പ്രണയത്തെക്കുറിച്ച്
അതൊരു ടോക്‌സിക്ക് റിലേഷന്‍ഷിപ്പായിരുന്നു. ഇങ്ങോട്ട് വന്ന് ഇഷ്ടം പറഞ്ഞതായിരുന്നു. ഇപ്പോള്‍ പഠിക്കുവാണ്, ജോലിയൊക്കെ കിട്ടിയിട്ട് നോക്കാം. അപ്പോഴല്ലേ കൃത്യമായ ഡിസിഷന്‍ എടുക്കാന്‍ പറ്റൂ. നല്ല സുഹൃത്തുക്കളായിരുന്നു. പുള്ളി ഭയങ്കര സംശയരോഗിയായിരുന്നു. ഞാന്‍ കോളേജില്‍ പോയാല്‍ പ്രശ്‌നമാണ്. ആരോടും സംസാരിക്കാന്‍ പാടില്ല എന്നൊക്കെ പറയുമായിരുന്നു. പുള്ളി എന്റെ ഫോണൊക്കെ ഹാക്ക് ചെയ്യുമായിരുന്നു. എന്നോട് ചില അപ്ലിക്കേഷന്‍സൊക്കെ ഇന്‍സ്റ്റാള്‍ ചെയ്യാന്‍ പറയുമായിരുന്നു. എന്റെ ഫേസ്ബുക്കും ഹാക്ക് ചെയ്തിരുന്നു. എന്നെ ഡീഗ്രേഡ് ചെയ്ത് കാണിക്കാനുള്ള ശ്രമമായിരുന്നു.
കല്യാണം
പറഞ്ഞ് മനസിലാക്കാമെന്ന് കരുതി കുറേ ശ്രമിച്ചു. ആളെ ശരിയാക്കി എടുക്കാമെന്നായിരുന്നു കരുതിയത്. അതിനിടയില്‍ പുള്ളി വേറൊരു കുട്ടിയുടെ കൂടെ പോയി. അവര്‍ എന്നെ കോണ്ടാക്റ്റ് ചെയ്തിരുന്നു. അപ്പോഴാണ് ഞങ്ങള്‍ രണ്ടാളും ഒരേപോലെ ചതിക്കപ്പെട്ടു എന്ന് മനസിലാക്കിയത്. അതിന് ശേഷം പിന്നെ പ്രണയിക്കാനൊന്നും പോയിട്ടില്ല. 3 വര്‍ഷം മുന്‍പ് ഒരാള്‍ എന്നെ പ്രൊപ്പോസ് ചെയ്തിരുന്നു. ഞാന്‍ അപ്പോള്‍ തന്നെ റിജക്റ്റ് ചെയ്തിരുന്നു.പുള്ളി വീട്ടുകാരോടൊക്കെ സംസാരിച്ചു. ഞാന്‍ ആഗ്രഹിച്ച ക്വാളിറ്റികളൊക്കെ പുള്ളിക്കുണ്ട്. എല്ലാത്തിനും സ്വന്തമായി അഭിപ്രായമുള്ളൊരാളെ കെട്ടണം എന്നുണ്ടായിരുന്നു. പുള്ളി അങ്ങനെയാണ്. കല്യാണം തീരുമാനിക്കാന്‍ പോവുകയാണ്.
മോശം അനുഭവം
പ്ലസ് ടു സമയത്തും ഒരു അനുഭവമുണ്ടായിരുന്നു. നേരിട്ട് വന്ന് പ്രൊപ്പോസ് ചെയ്തിരുന്നു. പുള്ളി കുറച്ച് ഹൈ ലെവല്‍ ആയിരുന്നു. എനിക്കന്ന് ഒരു ഡിസിഷനും എടുക്കാന്‍ അറിയില്ല. ആലോചിക്കാമെന്ന് പോലും പറയാതെ റിജക്റ്റ് ചെയ്യുകയായിരുന്നു. പുള്ളി ബെഞ്ചിലൊക്കെ എന്റെ പേര് എഴുതി വെച്ചിരുന്നു. എന്നിട്ടും ഞാന്‍ ഇഷ്ടമാണെന്ന് പറഞ്ഞിരുന്നില്ല. ഓണാഘോഷം കഴിഞ്ഞ് വീട്ടിലേക്ക് വരുന്നതിനിടയിലായിരുന്നു പുള്ളി വന്ന് ബൈക്ക് കൊണ്ട് ഇടിക്കാന്‍ നോക്കിയത്. സ്‌കൂളിലൊക്കെ അറിഞ്ഞപ്പോള്‍ അത് പ്രശ്‌നമായി. ബൈക്കൊന്നും സ്‌കൂളില്‍ കൊണ്ടുവരരുത് എന്ന് പറഞ്ഞപ്പോള്‍ അതങ്ങ് പോയി.
സ്ത്രീധനം
ഭീമയുടെ മോഡല്‍ ആയത് കൊണ്ടാണോ എന്നറിയില്ല കല്യാണ ആലോചന വരുന്ന സമയത്ത് സ്ത്രീധനം ചോദിക്കുന്നുണ്ട്. കാറും സ്വര്‍ണ്ണവുമൊക്കെയാണ് ചോദിക്കാറുള്ളത്. അങ്ങനെയൊരു കല്യാണത്തില്‍ താല്‍പര്യമില്ല. ചോദിക്കുന്നവര്‍രക്ക് ഭീമ ജ്വല്ലറി തന്നെ മേടിച്ച് കൊടുക്കാമെന്നാണ് ചേട്ടന്‍ പറയാറുള്ളതെന്നും അനര്‍ഘ പറഞ്ഞിരുന്നു.