'ഇന്ദ്രന്' സഹായം ആവശ്യമാണ്; മനുഷ്യനോടുള്ള പരിഗണന വേണമെന്ന് നടൻ!

മഹാഭാരതം രണ്ടാം വരവിൽ സർവ്വകാല റെക്കോഡ് നേടിയെടുത്തപ്പോൾ ദേവേന്ദ്രന്റെ വേഷമണിഞ്ഞ താരം ദുരിതത്തിൽ. ലോക് ഡൌൺ കൂടി വന്നതോടെയാണ് ദേവേന്ദ്രനായി വേഷമിട്ട സതീഷ് കൗള്‍ ദുരിതത്തിൽ ആയത്. മരുന്നും ഭക്ഷണത്തിനും താരം ബുദ്ധിമുട്ടുന്ന വാർത്ത കഴിഞ്ഞ ദിവസമാണ് പുറത്തുവന്നത്.

മുന്നോറോളം പഞ്ചാബി സിനിമയിലും ടെലിവിഷൻ പരമ്പരകളിലും നിറസാന്നിധ്യമായിരുന്ന സതീഷിന് ഇപ്പോൾ പ്രായം എഴുപത്തിമൂന്നാണ്. ലുധിയാനയിലെ ഒരു വൃദ്ധസദനത്തിലായിരുന്ന സതീഷ് ഇപ്പോൾ സത്യദേവി എന്ന സ്ത്രീയുടെ സഹായം കൊണ്ട് ഒരു കൊച്ചുവാടക വീട്ടിലേയ്ക്ക് താമസം മാറ്റിയിട്ടുണ്ട്.

ALSO READ: ഒരു പ്രണയം ഉണ്ടായിരുന്നിട്ടും ഞാൻ നിന്നിലും നീ എന്നിലും ആർത്തു പെയ്തു;

"മരുന്ന്, പലചരക്ക് സാധനങ്ങൾ, മറ്റ് അടിസ്ഥാന ആവശ്യങ്ങൾ എന്നിവയ്ക്കായി ഞാൻ ബുദ്ധിമുട്ടുകയാണ്. എന്നെ സഹായിക്കാൻ ഇപ്പോൾ ഇൻഡസ്ട്രിയിൽ ഉള്ള സഹപ്രവർത്തകരോട് ഞാൻ അഭ്യർത്ഥിക്കുന്നു സഹായം ആവശ്യമാണ്. ഒരു നടനെന്ന നിലയിൽ എനിക്ക് വളരെയധികം സ്നേഹം ലഭിച്ചു, എന്നാൽ ഒരു മനുഷ്യനെന്ന നിലയിൽ എനിക്ക് ഇപ്പോൾ കുറച്ച് പരിഗണന ആവശ്യമാണ്," എന്ന് അദ്ദേഹം ഒരു ദേശീയ മാധ്യമത്തോടായി പറഞ്ഞു.

ALSO READ: മോഹൻലാൽ ഏറ്റവും കൂടുതൽ കഥാപാത്രങ്ങളെ അവതരിപ്പിച്ചത് ഈ പേരിലാണ്!
മഹാഭാരതത്തിന് പുറമെ വിക്രം ഔര്‍ ബേതാള്‍ എന്ന ടെലിവിഷന്‍ പരമ്പരയിലും പ്യാര്‍ തൊ ഹോന ഹി താ, ആന്റി നമ്പര്‍ വണ്‍, സഞ്ജീര്‍, രാം ലഖന്‍ തുടങ്ങിയ ബോളിവുഡ് ചിത്രങ്ങളിലും അദ്ദേഹം വേഷമിട്ടിട്ടുണ്ട്.