കാണണമെന്ന് വിളിച്ച് അറസ്റ്റ് ചെയ്തു! പിതാവിനെ വിലങ്ങണിയിക്കുന്ന കാഴ്ച വരെ കാണേണ്ടി വന്നുവെന്ന് ജോണും ധന്യയും

പ്രണയിച്ച് വിവാഹിതരായവരാണ് ധന്യ മേരി വര്‍ഗീസും ജോണും. വിദേശത്ത് ഷോയ്ക്കായി പോയിരുന്ന സമയത്തായിരുന്നു പ്രണയം പറഞ്ഞത്. ഇഷ്ടം അറിയിച്ച് അധികം വൈകാതെ തന്നെ ഇരുവരും വിവാഹിതരായിരുന്നു. അഭിനയവുമായി മുന്നേറുന്നതിനിടയിലാണ് ഇവരുടെ ജീവിതത്തില്‍ അപ്രതീക്ഷിത പ്രതിസന്ധികളെത്തിയത്. തുടക്കത്തില്‍ തളര്‍ന്ന് പോയെങ്കിലും ശക്തമായി തിരിച്ചുവരികയായിരുന്നു ഇരുവരും. ഫ്‌ളവേഴ്‌സ് ഒരുകോടിയില്‍ അതിഥിയായി എത്തിയപ്പോഴും ഇവര്‍ അതേക്കുറിച്ച് പറഞ്ഞിരുന്നു.
സ്വന്തം പിതാവിന്റെ കൈയ്യില്‍ വിലങ്ങണിയിക്കുന്നത് നിസഹായതോടെ നോക്കി നില്‍ക്കേണ്ടി വന്ന അവസ്ഥയെക്കുറിച്ച് ജോണ്‍ സംസാരിക്കുന്നതും പ്രമോയില്‍ കാണിച്ചിരുന്നു.ഫാദര്‍ ഗവണ്‍മെന്റ് ജീവനക്കാരനായിരുന്നു. റിട്ടയറായതിന് ശേഷം ഞങ്ങളുടെ കമ്പനിയുടെ ചെയര്‍മാനായിട്ട് വര്‍ക്ക് ചെയ്തതാണ്. അദ്ദേഹത്തിന്റെ പേരിലൊരു കേസ് കൊടുത്തു. നമ്മള്‍ അത് അറിഞ്ഞില്ല. കമ്മീഷണര്‍ ഓഫീസില്‍ ജസ്റ്റ് കാണണമെന്ന് പറഞ്ഞ് വിളിച്ചു. ചെന്ന് കഴിഞ്ഞപ്പോള്‍ ഇനി നിങ്ങള്‍ക്ക് പോവാന്‍ പറ്റില്ല, നിങ്ങളെ അറസ്റ്റ് ചെയ്യുകയാണെന്ന് പറഞ്ഞു.
വീട്ടിലേക്ക് വാടക ഗുണ്ടകള്‍ ഇരച്ച് കയറിയ സംഭവത്തെക്കുറിച്ചും ജോണും ധന്യയും സംസാരിക്കുന്നുണ്ട്. വളരെ ഭവ്യമായി നിന്നവര്‍ വീട്ടില്‍ വരെ കയറിത്തുടങ്ങി. മോന്‍ ചെറുതായിരുന്നു അന്ന്. അവനൊപ്പം വീട്ടിലിരിക്കുമ്പോള്‍ എനിക്ക് പേടിയായിരുന്നു. ഡോര്‍ അടച്ച് അകത്ത് ഇരിക്കുമ്പോള്‍ ആരെങ്കിലും വന്ന് മുട്ടുമോ എന്നായിരുന്നു ടെന്‍ഷന്‍. 10 രൂപ പലിശയ്‌ക്കൊക്കെ എടുക്കേണ്ടി വന്നിരുന്നു അന്ന് എന്നായിരുന്നു ജോണ്‍ പറഞ്ഞത്.
പ്രണയകാലത്തെക്കുറിച്ചും ഇരുവരും സംസാരിച്ചിരുന്നു. വ്യത്യസ്തമായാണ് ജോണ്‍ പ്രണയം പറഞ്ഞത്. ആ രീതിയാണ് എനിക്ക് ഇഷ്ടമായത്. ഞങ്ങള്‍ സുഹൃത്തുക്കളായിരുന്നു. പ്രത്യേകിച്ച് താല്‍പര്യമൊന്നുമില്ലായിരുന്നു.യുഎസില്‍ പോയ സമയത്തും ഞങ്ങള്‍ നല്ല സുഹൃത്തുക്കളായിരുന്നു. ജോണിന് നിന്നോട് എന്തെങ്കിലുമുണ്ടോ എന്ന് എല്ലാവരും ചോദിച്ച് തുടങ്ങിയിരുന്നു. പ്രണയം പറഞ്ഞതിനെക്കുറിച്ച് കൂടുതല്‍ നന്നായി പറയുക ആളാണ്. അദ്ദേഹമാണല്ലോ വ്യത്യസ്തമായി അതേക്കുറിച്ച് എന്നോട് പറഞ്ഞത്.
ബിസിനസിലേക്ക് ഞങ്ങളായിട്ട് ഇറങ്ങിയതല്ല. ജോണിന്റെ കുടുംബത്തിന്റെ ബിസിനസായിരുന്നു. കടം കൂടി, പലിശയ്ക്ക് മേല്‍ പലിശയായി. എന്റെ പേര് വെച്ച് എന്റെ കമ്പനി പൊട്ടി എന്ന തരത്തിലായിരുന്നു പ്രചാരണങ്ങള്‍. തയും മുഖവുമൊക്കെ മറച്ച് യാത്ര ചെയ്തിരുന്നു. ജീവിതം അവസാനിപ്പിച്ചാലോ എന്ന് ചിന്തിച്ച് പോയിട്ടുണ്ട്. അന്ന് ഞാന്‍ പുള്ളിയുടെ കൂടെ നിന്നില്ലായിരുന്നെങ്കില്‍ ആള്‍ ഇന്നിപ്പോള്‍ ഇവിടെ ഇരിക്കില്ലെന്നും ജോണിനെക്കുറിച്ച് ധന്യ പറയുന്നുണ്ട്.