സ്റ്റാര്‍ സിംഗറിലെ ഇമ്രാനെ മറന്നോ? പാട്ടുപാടാൻ ഇമ്രാനെ വിളിക്കണമെന്ന് ഷിയാസ്

സോഷ്യൽ മീഡിയയിൽ ഏറെ ആക്ടീവാണ് ഫിറ്റ്നെസ്സ് ഫ്രീക്കായ ഷിയാസ്. ഇടയ്ക്കിടയ്ക്ക് വര്‍ക്കൗട്ട് ചിത്രങ്ങളും വീഡിയോകളുമൊക്കെ സോഷ്യൽ മീഡിയയിൽ ഷിയാസ് പങ്കുവയ്ക്കാറുണ്ട്. ക്യാപ്റ്റൻ, വീരം എന്നീ രണ്ട് മലയാള ചിത്രങ്ങളിലും ഷിയാസ് അഭിനയിച്ചിട്ടുണ്ട്. മരക്കാര്‍ അറബിക്കടലിന്‍റെ സിംഹം എന്ന സിനിമയിലാണ് ഈ വര്‍ഷം അഭിനയിച്ചിട്ടുള്ളത്.

ഇപ്പോഴിതാ ഇമ്രാൻ ഖാൻ എന്ന ഐഡിയ സ്റ്റാർ സിംഗറിലെ ഗായകന്‍റെ ഒരു വീഡിയോ പങ്കുവെച്ചിരിക്കുകയാണ് ഇൻസ്റ്റയിൽ ഷിയാസ്. എനിക്ക് ഇമ്രാനെ കാണുമ്പോൾ എന്നെ തന്നെയാണ് ഓർമ്മ വരുന്നത് എന്നും അദ്ദേഹം കുറിച്ചിരിക്കുകയാണ്. ഐഡിയ സ്റ്റാർ സിംഗർ കഴിഞ്ഞു ഇമ്രാന്‍റെ ജീവിതം ആകെ മാറി എന്നെ പോലെ തന്നെ, പക്ഷെ ഇടയ്ക്ക് എവിടെയോ ഇമ്രാന്‍റെ പാട്ട് ജീവിതം താളം തെറ്റി. ഒഴിവ് സമയം ഓട്ടോ ഓടിച്ചും ഇടയ്ക്ക് ചെറിയ പ്രോഗ്രാം ഒക്കെ ആയിട്ടാണ് ഇമ്രാൻ ഇപ്പോ ജീവിക്കുന്നത്, ഷിയാസ് കുറിച്ചിരിക്കുകയാണ്.

ഇമ്രാനെ പോലെ ജനം ഒരിക്കൽ എന്നെയും മറക്കുമോ എന്നുള്ള പേടി എനിക്ക് പല തവണ വന്നിട്ടുണ്ട് അത് ഞാൻ പറഞ്ഞിട്ടും ഉണ്ട്. നിങ്ങൾ ഇമ്രാനെ സഹതാപത്തോടെ നോക്കേണ്ട കാര്യമില്ല കാരണം ഇമ്രാൻ പാടാനുള്ള കഴിവുണ്ട് പറ്റിയാൽ ചെറിയ പാട്ട് ചെറിയ പ്രോഗ്രാം ഒക്കെ കൊടുക്കുക, കോവിഡ് കഴിയുമ്പോൾ വീണ്ടും പഴയ ആ സ്റ്റാർ സിംഗർ ലെവലിൽ ഇമ്രാൻ വരട്ടെ എന്നു ഞാൻ ആഗ്രഹിക്കുന്നു, ഷിയാസ് കുറിപ്പിൽ പറയുന്നു.

നിരവധി കമന്‍റുകള്‍ ഷിയാസ് പങ്കുവെച്ചിരിക്കുന്ന കുറിപ്പിന് താഴെ വന്നിട്ടുണ്ട്. ഷിയാസ് ഇൻസ്റ്റയിൽ ഇത്തരത്തിലുള്ള പോസ്റ്റുകള്‍ ഇടുന്നത് പബ്ലിസിറ്റിക്ക് വേണ്ടിയാണെന്നും കൂടുതൽ ഷോ വേണ്ടെന്നുമൊക്കെ കമന്‍റ് ചെയ്തിട്ടുള്ളൊരാള്‍ക്ക് തക്കതായ മറുപടിയും ഷിയാസ് നൽകിയിട്ടുണ്ട്. ഞാൻ ഒരു അഭിപ്രയം പറയുന്നത് എനിക്ക് സമൂഹത്തിന് നേരെയുള്ള കാഴ്പ്പാട് ആണ്, അതിന് വേണം എങ്കിൽ നിങ്ങൾക്ക് അംഗീകാരിക്കാം വിമർശിക്കാം. പക്ഷെ ഞാൻ അഭിപ്രായം പറയുന്നത് നിലനിൽക്കാൻ ആണെന്ന് പറയുന്നത് ജനതപത്യമല്ല അതൊരു മര്യാദയല്ല, ഷിയാസ് കുറിച്ചിട്ടുണ്ട്.

Also Read: 'വേദനകളില്ലാത്ത മറ്റൊരു ജീവിതത്തിലേക്ക്'; ഹൃദയം നുറുങ്ങി ദിവ്യ കുറിച്ചു, പിന്നാലെ മരണം!