നേരിട്ട് ചോദിച്ചിട്ടുണ്ട്
എന്തിനാടാ ഇത്. നിനക്ക് വേറെ പണിയില്ലേ എന്ന് ചോദിച്ചവരുണ്ട്. എന്റെ ഭാര്യ ടീച്ചറാണ്. മോളെ നോക്കണ്ട ഉത്തരവാദിത്വം എനിക്ക് ആണ്. അങ്ങനെയാണ് വീഡിയോ ചെയ്തു മുൻപോട്ട് പോകുന്നത്. പുറത്തിറങ്ങുമ്പോൾ ഇയാളല്ലേ ആ ഭ്രാന്തൻ എന്ന് ആളുകൾ ചോദിച്ചിട്ടുണ്ട്. കെ എസ് ഇ ബി കൗണ്ടറിൽ ഇരിക്കുമ്പോൾ ആളുകൾ വന്നിട്ട് ഇയാളല്ലേ ആ ആള് എന്ന് നേരിട്ട് തന്നെ ചോദിച്ചിട്ടുണ്ട് എന്നും ദാസ് ബസിംഗ ഷോയിലൂടെ പറയുന്നു.
ചെറുപ്പം മുതലേ
കോഴിക്കോട് മിട്ടായി തെരുവിലൂടെ നടക്കുമ്പോൾ ഇതല്ലേ ഭ്രാന്തൻ എന്ന് ചോദിക്കുന്നത് ഞാൻ എന്റെ ചെവിക്ക് കേട്ടിട്ടുണ്ട്. കമന്റസിലൂടെ യാണ് കൂടുതെൽ തെറിവിളികൾ കേൾക്കുന്നത്. ഭാര്യയെയും ഞാൻ തന്നെയാണ് കൊണ്ട് വരുന്നത് ഈ ഫീൽഡിലേക്ക്. വീട്ടുകാർ വരെ ആദ്യ സമയം ചോദിച്ചിട്ടുണ്ട് ഇതെന്താണ് നടക്കുന്നത് എന്ന്. പണ്ടുകോളേജ് കാലം മുതലേ പരിപാടികളിൽ താൻ പങ്കെടുത്തിട്ടുണ്ട് എന്നും ദാസ് പറഞ്ഞു.
ആളുകൾ പറയുന്നത് നോക്കാറില്ല
കോളേജിൽ പഠിക്കുന്ന കാലഘട്ടം മുതലേ കലാപരമായ പ്രവർത്തങ്ങളിൽ നിന്നിട്ടുണ്ട്. ആദ്യത്തെ ഹിറ്റ് വീഡിയോ വിജയുടെ ഒരു ഗാനം ആയിരുന്നു താൻ ചുവട് വച്ചത്. ഞാൻ ഡാൻസ് പഠിച്ച ആളൊന്നുമല്ല. പക്ഷെ ഞാൻ ചെയ്യും. ആളുകൾ പറയുന്നത് കേട്ടിരുന്നാൽ ഇന്ന് ദാസേട്ടൻ കോഴിക്കോട് ഉണ്ടാകുമായിരുന്നില്ല എന്നും ദാസും ഭാര്യയും പറയുന്നു
ട്രെന്റിന് അനുസരിച്ച്
കൊറോണ സമയത്താണ് ഇത് തുടങ്ങുന്നത്. കുട്ടിയെ പഠിപ്പിച്ചു കൊണ്ടിരിക്കുന്ന സമയത്തും പലപ്പോഴും ട്രെൻഡിങ് ആണ് വേഗം വരാൻ പറയുമെന്ന് ഭാര്യ ഷോയിലൂടെ പറയുന്നു. എനിക്ക് ഫാൻസ്‌ എന്ന് പറയുന്നത് ഇഷ്ടമല്ല. എല്ലാവരും എൻറെ സുഹൃത്തുക്കൾ ആണ്. കൊച്ചു കുട്ടികൾ ആണ് എനിക്ക് ഉള്ള ഫോളോവേഴ്സ് എന്നും ദാസേട്ടൻ പറയുന്നു.