ഒളിച്ചോട്ടം ചരിത്രമാക്കിയ ആളാണ് ഞാന്‍, എന്നോട് അതേ കുറിച്ച് ചോദിക്കാന്‍ പാടില്ലായിരുന്നു എന്ന് ദിലീപ്; മോളെ കെട്ടില്ല എന്ന് അമ്മയുടെ തലയിലടിച്ച് സത്യം ചെയ്ത് അവളെയും കൊണ്ട് ഒളിച്ചോടിയ സാജു നവോദയോട് ദിലീപ് പറഞ്ഞത്

സാജു നവോദയ തന്റെ പ്രണയ കഥ പറഞ്ഞപ്പോഴാണ് ദിലീപും തനിയ്ക്കും അത്തരമൊരു ചരിത്രമുണ്ട് എന്ന് ഓര്‍മിച്ചത്. 24 ആം വയസ്സില്‍ ആയിരുന്നുവത്രെ സാജു നവോദയയുടെ പ്രണയവും ഒളിച്ചോട്ടവും എല്ലാം. അതും ചേട്ടന്റെ വിവാഹം കഴിഞ്ഞതിന്റെ തൊട്ടടുത്ത ദിവസം.

ആദ്യം മാന്യമായി രശ്മിയുടെ അമ്മയോട് പോയി, മകളെ കല്യാണം കഴിപ്പിച്ച് തരുമോ എന്ന് ചോദിച്ചു. ഇല്ല എന്ന് പറയുക മാത്രമല്ല, ഇമോഷണലായും സാജുവിനെ അമ്മ തകര്‍ത്തി. അവസാനം അമ്മയുടെ തലയില്‍ കൈ വച്ച് സത്യം ചെയ്തു, 'അമ്മയുടെ മകളെ ഞാന്‍ ഇനി ശല്യം ചെയ്യില്ല.. നിങ്ങള്‍ക്ക് ഇഷ്ടമുള്ളയാളെ അവള്‍ക്ക് കല്യാണം കഴിപ്പിച്ചു കൊടുക്കാം' എന്ന്.

ആ സത്യം ചെയ്തതിന് ശേഷം, രണ്ട് ദിവസം കൊണ്ടാണ് തന്നെയും കൊണ്ട് ചേട്ടായി ഒളിച്ചോടിയത് എന്ന് രശ്മി പറയുന്നു. അവളെയും കൊണ്ട് ഓടുന്ന ഓട്ടത്തില്‍ ഒരു ഒട്ടോറിക്ഷയ്ക്ക് കൈ കാട്ടി. കണ്ടപാടെ ചോദിച്ചു, നിങ്ങള്‍ ഒളിച്ചോടുകയാണോ എന്ന്. അതെ അന്ന് പറഞ്ഞപ്പോള്‍ അദ്ദേഹം ഞങ്ങളെ രക്ഷിച്ചു. സുരക്ഷിതമായി എത്തിക്കേണ്ടിടത്ത് എത്തിച്ചു. ഓട്ടോ കാശ് പോലും വാങ്ങിയില്ല- സാജു പറഞ്ഞു.

ഇങ്ങനെ സംഭവ ബഹുലമായ സാജുവിന്റെ പ്രണയത്തെ കുറിച്ച് സംസാരിച്ചുകൊണ്ടിരിയ്ക്കുമ്പോഴാണ് അവതാരക അശ്വതി ദിലീപിനോട് ഒളിച്ചോട്ടത്തെ കുറിച്ച് ചോദിച്ചത്. 'എന്നോട് അതേ കുറിച്ച് ചോദിക്കരുതായിരുന്നു, ഒളിച്ചോട്ടം ചരിത്രാക്കിയ ആളാണ് ഞാന്‍' എന്നായിരുന്നു അപ്പോള്‍ ദിലീപിന്റെ മറുപടി. ആ വിഷയത്തെ കുറിച്ച് കൂടുതല്‍ സംസാരിക്കാന്‍ നടന്‍ തയ്യാറായില്ല. പാസ് എന്ന് പറഞ്ഞ് ഒഴിഞ്ഞു മാറുകയായിരുന്നു