മമ്മിയുടെ വാക്കാണ് ജീവിതത്തിൽ വഴിത്തിരിവായി മാറിയത്! ചക്ക വീണ് മുയൽ ചത്തു എന്ന അവസ്ഥയായിരുന്നു വിജയകിരീടം സ്വന്തമാക്കിയപ്പോൾ! അനുഭവം പങ്കുവെച്ച് മിയ!

ഞങ്ങള്‍ രണ്ടുപെണ്‍കുട്ടികളാണ്, ചെറുപ്പത്തില്‍ ടോം ബോയിയായിരുന്നു താനെന്ന് മിയ പറഞ്ഞിരുന്നു. വീട്ടില്‍ ആണ്‍കുട്ടികള്‍ ഇല്ലാത്തതിനാല്‍ എന്നെ ആണ്‍കുട്ടിയെപ്പോലെയാണ് കൊണ്ടുനടന്നിരുന്നത്. മിയയുടെ ചേച്ചിയായ ജിനിയും പ്രേക്ഷകര്‍ക്ക് സുപരിചിതയാണ്. വ്‌ളോഗിലൂടെയായി വിശേഷങ്ങള്‍ പങ്കിട്ടെത്താറുണ്ട് ജിനി. ലൂക്ക വന്നതിന് ശേഷമുള്ള ആദ്യത്തെ ക്രിസ്മസാണ് ഇത്തവണത്തേത്, അത് തന്നെയാണ് സന്തോഷമെന്നും മിയ പറയുന്നു.

സിനിമയിലേക്കെത്തിയപ്പോഴാണ് മിയ എന്ന് പേര് മാറ്റിയത്. ചേട്ടായീസാണ് റിലീസായ ആദ്യത്തെ സിനിമ. അവരാണ് മിയ എന്ന് പേരാക്കിയത്. അത് ഞാനും സ്വീകരിച്ചു. അല്‍ഫോണാന്‍സമ്മയില്‍ അഭിനയിച്ചിരുന്ന സമയത്ത് ജിമി എന്ന പേര് തന്നെയായിരുന്നു. വിശേഷദിവസങ്ങളിലും ഞായറാഴ്ചകളിലും പള്ളിയില്‍ പോവാറുണ്ട്. ക്വയറിലൊക്കെ പാടാനായി പോവാറുണ്ടായിരുന്നു. 16ാമത്തെ വയസ്സിലായിരുന്നു അല്‍ഫോണാസമ്മയില്‍ അഭിനയിച്ചത്.

പത്രത്തില്‍ പരസ്യം കണ്ട് മമ്മിയാണ് അപേക്ഷ അയച്ചത്. സെലക്റ്റായിക്കഴിഞ്ഞതിന് ശേഷമായാണ് മമ്മി ഇതേക്കുറിച്ച് പറഞ്ഞത്. എന്നോട് പറയാതെ ഇതെന്ത് പണിയാണ് ചെയ്തത്, പോവുന്നില്ലെന്ന് പറഞ്ഞിരുന്നു. പോയിനോക്കാമെന്ന് മമ്മി പറഞ്ഞതോടെ അതിന് സമ്മതിക്കുകയായിരുന്നു. അവിടെ എത്തി ഫൈനല്‍ ഫൈവിലെത്തിയത്. അവിടെ എത്തിയപ്പോള്‍ അത് കിട്ടിയാല്‍ കൊള്ളാമെന്ന് കരുതിയത്. ചക്കയിട്ടപ്പോള്‍ മുയല്‍ ചത്തെന്ന അവസ്ഥയായിരുന്നു. തന്റെ വിന്നര്‍ സ്ഥാനത്തെക്കുറിച്ച് മിയ പറഞ്ഞത് ഇങ്ങനെയായിരുന്നു.

വാതില്‍ക്കല്‍ വെള്ളരിപ്രാവ് എന്ന ഗാനം അടുത്തിടെ വൈറലായിരുന്നു. ലൂക്കയ്ക്ക് പാട്ടിഷ്ടമാണ്, ഒരുദിവസം ചുമ്മാ ഇങ്ങനെ പാടിയതാണ്. അത് കേട്ടപ്പോള്‍ അവനും നന്നായി ശ്രദ്ധിച്ച് കിടക്കുകയായിരുന്നു. ആ വീഡിയോ വൈറലാവുമെന്നൊന്നും പ്രതീക്ഷിച്ചിരുന്നില്ല. കുമ്പസരിച്ചിട്ടുണ്ടോയെന്ന് എംജി ചോദിച്ചപ്പോള്‍ ഉണ്ടെന്ന മറുപടിയായിരുന്നു മിയ പറഞ്ഞത്.