യാതൊരു കാരണവശാലും ഞാന്‍ അവരെ വിവാഹം കഴിക്കില്ല; വിശദീകരണവുമായി തര്‍ഷൻ!

നടിയുടെ ആരോപണത്തിനെതിരെ മുൻ ബിഗ് ബോസ് മത്സരാർത്ഥി തര്‍ഷൻ രംഗത്ത്. വിവാഹവാഗ്ദാനം നൽകി മുൻ മത്സരാർത്ഥി തന്നെ പറ്റിച്ചു എന്ന ആരോപണവുമായി നടി സനം കഴിഞ്ഞ ദിവസമാണ് പത്ര സമ്മേളനം നടത്തിയത്. വാർത്ത മാധ്യമങ്ങൾ ഏറ്റെടുത്തതിനു പിന്നാലെയാണ് ഇപ്പോൾ തര്‍ഷൻ വിശദീകരണവുമായി എത്തിയിരിക്കുന്നത്.

സനവുമായി തന്റെ വിവാഹ നിശ്ചയം നടന്നു എന്നത് സത്യം തന്നെയാണ്. അവരുടെ കുടുംബത്തിന്റെ മാത്രം സാനിധ്യത്തിൽ ആയിരുന്നു ചടങ്ങുകൾ. തന്റെ കുടുംബം ചടങ്ങിന് എത്തിയിരുന്നില്ല. തന്റെ സഹോദരിയുടെ വിവാഹത്തെ ബാധിക്കുമെന്ന് കരുതിയാണ് ആദ്യം വിവരം മറച്ചു വച്ചത് എന്നാൽ പിന്നീട് വിവരം വീട്ടിൽ അറിയിച്ചതായും തര്‍ഷൻ പറയുന്നു.

സഹോദരിയുടെ വിവാഹത്തിന് ശേഷം ഞങ്ങളുടെ വിവാഹം നടത്തി തരാമെന്ന് മാതാപിതാക്കള്‍ ഒടുവില്‍ സമ്മതിച്ചു. വാസ്തവ വിരുദ്ധമായ കാര്യങ്ങളാണ് സനം കഴിഞ്ഞ ദിവസം നടന്ന വാര്‍ത്താ സമ്മേളനത്തില്‍ പറഞ്ഞതെന്നും അദ്ദേഹം വ്യക്തമാക്കി.

READ ALSO: വിവാഹ വാഗ്ദാനം നൽകി വഞ്ചിച്ചു; മുൻ ബിഗ് ബോസ് താരത്തിനെതിരെ നടി!

ഒന്നിനും ഒരു സ്വാതന്ത്ര്യവും അവർ തന്നിരുന്നില്ല. ബിഗ് ബോസ് മത്സരത്തിന് ശേഷം അതില്‍ പങ്കെടുത്ത സ്ത്രീകളായ മത്സരാര്‍ഥികളോട് സംസാരിക്കാന്‍ പോലും വിലക്കുണ്ടായിരുന്നു. മാത്രമല്ല സിനിമകളില്‍ കാസ്റ്റ് ചെയ്യരുതെന്നും താൻ ചതിയനാണെന്നും അവര്‍ പറഞ്ഞു പരത്തി.

വിവാഹം കഴിച്ചില്ലെങ്കില്‍ ആത്മഹത്യ ചെയ്യുമെന്നും കരിയര്‍ ഇല്ലാതാക്കുമെന്നും പറഞ്ഞ് അവര്‍ മാനസികമായി പീഡിപ്പിച്ചു. അതിന് ശേഷമാണ് ആ ബന്ധം അവസാനിപ്പിക്കുന്നത്. ഇനി യാതൊരു കാരണവശാലും അവരെ വിവാഹം കഴിക്കുകയില്ലെന്നും മാധ്യമങ്ങളോട് തര്‍ഷന്‍ പറഞ്ഞു.