സരിഗമപ കേരളം തിരിച്ചെത്തുന്നു! ആരാകും ജഡ്ജസ് എന്നറിയാനുള്ള ആകാംക്ഷയിൽ ആരാധകർ!

ബോളിവുഡിന്റെയും മറ്റു ഭാഷാ സിനിമകളുടേയും താളമായി മാറിയ നിരവധി ഗായകരെ വാര്‍ത്തെടുത്ത ജനപ്രിയ സംഗീത റിയാലിറ്റി ഷോ ആയ സരിഗമപ തിരിച്ചെത്തുന്നു. മലയാളത്തിലെ യുവത്വം നിറഞ്ഞ വിനോദ ചാനലായ സീ കേരളം ഉള്‍പ്പെടെ സീ നെറ്റ്‌വര്‍ക്ക് വിവിധ ഭാഷകളില്‍ ഇന്ത്യയിലൂടനീളം സംപ്രേഷണം ചെയ്യുന്ന ഈ സംഗീത പരിപാടി വീണ്ടും എത്തുന്നു എന്നറിഞ്ഞതിന്റെ ആഘോഷത്തിൽ ആണ് ആരാധകർ.

ആദ്യ സീസണ്‍ പൂര്‍ത്തിയാകുന്നതിനു മുൻപ് തന്നെ മത്സരാർത്ഥികളെ പിന്നണി ഗായകരാക്കാന്‍ സരിഗമപ കേരളത്തിന് കഴിഞ്ഞു എന്നത് മലയാളം ടെലിവിഷനിൽ തന്നെ ഒരു ചരിത്രം ആയിരുന്നു.

പുതിയ സീസണിനായുള്ള ഡിജിറ്റല്‍ ഓഡിഷനുകള്‍ ഇതിനകം ആരംഭിച്ചു കഴിഞ്ഞതായിട്ടാണ് ബന്ധപ്പെട്ട വൃത്തങ്ങൾ നൽകുന്ന സൂചന . 18വയസ്സിന് മുകളിൽ പ്രായമുള്ളവർക്ക് വെര്‍ച്വല്‍ ഓഡിഷനിലൂടെ സുരക്ഷിതമായി ഷോയുടെ ഭാഗമാകാം.

ഡിജിറ്റല്‍ ഓഡിഷന്‍റെ മുഴുവന്‍ പ്രക്രിയയും www.zeekeralam.in എന്ന വെബ്സൈറ്റില്‍ വിശദീകരിച്ചിട്ടുണ്ട്. പങ്കെടുക്കാന്‍ ആഗ്രഹിക്കുന്നവര്‍ക്ക് വെബ്സൈറ്റ് സന്ദര്‍ശിച്ചാല്‍ രജിസ്ട്രേഷന്‍ ഫോം ലഭ്യമാകും. രജിസ്‌ട്രേഷന് പുറമെ സംഗീത അഭിരുചി വ്യക്തമാകുന്ന ഒരു വീഡിയോ അപ്ലോഡ് ചെയ്യുകയും വേണം. കൂടാതെ, 91529 15281 എന്ന നമ്പറിലേക്ക് മിസ്ഡ് കോള്‍ നല്‍കിയാല്‍ വെബ്സൈറ്റ് ലിങ്ക് ലഭ്യമാകും.രണ്ടാഴ്ച്ച നീണ്ടു നിൽക്കുന്ന ഓഡിഷനിലൂടെ മികവുറ്റ ഗായകപ്രതിഭകളെ തിരഞ്ഞെടുക്കും.


മലയാളത്തിലടക്കം വിവിധ ഭാഷാ സിനിമകളില്‍ പ്രേക്ഷകര്‍ ഏറ്റെടുത്ത ഗായിക ശ്രേയ ഘോഷല്‍ മുതല്‍ നിരവധി പിന്നണി ഗായകര്‍ സീ നെറ്റ് വര്‍ക്കിന്റെ സരിഗമപ സംഗീത റിയാലിറ്റി ഷോയിലൂടെ അരങ്ങിലെത്തിയവരാണ്. മലയാളി പ്രേക്ഷകര്‍ നെഞ്ചേറ്റിയ സീ കേരളം അവതരിപ്പിക്കുന്ന സരിഗമപയിലെ ആദ്യ സീസണിൽ 10 ഫൈനലിസ്റ്റുകള്‍ ഇതിനകം തന്നെ പിന്നണി ഗായകരായി മാറിക്കഴിഞ്ഞു