പറക്കമുറ്റാത്ത അഞ്ച് പെൺ കുഞ്ഞുങ്ങൾ; നമ്മളെ പൊട്ടിചിരിപ്പിച്ച രാജീവ് കളമശ്ശേരി രോഗാവസ്ഥയിൽ!

രാജീവ് കളമശ്ശേരിയെ അറിയാത്ത മലയാള ടെലിവിഷൻ പ്രേക്ഷകർ ഉണ്ടാകില്ല. ഏകെ ആന്റണിയായും, വെള്ളാപ്പള്ളി നടേശനായും, ഒ രാജഗോപാലായും നിരവധി വേദികളിൽ നമ്മെ പൊട്ടിച്ചിരിപ്പിച്ച താരം.അദ്ദേഹത്തിൻറെ പ്രകടനം കണ്ട് അതിശയിച്ചിട്ടുണ്ട്‌ നമ്മൾ പ്രേക്ഷകർ. കഴിഞ്ഞ 26 വർഷമായി അദ്ദേഹം നമ്മളോടൊപ്പം നമ്മളിൽ ഒരാളായി സ്‌ക്രീനിൽ നിറഞ്ഞിരുന്നു. എന്നാൽ അദ്ദേഹം ഇന്ന് രോഗ ശയ്യയിലാണ് എന്ന സങ്കടകരമായ റിപ്പോർട്ടാണ് പുറത്ത് വരുന്നത്.

അദ്ദേഹത്തിന്റെ അവസ്ഥ വളരെ മോശം ആണെന്നും സഹായം ആവശ്യമുണ്ടെന്നും ചൂണ്ടി കാണിച്ചു നിർമ്മാതാവ് ശാന്തിവിള ദിനേശ് ആണ് അദ്ദേഹത്തിൻറെ അവസ്ഥയെപ്പറ്റി ലോകത്തോട് പറയുന്നത്.

രാജീവിന് പറക്കമുറ്റാത്ത അഞ്ച് പെൺ കുഞ്ഞുങ്ങൾ ആണെന്നും. രാജീവിന്റേതല്ലാത്ത കാരണത്താൽ പിരിഞ്ഞ ആദ്യഭാര്യ മൂന്നു കുഞ്ഞുങ്ങളെ നൽകിപ്പോയി. അവരെ നോക്കാൻ വന്ന രണ്ടാം ഭാര്യയിൽ രണ്ട് കുഞ്ഞുങ്ങളുമാണ് അദ്ദേഹത്തിന്. പെട്ടന്നാണ് രാജീവ് രോഗിയായി മാറിയതെന്നും അൽപ്പം ഭേദമായി വന്നപ്പോൾ ഹൃദയത്തിനു തകരാർ സംഭവിച്ചു.

കൊച്ചിയിലെ ഒരു സ്വകാര്യ ആശുപത്രിയിൽ ചികിത്സയിലുള്ള അദ്ദേഹത്തിന് അടിയന്തിരമായി ആഞ്ജിയോപ്ളാസ്റ്റി ചെയ്യണമെന്നാണ് ഡോക്ടറുടെ നിർദ്ദേശം അതിനായുള്ള പണം ആവശ്യമാണ് എല്ലാവരും കഴിയുന്ന പോലെ അദ്ദേഹത്തെ സഹായിക്കണം എന്നാണ് ശാന്തിവിള ദിനേശ് ഫേസ് ബുക്ക് പോസ്റ്റിലൂടെ അഭ്യര്ഥിക്കുന്നത്.