോസ് വിശേഷങ്ങളും ആരാധകരുടെ അഭിപ്രായങ്ങളും പങ്ക് വയ്ക്കുന്ന പരിപാടിയാണ് ബീബി കഫെ. ഗോപികയും രാജേഷും ആണ് പരിപാടിയുടെ അവതാരകരായി എത്തിയിരുന്നത്. ഇപ്പോൾ ഈ പരിപാടി താത്കാലികമായി നിർത്തേണ്ടി വന്നിരിക്കുകയാണ് സംഘാടകർക്ക്. അതിനു കാരണം മറ്റൊന്നും അല്ല കൊവിഡ് 19 വ്യാപകമായ സാഹചര്യത്തിലാണ് ഇങ്ങനെ ഒരു തീരുമാനം കൈകൊണ്ടത്.

അവതാരകർ തന്നെയാണ് ഇക്കാര്യം പ്രേക്ഷകരോട് പങ്ക് വച്ചതും. സര്‍ക്കാര്‍ നിര്‍ദേശങ്ങള്‍ പാലിച്ചാണ് ചാനല്‍ തീരുമാനത്തിലേക്കെത്തിയിരിക്കുന്നത്. കമ്പനിയുടെ പല സ്റ്റാഫുകളും വര്‍ക്ക് ഫ്രം ഹോം എന്ന രീതിയിലേക്ക് മാറിയിരിക്കുകയാണെന്നും അവതാരകര്‍ അറിയിച്ചു.

ALSO READ: 'നിങ്ങളുടെ ദൈവം ഉടൻ തിരികെ ബിഗ് ബോസിൽ എത്തുമായിരിക്കും; മഞ്ജുവിന്റെ തുറന്ന് പറച്ചിൽ!

ബിഗ് ബോസിന്‍റെ പ്രധാന ഷോ സാധാരണപോലെ ഉണ്ടാകുമെന്നും അത് എല്ലാവരും കാണണമെന്നും അവതാരകർ അഭ്യര്‍ത്ഥിച്ചു. നാളെ മോഹന്‍ലാല്‍ എത്തുകയാണെന്നും വോട്ട് ചെയ്യണമെന്നും ഇരുവരും പങ്കെടുത്ത വീഡിയോയിലൂടെ വ്യക്തമാക്കി. ഏഷ്യാനെറ്റ് ഫേസ്ബുക്ക് പേജിലും യൂട്യൂബ് ചാനലിലുമായി ബിബി കഫേ സംപ്രേക്ഷണം ചെയ്തിരുന്നു.