എന്റേതും പ്രണയവിവാഹമായിരുന്നു! ഇന്ഡസ്ട്രിയില് നിന്നും കല്യാണം കഴിച്ചവരില് മിക്കവരുടെ ദാമ്പത്യവും പരാജയമായിരുന്നു! വിവാഹമോചനം സ്ഥിരീകരിച്ച് അനുശ്രീ? വീഡിയോ വൈറല്
മകന്റെ നൂലുകെട്ട് വീഡിയോയിൽ വിഷ്ണുവിനെയോ വീട്ടുകാരെയോ കാണാതിരുന്നതോടെയായിരുന്നു സോഷ്യൽമീഡിയയിൽ ചർച്ച തുടങ്ങിയത്. ഡിവോഴ്സിനെക്കുറിച്ചുള്ള പോസ്റ്റും വന്നതോടെ അനുശ്രീയും വിഷ്ണുവും വിവാഹമോചിതരായി എന്നായിരുന്നു വാർത്തകൾ.
പ്രണയവിവാഹം
ക്യാമറമാനായിരുന്നു വിഷ്ണുവിനെയാണ് അനുശ്രീ വിവാഹം ചെയ്തത്. പ്രണയവിവാഹമായിരുന്നു ഇവരുടേത്. വിഷ്ണുവുമായുള്ള പ്രണയം തുടക്കത്തില് തന്നെ അമ്മ പൊക്കിയിരുന്നുവെന്നും ഫോണ് മേടിച്ച് വെച്ചതോടെ കോണ്ടാക്റ്റ് പൊലും ഇല്ലായിരുന്നുവെന്നും താരം പറഞ്ഞിരുന്നു. മാസങ്ങള്ക്ക് ശേഷമായി വീണ്ടും കണ്ടപ്പോഴായിരുന്നു ഇത് എനിക്ക് പറ്റിയ ആളാണെന്ന് അനു മനസിലാക്കിയതും ഇഷ്ടം അറിയിച്ചതും.
വീട്ടുകാര് സമ്മതിച്ചില്ല
വിവാഹം നടത്തിത്തരുമോയെന്ന് ചോദിച്ചിരുന്നുവെങ്കിലും വീട്ടുകാര് സമ്മതിച്ചിരുന്നില്ല. അതിന് ശേഷമായാണ് ഇരുവരും രഹസ്യമായി വിവാഹിതരായത്. ആവണങ്ങാട്ട് ക്ഷേത്രത്തില് വെച്ചായിരുന്നു വിവാഹം. വിവാഹശേഷം അമ്മ സ്വീകരിച്ചിരുന്നില്ലെന്ന് താരം പറഞ്ഞിരുന്നു. ഗര്ഭിണിയായ ശേഷമായിരുന്നു അമ്മ അനുശ്രീയെ വീട്ടിലേക്ക് കൂട്ടിയത്. അമ്മയുടെ പിണക്കം മാറിയതിനെക്കുറിച്ചും താരം പറഞ്ഞിരുന്നു.
ചര്ച്ചയായ പോസ്റ്റ്
വിവാഹമോചനത്തെക്കുറിച്ച് പറഞ്ഞുള്ള അനുശ്രീയുടെ പോസ്റ്റ് വലിയ ചര്ച്ചയായിരുന്നു. സന്തോഷകരമല്ലാത്ത വിവാഹജീവിതം ദുരന്തമാണ്. സ്നേഹത്തെക്കുറിച്ച് കുട്ടികള്ക്ക് മോശമായി പറഞ്ഞുകൊടുക്കുന്നത് തെറ്റാണ്. വിവാഹമോചനം കാരണം ആരും ഇതുവരെ മരിച്ചിട്ടില്ലെന്നുമുള്ള കുറിപ്പായിരുന്നു ചര്ച്ചയായി മാറിയത്. വൈറലായി മാറിയതോടെ താരം പോസ്റ്റ് ഒഴിവാക്കിയിരുന്നു.
വിജയിച്ചിട്ടില്ല
ഇന്ഡസ്ട്രിയില് നിന്നും കല്യാണം കഴിച്ചതില് 99.99 ശതമാനവും വിജയിച്ചിട്ടില്ല. അനുശ്രീയുടേത് പ്രണയവിവാഹമാണ് അല്ലേയെന്ന് ശ്രീകണ്ഠന് നായര് ചോദിച്ചപ്പോള് അതെ എന്നായിരുന്നു താരത്തിന്റെ മറുപടി. അമ്മ എപ്പോഴും ലൊക്കേഷനില് വരുന്നതല്ലേ, ഇതെങ്ങനെയാണ് അമ്മയില് നിന്നും മറച്ചുവെച്ചതെന്നും അദ്ദേഹം ചോദിച്ചിരുന്നു. അമ്മയ്ക്ക് ഇഷ്ടമല്ലാത്തതിന് കാരണം ഇന്ഡസ്ട്രിയിലുള്ള ആളാണ് എന്നതായിരുന്നുവെന്നും അനുശ്രീ പറഞ്ഞിരുന്നു.
അറിയാമായിരുന്നു
പിണക്കം മാറി അമ്മ എന്നെ എന്നെങ്കിലും വിളിക്കുമെന്നും പണ്ടത്തെപ്പോലെ അടിപൊളി ബന്ധമാവുമെന്നും എനിക്കറിയാമായിരുന്നുവെന്നും അനുശ്രീ പറയുന്നുണ്ട്. അനുശ്രീയ്ക്കൊപ്പമായി അമ്മയും ഷോയിലേക്ക് എത്തിയിരുന്നു. ശ്രീവിദ്യയ്ക്കൊപ്പം അഭിനയിക്കാന് കഴിഞ്ഞതിനെക്കുറിച്ചും താരം പറയുന്നുണ്ടായിരുന്നു. കരയേണ്ടിയിരുന്ന രംഗത്ത് ശരിക്കും വിദ്യാമ്മ അടി തന്നിരുന്നു. കട്ട് പറഞ്ഞതും എന്നെ കെട്ടിപ്പിടിച്ച് ക്ഷമ ചോദിച്ചു, അങ്ങനെയൊരു ഇന്സിഡന്റ് ഉണ്ടായിട്ടുണ്ടെന്നും അനുശ്രീ പറഞ്ഞിരുന്നു.