Also Read: യൂട്യൂബ് വ്ളോഗര് നേഹ കൊച്ചിയില് മരിച്ച നിലയില്
ആറുമാസമായി കൊച്ചിയിൽ
ഭർത്താവിൽനിന്ന് കുറച്ചുനാളായി അകന്നു കഴിയുകയായിരുന്നു ഇവർ. ആറു മാസം മുൻപാണ് കൊച്ചിയിൽ പോണേക്കരയിൽ താമസിക്കാനായെത്തിയത്. ഇതിനിടയിൽ മറ്റൊരു യുവാവുമായി അടുപ്പത്തിലായിരുന്നു. ഇയാള് വിവാഹം കഴിക്കുമെന്ന പ്രതീക്ഷയിലുമായിരുന്നു. ഇയാൾ കഴിഞ്ഞ ദിവിസം നാട്ടിൽ പോയതിനു പിന്നാലെ വിവാഹത്തിൽനിന്നു പിൻമാറുകയുണ്ടായി.
സുഹൃത്തുക്കൾക്ക് സന്ദേശം
ഇതറിഞ്ഞ ശേഷമാണ് യുവതി ആത്മഹത്യ ചെയ്തതെന്ന് സംശയിക്കുന്നതായി സുഹൃത്തുക്കള് പറഞ്ഞതായി പോലീസ് പറഞ്ഞു. ആത്മഹത്യ ചെയ്യാൻ പോകുന്നുവെന്ന് പറഞ്ഞ് സുഹൃത്തുക്കളിൽ ചിലർക്ക് അയച്ച സന്ദേശവും പോലീസ് സ്ഥിരീകരിച്ചിട്ടുണ്ട്. യുവതിക്കൊപ്പമുണ്ടായിരുന്നയാളെ പോലീസ് തിരയുകയുമാണ്.
മരണത്തിൽ ദുരൂഹത
നേഹ അയച്ച സന്ദേശം കണ്ട് സ്ഥലത്തെത്തിയ സുഹൃത്തുക്കളിൽ ഒരാളാണ് അപാര്ട്ട്മെന്റിന്റെ വാതിൽ ചവിട്ടിപ്പൊളിച്ച് അകത്തു കടന്നത്. ഇയാളാണ് പോലീസിൽ വിവരമറിയിച്ചത്. ഈ സമയം കറുത്ത കാറിൽ സ്ഥലത്തെത്തിയ മൂന്നു യുവാക്കളെ പോലീസ് സംശയം തോന്നി പരിശോധിക്കുകയുണ്ടായി. ഇവരിൽ നിന്ന്15 ഗ്രാം എംഡിഎംഎ കണ്ടെത്തിയിട്ടുണ്ട്.
ഫ്ലാറ്റിൽ ലഹരിവിൽപ്പന?
യുവതി മരിച്ചുകിടന്ന ഫ്ലാറ്റിൽ പോലീസ് നടത്തിയ പരിശോധനയിലും ലഹരിമരുന്ന് കണ്ടെത്തിയിട്ടുണ്ട്. പോലീസ് എംഡിഎംഎ കണ്ടെത്തിയ കാറിലുണ്ടായിരുന്ന രണ്ടു പേരെ വിട്ടയച്ചെങ്കിലും ഒരാൾക്കെതിരെ കേസെടുത്തിട്ടുമുണ്ട്. മറ്റുള്ളവര് ഇതിൽ പങ്കില്ലെന്നതിനാലാണ് വിട്ടതെന്നും പോലീസ് അറിയിച്ചിട്ടുണ്ട്. ഫ്ലാറ്റിൽ ലഹരിവിൽപ്പന നടന്നിരുന്നോ എന്നും പോലീസ് പരിശോധിക്കുന്നുണ്ട്.