ചുട്കിക്ക് നീതി വേണം; സോഷ്യൽ മീഡിയയിൽ പ്രതിഷേധം!

ഇന്ദുമതി രാജകുമാരിയെ സ്വീകരിക്കാൻ ചോട്ടാഭീം തീരുമാനം എടുത്തത് ശരി ആയില്ലെന്നു സോഷ്യൽ മീഡിയ. ഇന്ദുമതിയെ അല്ല ചുട്കികിയെ ആകണം ഛോട്ടാ ഭീം സ്വീകരിക്കാനെന്നും പറഞ്ഞുകൊണ്ടാണ് ട്വിറ്ററിൽ പ്രതിഷേധം ശക്തമായിരിക്കുന്നത്. 'ജസ്റ്റിസ് ഫോർ ചുട്കി' എന്ന ക്യാമ്പയിനാണ് ഇപ്പോൾ തുടക്കം കുറിച്ചിരിക്കുന്നത്. ചോട്ടാഭീം ആരാധകർ എല്ലാം രംഗത്ത് എത്തിയ ക്യാമ്പയിൻ നിമിഷ നേരങ്ങൾക്കുള്ളിൽ ആണ് വൈറൽ ആയി മാറിയത്.

ഭീം ഈ കാണിക്കുന്നത് ഒരിക്കലും ശരിയല്ല ഭീം ഇന്ദുമതിയെ വിവാഹം കഴിക്കുന്നത് ശരിയാകില്ല. ഞങ്ങൾ സമ്മതിക്കില്ല. തുടങ്ങിയ പോസ്റ്റുകൾ ആണ് ട്വിറ്ററിൽ പ്രത്യക്ഷപ്പെടുന്നത്. മാത്രവുമല്ല ലഡു പ്രിയനായ ഭീമിന് ഇത്രകാലം ലഡു കൊടുത്തുകൊണ്ടിരുന്ന ചുട്കിയെ ചതിക്കാൻ ഞങ്ങൾ സമ്മതിക്കില്ലെന്നും ചിലർ പരാതിപറഞ്ഞു.

1990 കളിലെ ജനപ്രിയ ചിത്രമായ കുച്ച് കുച്ച് ഹോത ഹേയുമായി താരതമ്യപ്പെടുത്തി കൊണ്ടാണ് മറ്റു ചിലർ രംഗത്ത് വന്നിരിക്കുന്നത്. ചിത്രത്തിൽ ഷാരൂഖ് കാജലിനെ ഒഴിവാക്കിയതുപോലെയാണ് ഇതും എന്നാണ് ചില ആളുകളുടെ പരാതി.

ALSO READ: 'ഞാനും ഭര്‍ത്താവും മക്കളുമുള്ള നല്ലൊരു കുടുംബം കൂടി വേണം'ആര്യയുടെ ആഗ്രഹം

എന്നാൽ പ്രതിഷേധം ശക്തമായതോടെ ഷോയുടെ നിർമ്മാതാക്കൾ തന്നെ വിശദീകരണവുമായി രംഗത്ത് വന്നു. " ഈ ആനിമേറ്റഡ് ഷോയിലെ കഥാപാത്രങ്ങൾ എല്ലാം കുട്ടികളാണ്. അവരാരും പരസ്പരം വിവാഹം കഴിച്ചിട്ടില്ലെന്നും", അവർ ചൂണ്ടിക്കാട്ടി.ഫേസ്ബുക്ക് പേജിലൂടെയാണ് ആരാധകർക്ക് വിശദീകരണവുമായി നിർമ്മാതാക്കൾ എത്തിയത്.

ആരാധകരുടെ പിന്തുണയ്ക്ക് നന്ദി, എന്നാൽ ഇപ്പോൾ “വിവാഹം” എന്ന് നിങ്ങൾ കരുതുന്നതിനെ കുറിച്ച് അഭിപ്രായം പറയുന്നത് അവസാനിപ്പിക്കാനും ആളുകളോട് നിർമ്മാതാക്കൾ അഭ്യർത്ഥിച്ചു. കൂടാതെ ഛോട്ടാ ഭീം, ചുട്കി, ഇന്ദുമതി എന്നിവരുൾപ്പെടെ ഷോയിലെ എല്ലാ കഥാപാത്രങ്ങളും ഇപ്പോഴും കുട്ടികളാണെന്ന് എല്ലാവരും അറിയണമെന്ന് ഞങ്ങൾ ആഗ്രഹിക്കുന്നതായും അവർ പോസ്റ്റിലൂടെ വ്യക്തമാക്കി.