അതിഥിയുടെ അമ്മ മഞ്ജുവിന്റെ പ്രിയ കൂട്ടുകാരി! വർഷങ്ങൾക്കിപ്പുറം അവർ കണ്ടുമുട്ടിയപ്പോൾ!

ക്രിസ്തുമസ് നവവത്സര ആഘോഷങ്ങൾക്ക് മോടി കൂട്ടുന്നതിനുള്ള പരക്കം പാച്ചിലിലാണ് ടി വി ചാനലുകൾ. മലയാളത്തിലെ മെഗാ സ്റ്റാറുകളെയെല്ലാം വിവിധ ചാനൽ പരിപാടികളിലായി പങ്കെടുപ്പിച്ചു കൊണ്ടാണ് ഈ പുതുവത്സരവും ക്രിസ്തുമസും ചാനലുകൾ കളറാക്കുന്നത്. മഴവിൽ മനോരമ മുതൽ ഫ്ളവേഴ്സ് വരെയുള്ള ചാനലുകളിൽ മഞ്ജു മുതൽ ദിലീപ് വരെയുള്ള താരങ്ങൾ അണിനിരന്നിരുന്നു. താരങ്ങൾ പങ്കെടുക്കുന്നതിന്റെ പ്രമോ വീഡിയോയ്ക്ക് വരെ വമ്പൻ സ്വീകരണമാണ് സോഷ്യൽ മീഡിയയിലൂടെ ലഭിക്കുന്നത്.

സീ യിലെ മ്യൂസിക് റിയാലിറ്റി ഷോ ആയ സരിഗമപ യിൽ മഞ്ജുവും ദിലീപും പങ്കെടുത്തിരുന്നു. ഇതിനു പിന്നാലെയാണ് ഫ്ളവേഴ്സിൽ അരങ്ങേറുന്ന ടോപ് സിംഗറിലേക്ക് മഞ്ജു എത്തുന്നത്. കഴിഞ്ഞ ദിവസം ഇതേ റിയാലിറ്റി ഷോയിൽ ദിലീപ് ആയിരുന്നു താരം. ദിലീപ് പങ്കെടുത്തതിനെതിരെ രൂക്ഷ വിമർശനം ഉയരുന്നതിന് പിന്നാലെയാണ് മഞ്ജു വേദിയിലേക്ക് എത്തുന്നത്. വേദിയിൽ എത്തുന്ന മഞ്ജുവിനെ കാത്തിരിക്കുന്നത് ഒരു വലിയ സർപ്രൈസാണ്. വേദിയിൽ മത്സരാർത്ഥികളായ അനന്യയുടെയും അതിഥിയുടെയും അമ്മയായ സുസ്‌മിത നായർ ആണ് മഞ്ജുവിനെ അമ്പരിപ്പിച്ചത്.

വർഷങ്ങൾക്കിപ്പുറം തന്റെ ക്ലാസ്മേറ്റ് ആയ സുസ്മിതയെ കണ്ട ത്രില്ലിലാണ് മഞ്ജു വാര്യർ. അതിഥിയുടെ പാട്ടിനു ശേഷമാണ് തൻറെ അമ്മ ആന്റിയുടെ ഒരു ബിഗ് ഫാൻ ആണെന്ന് കുട്ടി പറയുന്നത്. അപ്പോഴേക്കും സുസ്മിത വേദിയിലെത്തുകയും അവരെ കാണുന്ന മഞ്ജു എന്റെ ക്ലാസ് മേറ്റാണ് എന്ന് പറഞ്ഞു കൊണ്ട് സുസ്മിതയെ കെട്ടിപിടിക്കുന്നതും ആണ് പ്രമോ വീഡിയോയിൽ നിറയുന്നത്.