ജൂനിയർ ആർട്ടിസ്റ്റ് പീഡിപ്പിച്ചു; ഗർഭിണി ആയപ്പോൾ ഉപേക്ഷിച്ചു; പരാതിയുമായി സീരിയൽ നടി!

നിരവധി ടെലിവിഷൻ ഷോയിലൂടെയും സീരിയലുകളിലൂടെയും താരമായ ടെലിവിഷൻ നടി പീഢനത്തിനിരയായതായി പരാതി.

ജൂനിയർ താരത്തിനെതിരെയാണ് നടി ആരോപണം ഉന്നയിച്ചിരിക്കുന്നത്. നാച്ച് ബാലിയേ, കഹാനി ഘർ ഘർ കീ തുടങ്ങിയ ഷോകളിൽ പങ്കെടുത്ത താരമാണ് പീഡനത്തിനിരയായത്.

ഒരു ജൂനിയർ ആർട്ടിസ്റ്റ് ഹോട്ടൽ മുറിയിൽ വച്ച് മയക്കുമരുന്ന് നൽകി ബലാത്സംഗം ചെയ്തുവെന്നാണ് താരം പോലീസിൽ നൽകിയ പരാതിയിൽ ഉന്നയിച്ചിരിക്കുന്നത്.

താൻ ഗർഭിണിയാണെന്നും തന്നെ വിവാഹം കഴിക്കാൻ പ്രതിയോട് ആവശ്യപ്പെട്ടപ്പോൾ അദ്ദേഹം വിസമ്മതിച്ചത് കൊണ്ടാണ് താൻ പരാതിയുമായി രംഗത്ത് വന്നതെന്നും മുംബൈ സ്വദേശിയായ താരം പറയുന്നു. അതേസമയം നടി പോലീസിൽ പരാതി നൽകിയപ്പോൾ മുതൽ പ്രതി ഒളിവിലാണ്.പ്രതിയെ കണ്ടെത്താനുള്ള അന്വേഷണം ഊർജ്ജിതമാക്കിയതായി പോലീസ് അറിയിച്ചു.

പ്രതിയുടെ കുടുംബത്തിന് ഇരുവരും തമ്മിലുള്ള ബന്ധം അറിയാമെന്നും ഇതിനായി അവർ പിന്തുണ നൽകിയെന്നും റിപ്പോർട്ടുണ്ട് . അതേസമയം വിഷയം അറിഞ്ഞപ്പോൾ മുതൽ കുടുംബം ഈ പ്രശ്നത്തിൽ ഇടപെടാനോ തന്നെ സഹായിക്കാനോ തയ്യാറായില്ലെന്നും നടി സമർപ്പിച്ച പരാതിയിൽ പറയുന്നു.

താരവും ജൂനിയർ ആർട്ടിസ്റ്റും നിരവധി ഷോകളിൽ ഒരുമിച്ചു പ്രവർത്തിച്ചവരും നല്ല സുഹൃത്തുക്കളും
ആയിരുന്നതായും റിപ്പോർട്ടുണ്ട്. അതേസമയം കേസിനെക്കുറിച്ച് നടി ഇതുവരെ പരസ്യമായി പ്രസ്താവനകളൊന്നും നടത്തിയിട്ടില്ല.