ഫിറോസിക്കയെ നേരത്തെ കാണാനായില്ലെന്നത് വലിയ വിഷമമാണെന്ന് സജ്‌ന! ഞങ്ങള്‍ പുറത്താവുമെന്ന് നേരത്തെ മനസ്സിലാക്കിയിരുന്നു! സജ്‌നയോട് കരയരുതെന്ന് പറഞ്ഞിരുന്നുവെന്നും ഫിറോസ്!

ഫിറോസ് ഇക്കയെ നേരത്തെ കാണാനായില്ല. മോള്‍ അദ്ദേഹത്തിന്റേതായില്ലല്ലോ, ഇതോര്‍ത്ത് വലിയ വിഷമമുണ്ട്. ജീവിതത്തിലെ വലിയൊരു വിഷമത്തെക്കുറിച്ച് സജ്‌നയോട് അവതാരകന്‍ ചോദിച്ചപ്പോഴായിരുന്നു ഈ മറുപടി. ഒന്നും മറച്ചുവെക്കാതെ എല്ലാരേയും സ്‌നേഹിക്കുന്ന ക്യാരക്ടറാണ്. ഇങ്ങനെ ചെയ്യണം, അങ്ങനെ ചെയ്യണമെന്ന് പറയാറില്ല. ഏറ്റവും വലിയ പ്ലസ് പോയന്റായി തോന്നിയത് ഇക്കാര്യമാണ്.

ഫിറോസിനും സജ്‌നയ്ക്കും എന്റെ അടുത്തേക്ക് വരാമെന്ന് മോഹന്‍ലാല്‍ പറയുമെന്ന് നേരത്തെ മനസ്സിലാക്കിയിരുന്നു. നമ്മളായിരിക്കും പുറത്തേക്ക് പോവുന്നതെന്ന് മുന്‍പേ എനിക്കറിയാമായിരുന്നുവെന്ന് ഫിറോസ് പറയുന്നു. നീ കരയരുത്, കണ്ണില്‍ നിന്നും ഒരുതുള്ളി കണ്ണുനീര്‍ പോലും വീഴരുതെന്ന് സജ്‌നയോട് ഞാന്‍ പറഞ്ഞിരുന്നു. പുറത്തേക്ക് വരാനായി ലാലേട്ടന്‍ പറയുമ്പോള്‍ എനിക്കൊരു ഭാവമാറ്റവും ഇല്ലായിരുന്നു.

ബിഗ് ബോസിലെ 53 ദിവസവും ബോണസായി കാണുന്നയാളാണ് ഞാന്‍. ജനങ്ങള്‍ ഞങ്ങളെ ഏറ്റെടുത്തു. ഞങ്ങളുടെ സോഷ്യല്‍ മീഡിയ അക്കൗണ്ടുകള്‍ പരിശോധിച്ചാല്‍ മനസ്സിലാവും. വലിയ മാറ്റമൊന്നുമില്ല. ഞങ്ങളുടെ അക്കൗണ്ടുകള്‍ മറ്റാര്‍ക്കും നല്‍കാതെ, വേറെ ക്യാംപയിനുകളൊന്നും നടത്താതെയാണ് ഞങ്ങള്‍ ഷോയിലേക്ക് വന്നതെന്നും ഇരുവരും പറയുന്നു.

സ്ത്രീവിരോധിയെന്നായിരുന്നു ബിഗ് ബോസിലെ ചിലര്‍ എന്നെ വിശേഷിപ്പിച്ചത്. അങ്ങനെയൊരു സ്ത്രീവിരോധിയായാണ് ഞാനാണ് ഭാര്യേയയും ഷോയിലേക്ക് കൂടെക്കൊണ്ട് വന്നത്. സജ്‌നയ്ക്ക് മുന്‍പേ ഈ മേഖലയില്‍ സജീവമായ ആളാണ് ഞാന്‍. ഷോയിലേക്ക് വരാന്‍ അവള്‍ക്കും ആഗ്രഹമുണ്ടെന്ന് പറഞ്ഞപ്പോള്‍ കൂടെക്കൂട്ടുകയായിരുന്നു. സ്ത്രീവിരോധിയാണെങ്കില്‍ ഞാന്‍ അങ്ങനെ ചെയ്യുമോയെന്നായിരുന്നു ഫിറോസിന്റെ ചോദ്യം.