'കിം കിം നൃത്തച്ചുവടുകളുമായി ബീന ആന്റണിയും പൊന്നമ്മ ബാബുവും!

മഞ്ജു വാര്യരുടെ കിം കിം കിം... എന്ന ഗാനത്തിന് ചുവടുവയ്ക്കാത്ത മലയാളികൾ കുറവാണ്. അങ്ങ് കെനിയ വരെ കിം കിം എത്തി വൈറൽ ആയിരുന്നു. അടുത്തിടെ കിം കിമ്മിന് കെനിയയിൽ നിന്നും സ്നേഹം ലഭിക്കുന്നു എന്ന് പറഞ്ഞുകൊണ്ട് ആണ് മഞ്ജു വിശേഷം പങ്ക് വച്ചത്.

പിന്നാലെ നിരവധി ചലച്ചിത്ര താരങ്ങളും സീരിയൽ താരങ്ങളും കിം കിം ഗാനത്തിന് ചുവടുകളുമായി എത്തുകയും അത് സമൂഹമാധ്യമങ്ങൾ ഏറ്റെടുക്കുകയും ചെയ്തിരുന്നു. ഇതിനു പിന്നാലെയാണ് നടിമാരായ ബീന ആന്റണിയുടെയും, പൊന്നമ്മ ബാബുവിന്റെയും കിം കിം വേർഷൻ വൈറൽ ആകുന്നത്.

ALSO READ: അപ്പുവിന് ഒപ്പം ആശംസകൾ നേർന്ന് ആദിത്യൻ; ഇത് കാണുമ്പൊൾ ഉള്ള സന്തോഷം പറഞ്ഞറിയിക്കാൻ ആകില്ലെന്ന്
കോമഡി സ്റ്റാർസിലാണ് ഇരുവരുടെയും നൃത്തച്ചുവടുകൾ. വളരെ മനോഹരമായ നൃത്തചുവടുകൾ ആണ് ഇരുവരും ചേർന്ന് നടത്തുന്നത്. ഏഷ്യാനെറ്റ് തന്നെയാണ് ഇരുവരുടെയും ഡാൻസ് അടങ്ങുന്ന പ്രമോ വീഡിയോ പുറത്തുവിട്ടത്.

ALSO READ: അതൊക്കെയും പാഠങ്ങൾ; എന്റെ ജീവിതത്തിൽ അതൊന്നും ഒരിക്കലും മറക്കില്ലെന്ന് ലക്ഷ്മി അസർ; വളർച്ചയിൽ പൊടുന്നിനെ

‘ജാക്ക് ആൻഡ് ജിൽ’ എന്ന സന്തോഷ് ശിവൻ ചിത്രത്തിനു വേണ്ടി മഞ്ജു പാടിയ ‘കിം കിം കിം’ എന്ന ഗാനം അടുത്തിടെയാണ് റിലീസ് ചെയ്തത്. ചിത്രത്തിന്റെ ലിറിക്കൽ വീഡിയോ ആണ് അണിയറപ്രവർത്തകർ പുറത്തുവിട്ടത്. പാട്ട് പുറത്ത് വന്ന് മണിക്കൂറുകൾക്കകം തന്നെ വൈറലായിരുന്നു.

ഇതിനു പുറകെ ആണ് പാട്ടിന് അനുസരിച്ച് ചുവടുവെയ്ക്കുന്ന മഞ്ജുവിന്റെ വീഡിയോ വൈറൽ ആയത്. ഒരു ചലഞ്ചും മഞ്ജു നടത്തിയിരുന്നു. പാട്ടിന് അനുസരിച്ച് ചുവടുവെച്ച് വീഡിയോ ഷെയർ ചെയ്യൂ, അൽപ്പം ഫൺ ആസ്വദിക്കൂ എന്നായിരുന്നു മഞ്ജു പറഞ്ഞത്. അപ്പോൾ മുതൽ ചലഞ്ച് ആളുകൾ ഏറ്റെടുക്കുകയും ചെയ്തു.