പ്രണയവിവാഹം
ഏഴ് ജന്മം നിന്നോടൊപ്പം കഴിയാന്‍ കാത്തിരിക്കുന്നു എന്ന ക്യാപ്ഷനോടെയായാണ് പൂനം പാണ്ഡെ തന്റെ വിവാഹ ചിത്രങ്ങള്‍ പങ്കുവെച്ചത്. വിവാഹം കഴിഞ്ഞ് നാളുകള്‍ പിന്നിടുന്നതിനിടയിലായിരുന്നു പൂനം ഭര്‍ത്താവിനെതിരെ പരാതി നല്‍കിയത്. ഭര്‍ത്താവ് തന്നെ ബലാംത്സഗത്തിന് ഇരയാക്കിയെന്നായിരുന്നു പൂനത്തിന്റെ പരാതി. ഗോവയില്‍ ഹണിമൂണ്‍ ആഘോഷിക്കവെയായിരുന്നു ഈ സംഭവം. നാളുകള്‍ക്ക് ശേഷം പൂനം തന്നെ പരാതി പിന്‍വലിക്കുകയായിരുന്നു.
പരാതി പിന്‍വലിച്ചത്
പരസ്പരം സ്‌നേഹിക്കുന്നവരായതിനാലാണ് പരാതി പിന്‍വലിച്ച് വീണ്ടും ഒന്നിച്ചതെന്നായിരുന്നു അന്ന് പൂനം പറഞ്ഞത്. മര്യാദകെട്ട ബന്ധമായിട്ടും അത് തുടര്‍ന്നതിനെക്കുറിച്ചും അന്ന് പൂനം വിശദീകരിച്ചിരുന്നു. അവന്റെ പൊസസീവ്‌നെസ് വിവാഹത്തോടെ മാറുമെന്നായിരുന്നു കരുതിയത്. എന്നാല്‍ ആ ധാരണ തെറ്റായിരുന്നുവെന്ന് അവന്‍ തന്നെ തെളിയിച്ചെന്നും പൂനം പറഞ്ഞിരുന്നു.
ഒറ്റയ്ക്ക് ഇരിക്കാന്‍ പോലും വിടില്ല
വിവാഹ ശേഷം സാമിന്റെ സ്വഭാവം ആകെ മാറി. തന്നെ ഒറ്റയ്ക്ക് ഇരിക്കാന്‍ പോലും അദ്ദേഹം വിടില്ലായിരുന്നുവെന്നും പൂനം ഷോയില്‍ തുറന്നുപറഞ്ഞിരുന്നു. സ്വന്തം ഫോണ്‍ ഉപയോഗിക്കാനും അനുവാദമുണ്ടായിരുന്നില്ല. നിര്‍ത്താതെ മദ്യപിച്ച് അതിന് ശേഷം തന്നെ ശാരീരികമായി ഉപദ്രവിക്കുകയായിരുന്നു ഭര്‍ത്താവ്. തലയിലേറ്റ പരിക്ക് ഇപ്പോഴും ഭേദമായിട്ടില്ലെന്നും താരം വ്യക്തമാക്കിയിരുന്നു.
തീരുമാനിച്ചത്
എപ്പോഴും ഞാന്‍ ഒപ്പം തന്നെ വേണമെന്നാണ് അയാള്‍ പറയുന്നത്. അയാള്‍ സമ്മതിക്കാതെ വീടിന് പുറത്ത് പോലും പോവാറില്ലായിരുന്നു. വിവാഹബന്ധം നിലനിര്‍ത്താനായി പരമാവധി ശ്രമിച്ചു, അതിന് കഴിയില്ലെന്ന് മനസിലാക്കിയതോടെയാണ് പോലീസില്‍ പരാതി നല്‍കിയത്. ഇന്നിപ്പോള്‍ അയാളോട് സ്‌നേഹമോ വെറുപ്പോ ഒന്നും തോന്നുന്നില്ലെന്നുമായിരുന്നു പൂനം പറഞ്ഞത്.