വിവാഹ വാഗ്ദാനം നൽകി വഞ്ചിച്ചു; മുൻ ബിഗ് ബോസ് താരത്തിനെതിരെ നടി!

വിവാഹനിശ്ചയം വരെ എത്തിച്ച ശേഷം മുൻ ബിഗ് ബോസ് താരം തന്നെ പറ്റിച്ചെന്ന ആരോപണമാവുമായി നടി രംഗത്ത്. സനം ഷെട്ടിയാണ് ബിഗ് ബോസ് തമിഴ് മൂന്നാം സീസണിലെ മത്സരാര്‍ഥിയായിരുന്ന തര്‍ഷൻ ത്യാഗരാജിനെതിരെ രംഗത്ത് വന്നത്.

തര്‍ഷനെതിരെ നടി പോലീസിൽ പരാതി നൽകിയിട്ടുണ്ട്. വഞ്ചന, ചതി, സ്ത്രീ പീഡനം, ഭീഷണി, വിശ്വാസ വഞ്ചന എന്നീ വകുപ്പുകളിലായാണ് തർഷനെതിരെ കേസ് നൽകിയിരിക്കുന്നതെന്ന് താരം വ്യക്തമാക്കി.

കഴിഞ്ഞ ദിവസം ചെന്നൈയിൽ നടന്ന പത്ര സമ്മേളനത്തിനിടയിലാണ് നടി കൂടുതൽ വെളിപ്പെടുത്തൽ നടത്തിയത്. 2019 മെയ് 12ന് താനും തർഷനുമായുള്ള വിവാഹനിശ്ചയം നടന്നിരുന്നു.

READ ALSO: ആ ഭാവങ്ങള്‍ക്ക് പിന്നില്‍ ശ്രീകാന്തെന്ന് അശ്വതി! ആള് ചുള്ളനാണല്ലോയെന്ന് ആരാധകരും!

2019 ജൂൺ 10ന് വിവാഹം നടത്താൻ തീരുമാനിക്കുകയും ചെയ്തു. വിവാഹത്തിനുള്ള ഒരുക്കങ്ങള്‍ വരെ ആരംഭിച്ചു. എന്നാൽ ഇതിനിടെയാണ് ബിഗ് ബോസ് മൂന്നാം സീസണിൽ പങ്കെടുക്കാനുള്ള അവസരം തർഷന് ലഭിച്ചത്. ഇത് വിവാഹത്തിനുള്ള ഒരുക്കങ്ങൾക്ക് തടസ്സമായതായും സനം വ്യക്തമാക്കി.

വിവാഹത്തെക്കുറിച്ച് ആരോടും പറയരുതെന്നും അത് സ്ത്രീ ആരാധികമാരെ നഷ്ടപ്പെടുത്തുമെന്നും തർഷൻ തന്നോട് പറഞ്ഞതായി സനം പറയുന്നു. ബിഗ് ബോസിൽ എത്തിയ ശേഷം തർഷൻ തന്നെ അവഗണിക്കാൻ തുടങ്ങിയതായും അവിഹിത ബന്ധം വരെ അദ്ദേഹം ആരോപിച്ചതായും താരം പറയുന്നു. ഇത് മാനസികമായി തന്നെ പീഡിപ്പിച്ചു. ഈ പ്രശ്നമാണ് തന്റെ അച്ഛന് ഹൃദയസ്തംഭനം വരെ ഉണ്ടാക്കിയതെന്നും സനം വ്യക്തമാക്കി. അയാളുമായി ഉണ്ടായ ബന്ധം മൂലം ലക്ഷങ്ങളാണ് തനിക്ക് നഷ്ടമായതെന്നും താരം പത്ര സമ്മേളനത്തിനിടെ വ്യക്തമാക്കി.